1 Jɑ̂ŋ 5:11 - Kɑɑ Fí

¹¹ Yúu mi Sɛ́ kɑ cúnɛ nǔu nu-Mɔ́ɔ nɛ, ɛ́ pʉ́ɔ ḿbɔ́ ŋɡɔ: Jʉ́ Sɛ́ kɑ ɡɑ́ luk kɛ́mɛ mbɔ̌ pɛkŋɛ, yîyɑ́ luk fú nǔu Mɔ́ɔ nɛ.

1 Jɑ̂ŋ 5:11 Kruisverwysings

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Jɑ̂ŋ 1:19

Jɑ̂ŋ ɡɛ ńcú nu ntɛ́ Yɛ́su. Ɛ́ pɔ́ yɛcɔ́ ŋkɑ́, pɑsɑ́Ꞌlɑ́Ꞌ-pɑyúdɑ pínɛ pɔ́p Yɛlúsɑlɛm túu pɑnɔŋpɔꞋ pɔ́p pʉɔ nǔu njẅɛt-Lɛ́vi, ŋɡɔ pɔ́p ɡʉ ḿbíkŋɛ Jɑ̂ŋ ŋɡɔ: «A pɔ́ wɔ̌?»

Jɑ̂ŋ 1:4

Luk kɑ pɔ́ nǔu wɛ́, luk ɛ̂yɑ́ pɔ́ kyɛꞌ yí ɛ́ kyɛꞋnɛ pʉɔmɛsɔŋ.

Jɑ̂ŋ 10:28

Ŋ ɡɑ́ luk kɛ́mɛ mbɔ̌ pɔ́p, pɔ́p ŋ́ɡʉ ńdɑ́Ꞌ ḿbɛn ńtíi ndɔɔ kɛ́mɛ pɔ́. Sɑ̌ɑ ŋu pɛn mbɔɔ kuꞋ nɛfú mbɔ̌ mɔ ɛ́sɑꞋ wɔ́p pɔ́.

Jɑ̂ŋ 12:50

M bɛn ḿbɔ́ ńjí ŋɡɔ Ŋkʉʉ ẅí ɑ kɑ fɛ́ɛnɛ mbɔ̌ mɔ ɛ́ luk kɛ́ mɛ. Ɛ́ pɔ́Ꞌɔ, nu yí n cúnɛ, n cú pɔ pɑ́Ꞌ Tɑ̌ɑ mɔ kɑ cúnɛ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 19:35

Ŋu ẅí ɑ sẅíinɛ wʉ́ʉ ɑ ńcẅɛ́ɛntɑ́ŋ nǔu kʉ̈ɔ́ lɑ́ yí ɛ́ kɑ lɛɛnɛ. Ɛ́ pɔ́ kwɑꞋ pɑ́Ꞌ ɛ́ kɑ lɛɛnɛ. KwɑꞋ jʉ́ nɛ tú yɛ́ pɔ́ ńniitɛ ńjí ŋɡɔ ɑ cú nu nɛ́nẅín, ńcú pɑ́Ꞌnɛ nɛpɔ́ yí pʉʉ yʉ́ʉ ɡʉ ńzɑ́p tʉ́m nǔu yɔ nu.

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

Jɑ̂ŋ 4:36

Ŋu ẅí ɑ lɑknɛ yúu, ɑ sɛ́ ńcẅɛ́ɛ tsɔ́ꞋfɑꞋ yɛ́, ɛ́ pɔ́ pɑ́Ꞌ ɑ sɛ́ ńcúꞋlɛ yúu ńníꞋ tsɛt luk kɛ́mɛ. Nɛpɔ́ yi ŋu ɑ pinɛ pɔ́p ŋu ɑ lɑknɛ ɡʉ tɛmtɛ ńtsɑ́ɑtɛ.

Jɑ̂ŋ 4:4

Ɛ́ pɔ́ ḿbíkŋɛ ŋɡɔ ɑ jɛ́Ꞌ wɛ́ tsɛt pɑk-ŋɡɔŋ-Sɑmɑlîi.

Jɑ̂ŋ 5:21

Pɑ́Ꞌ Tɑ́t wɛ ɡɛnɛ pʉɔ pí pɔ́p pfúnɛ zẅíimɛ pɔ́ ɡú lɑ́, ɛ́ ndʉ́ŋndʉŋ pɑ́Ꞌ Mɔ́ɔ pɛn ŋ́kuꞋ yɛ́ nɛɡɛ ŋu ẅí jʉ́ mɔ́ɔ kɔŋnɛ pɔ́ ɡú.

Jɑ̂ŋ 5:26

Ɛ́ pɔ́Ꞌɔ mbíꞋŋɡɔ Sɛ́ Tɑ́t ẅi ɑ nɛsɑ́Ꞌ-kwɑꞋ luk, ɑ kɑ ɡɑ́ mîmɑ́ mɛtʉʉ mbɔ̌ mɔ́ɔ nɛ.

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»

Jɑ̂ŋ 6:47

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m nǔu mɔ, mbɔ ŋɡɑŋ ɡʉ ŋ́ɡẅɛɛ luk kɛ́mɛ.

Jɑ̂ŋ 6:68

Símɔ Pyɛ̂ pʉ̈ɔt mbɔ̌ wɛ́ ŋɡɔ: «Tsɑpʉɔ, pɛk ɡʉ ŋ́ɡʉ ŋ́kẅɛ́ɛtɛ pɔ wɔ̌? Ɔ ɡẅɛɛ sẅiŋɛ yí ɛ́ ɡɑ́nɛ luk kɛ́mɛ.

Pʉɔ-Lɔ́mɑ 5:21

Ɛ́ lɛɛ pɔ́Ꞌɔ, Sɛ́ lɔk pɑ́Ꞌ ɑ tsɑ́ɑnɛ mɛjʉ́ŋ mɔ́p, jʉ́ tsʉ́Ꞌnɛ ŋ́ɡẅɛɛ wɔ́p, ŋ́ɡɛ pɔ́p tsʉ́Ꞌ pʉɔ pi pɔ́p ndʉ́ŋndʉŋ mbi yɛ́, ɛ́ lɔk ɛ́fí pɑ́Ꞌ nu kɛpɔŋ kɑ ɡɛnɛ nɛvú ɡẅɛɛ pʉɔmɛsɔŋ, ńjẅítɛ wɔ́p. Sɛ́ tsɑ́ɑ mɛjʉ́ŋ mɛkŋɛ ŋ́ɡɑ́ fuꞋ níinɛ yɛkŋɛ pɔ́Ꞌɔ, pɛkŋɛ lúꞋnɛ Tsɑpʉɔ Yɛ́su Kɛlístɔ lɑ ŋ́ɡẅɛɛ luk kɛ́mɛ.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

1 Timɔtɛ́ɛ 1:16

Lɑ́, Sɛ́ kɑ tsɑ́ɑ mɛjʉ́ŋ mɑ́ɑ, tɛ Yɛ́su Kɛlístɔ nyɛt nǔu mɔ ẅí mɔ ndúu tsɛtsɛt pɑɡɛ mɛnu kɛpɔŋ ŋɡɔ ɑ jí nɛsʉk. Pɔ́Ꞌɔ ńdɔk ŋ́ɡɑ́ fʉꞋ mbɔ̌ pʉɔ pi pɔ́p ɡʉ ŋ́ɡɛ ńzɑ́p tʉ́m nǔu wɛ́, ŋ́ɡẅɛɛ luk kɛ́mɛ.

Tîtɛ 1:2

Pɔ́Ꞌɔ, mbɔ pɔ́p ńnɑ́ŋ ḿbɔ́ ńzẅíꞋlɛ luk kɛ́mɛ yi Sɛ́ kɑ lɑ́Ꞌ ḿbɛ́t pɔ kɛ́ puꞋ ŋɡɔŋ, ŋ́kɑꞋ mbɔ̌ pʉɔ pɛ́. Pɛ́ jí ŋɡɔ ɑ lɔ̌ɔ ńcú nu pɛ́ lɔɔ kɛ́kɑ́ŋ pɔ́.

1 Jɑ̂ŋ 2:25

Kɛlístɔ kɑ kɑꞋ mbɔ̌ pɛkŋɛ ŋɡɔ, pɛkŋɛ pɛ Sɛ́ ɡʉ ńdɑ́Ꞌ ḿbɔ́ pɔ ŋkɑ́ tsʉʉ.

1 Jɑ̂ŋ 4:10

Ŋkɔŋɛ kɑ pɔ́ pɔ pɑ́Ꞌnɛ. Pɛkŋɛ ŋkɑɑnɛ kɛ́ ŋ́kɔŋ Sɛ́ pɔ́, jʉ́ kɑ kɔŋnɛ wɛkŋɛ. A kɑ kɔŋ wɛkŋɛ kɔŋnɛ tɛ ńtúu Mɔ́ɔ nɛ, ɑ tɔ́ ńdɔk tú yɛ́ ńnɔŋ pɔꞋ mbíꞋ wɛkŋɛ, ɛ́ yúu mi ɛ́ ɡɛnɛ Sɛ́ likŋɛ mɛnu kɛpɔŋ mɛkŋɛ.

1 Jɑ̂ŋ 4:9

Nu yi Sɛ́ kɑ lɔknɛ ńnyɛt wɛkŋɛ ŋɡɔ ɑ kɔŋ wɛkŋɛ pʉɔlɑɑ: A kɑ túu ndɑꞋ Mɔ́ɔ nɛ wɛ́mɔ́Ꞌ ndǔmbí ŋɡɔ pɛkŋɛ lɛɛ nzʉʉ wɛ́ ḿbɔ́ ɡú.

1 Jɑ̂ŋ 5:10

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, mbɔ mɔnɛ mɛnu mɛ́ntɑ́t ɡʉ ḿbɔ́ ɛ́fɑꞋ tʉ́m yɛ́. Ŋu ẅí ɑ kɑ́ pɛ́m nu yi Sɛ́ cúnɛ pɔ́, ŋɡɑŋ lɔk Sɛ́ ŋ́ɡɛ ɡɑŋ cɔtnu, mbíꞋŋɡɔ ɑ kɑ́ zɑ́p tʉ́m yɛ́ nǔu nu yi Sɛ́ cúnɛ mbíꞋ yúu mi jʉ́ Sɛ́ jínɛ nǔu nu-Mɔ́ɔ-nɛ pɔ́.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

1 Jɑ̂ŋ 5:7

ɛ́ lɔk ḿbɔ́ mɛnu mɛ́ntɑ́t mi ɛ́ lɛ́Ꞌlɛ́nɛ wɛkŋɛ nɛ́ nu nǔu Yɛ́su.

3 Jɑ̂ŋ 1:12

ŋ́ɡʉ nǔu Ndɛlmɛ́tɛ́lẅís, mbɔ mbɑ wɔ̌ lɑ́ kẅíi lík yɛ́ pɔ sʉ́Ꞌnɛ. Ntɛ́ yi ɑ sɛ́ ńdɔk ńnɛn nǔu sɛ̂ndúŋ-nu nɛ́nẅín sɛ́ ńdɛꞋlɛ ŋɡɔ mɛfɑꞋ mɛ́ pɔŋ. Pɛk ɡúu sɛ́ ŋ́kẅíi lík yɛ́ pɔ sʉ́Ꞌnɛ, ɔ pɛn ḿbɔ́ ńjí ŋɡɔ pɛk lɔk ńcú ɛ́sẅíi nu.

Jẅidɛ 1:21

Pʉʉ ɡɛ Sɛ́ kɛ́ ḿbɔ́ ŋ́kẅiꞋ ŋ́kɔŋ wʉ́ʉ kɔŋnɛ, ḿbɔ́ ńzẅíꞋlɛ ŋɡɔ Tsɑpʉɔ wɛkŋɛ Yɛ́su Kɛlístɔ ŋ́ɡʉ ŋ́ɡɛ pʉʉ ɡẅɛɛ luk kɛ́mɛ, mbíꞋŋɡɔ ɑ tsɑ́ɑ mɛjʉ́ŋ mʉ́ʉ.

Mɛnu ɛ́ ńdɑ́Ꞌ ńcẅɛt 1:2

Jɑ̂ŋ ɛ̂wɑ́ ɑ zɑꞋnɛ ḿbɔ́ ŋ́ŋwɑꞋnɛ kʉ̈ɔ́ lɑ́ yi ɑ kɑ jʉ́ɔnɛ. KwɑꞋ jʉ́ sɛ́ ńcú ŋɡɔ ɛ́ fú mbɔ̌ Sɛ́, ḿbɔ́ nu yi ɛ́ nɛ́nẅín, mbɔ Yɛ́su Kɛlístɔ kɑ ɡɛ pɛ́ jí.

Mɛnu ɛ́ ńdɑ́Ꞌ ńcẅɛt 22:1

Cʉ̈ɔꞋ-Sɛ́ pɑ́ɑtɛ ńnyɛt wɑ́ɑ nɛ́ mí ẅi ɛ́ ŋki ẅí ɛ́ ɡɛnɛ pɛ́ pɔ́ ɡú, ɛ́ pɔ́ ɛ́síi pɑ́Ꞌ tɛ ńdɛɛ túkcí yi pɛ́ fúŋnɛ ŋɡɔ kɛlistɑl lɑ́, ɛ́ pɔ́ ɛ́fú nǔu kɔꞋ-nɛfɔɔ-Sɛ́ pɔ́p Mɔ́ɔ-Njinjɔ ńcẅɛt.