1 Jɑ̂ŋ 4:16 - Kɑɑ Fí

¹⁶ Ɛ́ ɡʉ nǔu pɛk, mbɔ pɔ́p sɛ́ ńjí pɑ́Ꞌ Sɛ́ kɔŋnɛ wɛ́k pɔ́Ꞌɔ, pɛk kɑ jʉ́ɔ yîyɑ́ ntɛ́ ŋkɔŋɛ tɛ ḿbɛ́m. Sɛ́ ɡẅɛɛ pɔ ŋkɔŋɛ, ŋu lɑɑ ḿbɔ́ ŋ́kɔŋ pʉɔmɛsɔŋ, mbɔ ŋɡɑŋ ńdɑt mbʉʉ yɛ nǔu Sɛ́, Sɛ́ lɑt yɛ nǔu wɛ́.

1 Jɑ̂ŋ 4:16 Kruisverwysings

Jɑ̂ŋ 6:69

Pɛk kɑ lɑ́Ꞌmɔ́ ḿbɛ́m, ḿbɛn ḿbɔ́ ńjí ŋɡɔ ɔ kwɑꞋ ŋu ẅí ɑ fúnɛ nɛjɔ́ŋ Sɛ́.»

Jɑ̂ŋ 9:3

Yɛ́su pʉ̈ɔt ŋɡɔ: «Ɛ́ kɑ́ pɔ́ pɔ ŋɡɔ jʉ́ kɛ pʉɔ pinɛ pɔ́p kɑ pínɛ wɛ́ kɑ fɑɑnɛ yɛcɔ́ nu pɔ́. A fʉ ɛ́ pɔ́ pɔ ŋɡɔ Sɛ́ ńdɛɛ nǔu wɛ́ ńdɛꞋlɛ mɛfɑꞋ mɛ́.»

1 Kɔlɛ̂ŋtɛ 2:9

Pɛ́ kɑ zɛɛ ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: «Yúu mi ŋumɛsɔŋ kɑ́ pɔ́ ńjʉ́ɔ pɔ́ ŋ́kɛ́ ḿbɔɔ ńzúꞋ pɔ́, mbɔ ɑ kɑ́ pɔ́ ńzɛɛ ŋ́kwɑŋɛ pɔ́, Sɛ́ kɑ niitɛ́nɛ yîyɑ́ yúu ńzɑ́p. Nɛpɔ́ yi pʉɔ pi pɔ́p kɔŋnɛ wɛ́ ɡʉ ŋ́ɡɛ ńjʉ́ pii.»

1 Jɑ̂ŋ 3:1

Pʉʉ jʉ́ɔ pɑ́Ꞌ Tɑ́t wɛkŋɛ kɔŋnɛ wɛkŋɛ kɔŋnɛ tɛ ɛ́fúŋ wɛkŋɛ ŋɡɔ pɔ́ɔ pɛ́, ɛ́ sẅíi nu pɛkŋɛ pɛ́tɛ́. Lɑ́ pʉɔ-ndǔmbí pɔɔ wɛkŋɛ jí, mbíꞋŋɡɔ pɔ́p ŋ́kɑɑ kɛ́ ńjí ŋu ẅi Sɛ́ jʉ́ pɔ́.

1 Jɑ̂ŋ 3:16

Ŋkɔŋɛ kʉ̈ɔ́? Pɛkŋɛ ŋkɔ̂ɔnɛ, mbɔ pɛkŋɛ jí ŋɡɔ: Yɛ́su kɑ ɡɑ́ tú yɛ́ mbíꞋ wɛkŋɛ. Pɔ́Ꞌɔ lɑ́, ɛ́ sɛ́ ḿbíkŋɛ ŋɡɔ pɛkŋɛ ɡɑ́ tú yɛkŋɛ mbíꞋ pɔ́ɔpɛ́mɑ́ pɛkŋɛ.

1 Jɑ̂ŋ 3:24

Ŋu ẅí ɑ kúꞋlɛ́nɛ mbʉ́ʉ-Sɛ́, ɑ kɛ́ ńdɑt mbʉʉ yɛ nǔu Sɛ́ lɑtnɛ, Sɛ́ lɑt mbʉʉ yɛ nǔu wɛ́. Pɛkŋɛ fú nǔu Zẅikŋɛ Lɛ́ɛnɛ́nɛ yi Sɛ́ ɡɑ́nɛ mbɔ̌ pɛkŋɛ, ńjí ŋɡɔ Sɛ́ lɑt mbʉʉ yɛ nǔu pɛkŋɛ.

1 Jɑ̂ŋ 4:7

Pɛsúu pɑ́ɑ pɛ́ tʉʉndɛn, pɛkŋɛ ɡẅɛɛ ŋkɔŋɛ tsɛtsɛt pɛkŋɛ, mbíꞋŋɡɔ ŋkɔŋɛ ɛ́fú mbɔ̌ Sɛ́. Ŋu ẅí ɑ ɡẅɛɛnɛ ŋkɔŋɛ ɑ mɔ́ɔ-Sɛ́, ḿbɔ́ ńjí Sɛ́.