1 Jɑ̂ŋ 2:18 - Kɑɑ Fí

¹⁸ Mbɔ́ŋkʉ̈ɔ́ pɑ́ɑ, ndẅiknzʉʉ ŋkɑ́ sɛ́ ŋ́kuꞋ. Pʉʉ kɑ zúꞋ pɛ́ cú ŋɡɔ, ŋɡɑŋmbuu-Kɛlístɔ ɡʉ ńdɑ́Ꞌ ńtɔ́. Ɛ́ ŋkɔ̂ɔnɛ, mbɔ ɡɑŋmbuu-Kɛlístɔ tɔ́ tɛ ńzɑ́ɑ zɑ́ɑnɛ. Ɛ́ yúu mi ɛ́ ɡɛnɛ pɛkŋɛ jí ŋɡɔ ndẅiknzʉʉ ŋkɑ́ sɛ́ ŋ́kuꞋ.

1 Jɑ̂ŋ 2:18 Kruisverwysings

Mɑtʉ̈ɔ 24:11

Pɛŋɡɛ́mndʉ̈ɔ́Ꞌ-Sɛ́ pɛ́ cɔtnu cẅɛt tɛ ńzɑ́ɑ, ɛ́fúklɛ nɛzɑ́ɑ pʉɔ.

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 24:5

MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ tík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ cú ŋɡɔ: «A Nzɑ́Ꞌŋkʉ, ńcú pɔ́Ꞌɔ ńdɔk fu pʉɔ tɛ ńzɑ́ɑ.»

Mɑ́lɛ́kúshi 13:6

Pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p cú ŋɡɔ ɑ Nzɑ́Ꞌŋkʉ ẅi Sɛ́ kɑ kɑꞋnɛ, ńcú pɔ́Ꞌɔ, ńdɔk fu pʉɔ tɛ ńzɑ́ɑ.

Jɑ̂ŋ 21:5

A cú mbɔ̌ pɔ́p ŋɡɔ: «Pʉɔ pɑ́ɑ, tɛ pʉʉ zɛɛ ŋ́ɡẅɛɛ mbɑ tɑ́Ꞌ mbɑŋ shú?» Pɔ́p cú ŋɡɔ ŋɡɑ́ŋ.

Pʉɔ-Lɔ́mɑ 13:11

Pʉʉ sɑ́Ꞌ tʉʉ, ŋ́ɡɛ mîmɑ́ mɛnu mbíꞋŋɡɔ pʉʉ sɛ́ ńjí kɛm njí yi pɛkŋɛ nǔu. Yɔ ŋkɑ́ yi ɛ́ píkŋɛ́nɛ ŋɡɔ pʉʉ jʉɔmɛ. MbíꞋŋɡɔ ɛ́ ŋkɔ̂ɔnɛ, mbɔ ŋkɑ́ yi Sɛ́ ɡʉ ŋ́ɡɛ pɛkŋɛ luk, ɛ́ pɑ́ɑtɛ mɔ́, ńdɛɛ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ pɛ́t ńzɛ nɛzɑ́p tʉ́m nǔu Sɛ́.

Pʉɔ-Lɔ́mɑ 13:12

ZɑꞋ tsuŋ mɔ́ ńdɛɛ, njí pɔ́ mɔ́ ŋ́kiɛ. Pɔ́Ꞌɔ lɑ́, pɛkŋɛ mɛꞋ mɛfɑꞋ mi pɛ́ fɑꞋnɛ pɔ tsɛt nzɛ́nzʉ́ʉ, pɛkŋɛ tíi yúu-ntsɔ yi ɛ́ tʉ́ʉnɛ nǔu zʉꞋ kyɛꞌ, ńdɔk ńdʉ̈ɔ́Ꞌ ntsɔ.

Ɛ́bɛlʉʉ 1:2

Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.

1 Pyɛ̂ 1:20

Sɛ́ kɑ piitɛ ńtsɔ́Ꞌ wɛ́ nǔu yîyɑ́ nu, lɑ ńniitɛ ndǔmbí. Ɛ́ kɛ́ ŋ́ɡʉ nǔu yɔ ŋkɑ́ yi ɛ́ nɛlɔk ńdẅiklɛ lɑɑ, ńtík wɛ́ mɑ́ntɑ́ɑ mbíꞋ wʉ́ʉ.

1 Pyɛ̂ 1:5

ɛ́ yúu yʉ́ʉ, pʉʉ pʉɔ pi Sɛ́ sɛ́ ńdɔk mɛtʉʉ mɛ́ ḿbyɛ́p wʉ́ʉ, ɛ́ pɔ́ pɑ́Ꞌ pʉʉ sɛ́ ńzɑ́p tʉ́m nǔu wɛ́. Jʉ́ pyɛ́pnɛ wʉ́ʉ pɑ́Ꞌ pʉʉ ɡʉ ŋ́ɡɛ ŋ́ɡẅɛɛ luk yi ɛ́ ɡʉ ńdɑ́Ꞌ ndẅiknzʉʉ lɛ́Ꞌ ŋ́ɡɛ pɛ́ jʉ́ɔ.

1 Pyɛ̂ 4:7

Ndẅiknzʉʉ ŋkɑ́ yɛ mbɑ kʉ̈ɔ́ lɑ́ sɛ́ ŋ́kuꞋ. Pɑ́Ꞌ ɛ́ pɔ́Ꞌɔ lɑ́, pʉʉ pɔ́ pɑjínu. Kɔɔ pʉʉ ḿmɛꞋ mbʉʉ yʉʉ, ńjí ŋɡɔ pʉʉ ɡʉ ŋ́kuꞋ nɛcɛꞋlɛ Sɛ́.

2 Pyɛ̂ 2:1

Pɑcẅi Ŋkʉʉ-Sɛ́ pɛ́ cɔtnu kɑ pɔ́ yɛcɔ́ ŋkɑ́ ḿbɔ́ tsɛtsɛt pʉɔ-Íslɑyɛ̂l, ɛ́ ndʉ́ŋndʉŋ pɑ́Ꞌ pɑzíꞋ pʉɔ nɛ́ nu-Sɛ́ pɛ́ cɔtnu ɡʉ ŋ́ɡɛ ńcẅɛt tsɛtsɛt pʉʉ. Pɔ́p ɡʉ ŋ́ɡɛ ńdɔk pɔ ndɑ̌ɑ ndɑɑ ńzíꞋ pʉɔ nɛ́ cɔtnu, ɛ́ pɔ́ yi mbɔ ɛ́ pʉ́ʉpɛ tʉ́m-pʉɔ, ɛ́ pɔ́ pɔ́nɛ tɛ ḿmuŋɛ Ndɛ ẅí ɑ kɑ ɡɛnɛ pɔ́p luk, ŋ́ɡɛ pɔ́Ꞌɔ, ńdɔk ɛ́shuŋ ŋɡʉ̈ɔ́Ꞌ yi ɛ́ ɡʉ ḿbík wɔ́p, ɛ́ kɛ́ ḿbɔɔ líi nɛtɔ́ pɔ́.

2 Pyɛ̂ 3:3

Pʉʉ zɛɛ ḿbiitɛ ńjí ŋɡɔ, ɛ́ ŋ́ɡɛ ḿbɔ́ nǔu ndẅiknzʉʉ mɛlɛ́Ꞌlɑ́Ꞌ, pɛcɔ́ pʉɔ cẅɛt, ŋ́ɡɛ yɔ́p pɔ yúu mi mɛtʉʉ mɔ́p sɛ́ ńtsʉ́ʉnɛ wɔ́p ŋɡɔ pɔ́p ɡɛ. Pɔ́p ŋ́ɡɛ ŋ́ɡwɛ wʉ́ʉ,

1 Jɑ̂ŋ 2:22

Ŋɡɑŋ cɔtnu wɔ̌? A kɑ́ pɔ́ pɔ ŋu ẅí ɑ cúnɛ ŋɡɔ Yɛ́su kɑ́ pɔ́ Nzɑ́Ꞌŋkʉ pɔ́ pɔɔ? A ŋɡɑŋmbuu-Kɛlístɔ, ḿbɔ́ ŋu ẅí ɑ ɡɔ́ ńdʉꞋnɛ nu-Tɑ̌ɑ, ńdʉꞋ mbɑ nu-Mɔ́ɔ.

1 Jɑ̂ŋ 4:1

Pɛsúu pɑ́ɑ pɛ́ tʉʉndɛn, kɔɔ pʉʉ zúꞋ ŋu cú ŋɡɔ Zẅikŋɛ Lɛ́ɛnɛ́nɛ nǔu wɛ́, pʉʉ ɡɔ́ɔ ḿbɛ́m pɛ́mnɛ, kɛ́ tsuŋ ńdíŋɛ kɛ ɛ́ kwɑꞋ Zẅikŋɛ-Sɛ́ ɔɔ. MbíꞋŋɡɔ pɑcẅiŋkʉʉ-Sɛ́ pɛ́ cɔtnu zɑ́ɑ ndǔmbí tɛꞋ.

1 Jɑ̂ŋ 4:3

Lɑ́ ŋu lɑɑ ŋ́kɛ́ ńdʉꞋ nɛpɛ́m ŋɡɔ Yɛ́su Kɛlístɔ kɑ tɔ́ ḿbɔ́ ŋumɛsɔŋ, mbɔ ŋɡɑŋ kɑ́ ɡẅɛɛ Zẅikŋɛ yi ɛ́ fúnɛ mbɔ̌ Sɛ́ pɔ́, yɛ́ zẅikŋɛ ɛ́ yi ɛ́ fúnɛ mbɔ̌ ŋɡɑŋmbuu-Kɛlístɔ wi pʉʉ kɑ zúꞋ pɛ́ cú ŋɡɔ ɑ sɛ́ ńtɔ́ lɑ́. A kɑ kɛ́mɔ́ ńdɑ́Ꞌ ńtɔ́ tɛ ḿbɔ́ ndǔmbí.

2 Jɑ̂ŋ 1:7

Pɑcɔtnu sɑt mɔ́ ndǔmbí tɛ ńzɑ́ɑ. Pɔ́p kɑ́ pɔ́ ḿbɛ́m ŋɡɔ Yɛ́su Kɛlístɔ kɑ tsuŋ ɛ́shɔtnɛ ńtsʉ́Ꞌ ŋumɛsɔŋ pɔ́, pɔ́p kwɑꞋ ɡɑŋcɔtnu, ḿbɔ́ pɛɡɑŋmbuu-Kɛlístɔ.

Jẅidɛ 1:18

Pɔ́p kɑ cú mbɔ̌ pʉʉ ŋɡɔ, ɛ́ ɡʉ ńdɑ́Ꞌ ḿbɔ́ nǔu ŋkɑ́ yi ndǔmbí ɡʉ ḿmɛ, pɛcɔ́ pʉɔ ɡwɛ wʉ́ʉ, ŋ́ɡɛ mɛnu kɛpɔŋ nǔu ntɛ́ yi mbʉʉ yɔp sɛ́ ńtsʉ́ʉnɛ wɔ́p nɛɡɛ pɔ́Ꞌɔ.