1 Jɑ̂ŋ 1:10 - Kɑɑ Fí

¹⁰ Pɛkŋɛ kɛ ńcú ŋɡɔ pɛkŋɛ kɑ́ pɔ́ ɡɑŋmɛfɑɑnɛ pɔ́, mbɔ pɛkŋɛ lɔk Sɛ́ ɛ́fúŋ ŋɡɑŋ cɔtnu, sẅiŋɛ yɛ́ pɔɔ lɔk ḿbɔ́ nǔu pɛkŋɛ pɔ́.

1 Jɑ̂ŋ 1:10 Kruisverwysings

Jɑ̂ŋ 3:33

Ŋu ẅí ɑ pɛ́mnɛ nu yí ɑ cúnɛ, lɔk ńnyɛt ŋɡɔ Sɛ́ nɛ́nẅín nǔu mbɑ kʉ̈ɔ́ lɑ́.

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

1 Jɑ̂ŋ 1:8

Pɛkŋɛ lɑɑ ńcú ŋɡɔ nu kɛpɔŋ kɑ́ pɔ́ nǔu pɛkŋɛ pɔ́, mbɔ pɛkŋɛ lɔk pɔ́Ꞌɔ, ɛ́fɑɑnɛ sɛ̂ndúŋ, ḿbɛn ŋ́kɛ́ ḿbɔɔ ńjí nu nɛ́nẅín yi ɛ́ fúnɛ mbɔ̌ Sɛ́ pɔ́.

1 Jɑ̂ŋ 2:14

Mbɔ́ŋkʉ̈ɔ́ pɑ́ɑ, mɔ pɑ́Ꞌɑ ḿbɔ́ ŋ́ŋwɑꞋnɛ ɛ́sẅíi wʉ́ʉ ŋɡɔ pʉʉ sɛ́ ńjí Tɑ́t wɛkŋɛ, ŋ́ɡʉ nǔu pʉʉ pɛlʉ́m, mbɔ mɔ pɑ́Ꞌɑ ḿbɔ́ ɛ́sẅíi wʉ́ʉ ŋɡɔ pʉʉ sɛ́ ńjí ŋu ẅí ɑ ɡú tɛ ɛ́fú nzɛnɛ, ŋ́ɡʉ nǔu pʉʉ pɔ́ɔsuu, mɔ sɛ́ ɛ́sẅíi wʉ́ʉ ŋɡɔ, pʉʉ pɔ́ ńtɛntɛ tɛntɛnɛ, sẅiŋɛ-sɛ́ kɛ́ ḿbɔ́ pɔ tʉ́m pʉʉ, pʉʉ pɔ ńtɛn ńdɛɛ ŋu kɛpɔŋ.

1 Jɑ̂ŋ 2:4

Ŋu ẅí ɑ cúnɛ ŋɡɔ: «N jí wɛ́» Lɑ́ ŋ́kɛ́ ḿbɔɔ mbʉ́ʉ mɛ́ kúꞋlɛ, mbɔ ŋɡɑŋ ncɔtnu, nu nɛ́nẅín yi ɛ́ fúnɛ mbɔ̌ Sɛ́ lɔk ḿbɔɔ ḿbɔ́ tsɛt tʉ́m-ŋɡɑŋ pɔ́.

1 Jɑ̂ŋ 4:4

Pʉʉ mbɔ́ŋkʉ̈ɔ́ pɑ́ɑ, pʉʉ nǔu ɡúŋ yɛ́ Sɛ́. Pʉʉ kɑ kɛ́mɔ́ ńdʉɔ́Ꞌ tɛ ńdɛɛ pɑcẅiŋkʉʉ-Sɛ́ pɛ́ cɔtnu, mbíꞋŋɡɔ Zẅikŋɛ-Sɛ́ yi ɛ́ nǔu pʉʉ ɛ́ tɛn ńdɛɛ ŋɡɑŋmbuu-Kɛlístɔ ẅí ɑ ndǔmbí.

1 Jɑ̂ŋ 5:10

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, mbɔ mɔnɛ mɛnu mɛ́ntɑ́t ɡʉ ḿbɔ́ ɛ́fɑꞋ tʉ́m yɛ́. Ŋu ẅí ɑ kɑ́ pɛ́m nu yi Sɛ́ cúnɛ pɔ́, ŋɡɑŋ lɔk Sɛ́ ŋ́ɡɛ ɡɑŋ cɔtnu, mbíꞋŋɡɔ ɑ kɑ́ zɑ́p tʉ́m yɛ́ nǔu nu yi Sɛ́ cúnɛ mbíꞋ yúu mi jʉ́ Sɛ́ jínɛ nǔu nu-Mɔ́ɔ-nɛ pɔ́.

2 Jɑ̂ŋ 1:2

Pɛk kɔŋ wʉ́ʉ, ɛ́ fú nǔu pɑ́Ꞌ nu nɛ́nẅín ɛ́ tsɛt tʉ́m yɛkŋɛ, ɛ́ ŋ́kɛ́ ńdɑ́Ꞌ ńtsẅɛ́ ḿbɔ́ pɔ tsɛtú.