1 Timɔtɛ́ɛ 6:17 - Kɑɑ Fí

¹⁷ Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

1 Timɔtɛ́ɛ 6:17 Kruisverwysings

Mɑtʉ̈ɔ 12:32

Ŋu lɑɑ ɛ́sẅíŋɛ kɛpɔŋ nǔu Mɔ́ɔ-Ŋu, mbɔ Sɛ́ ɡʉ ńdɑ́Ꞌ ńdikŋɛ ŋ́ɡɑ́ mbɔ̌ wɛ́. Lɑ́ ŋu kɛ́ ɛ́sẅíŋɛ kɛpɔŋ nǔu Zẅikŋɛ Lɛ́ɛnɛ́nɛ, mbɔ pɛ́ kɛ́ likŋɛ ŋ́ɡɑ́ mbɔ̌ wɛ́ ŋkɔ̂ɔnɛ mbɑ nǔu yɛcɔ́ kɛm-ŋkɑ́ pɔ́.»

Mɑtʉ̈ɔ 19:23

Yɛ́su cú mbɔ̌ ɡɑŋku pɛ́ ŋɡɔ: «Ɛ sẅíi wʉ́ʉ, kwɑꞋ nɛ́nẅín, ŋɡɔ Ɛ́ tɛn mbɔ̌ ŋɡɑŋyúu nɛpɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́.»

Mɑtʉ̈ɔ 25:16

ŊɡɑŋfɑꞋ ẅí pɛ́ kɑ nɑ́nɛ ŋkɑ́p pɑk ŋkʉ yɛ́tɑ́ɑ mbɔ̌ wɛ́, tsʉ́Ꞌ ŋ́ɡɔ́ɔ fɛ́ꞌnɛ ńtɑ́ŋ yɛ́, tɛ ńjʉ́ yɛcɔ́ pɑk ŋkʉ yɛ́tɑ́ɑ.

Mɑtʉ̈ɔ 27:57

Ɛ́ ɡɛ ḿbɔ́ ntsuŋkẅɛ́Ꞌ wɛcɔ́ ŋɡɑŋyúu tɔ́, lík yɛ́ pɔ́ ŋɡɔ Yɔsɛ̂p, ɑ pɔ́ ŋu-tʉ́sɔŋ-Alimɑtɛ́, ḿbɔ́ ɑ tsʉ́Ꞌ yɛ́ ɡúu wɛcɔ́ ŋu-Yɛ́su.

Mɑtʉ̈ɔ 6:32

Pɑ kɛ́ jí Sɛ́ nɑ́ŋnɛ ŋ́ɡẅɛɛ yîyɑ́ ntɛ́ kwɑŋɛ. Ɛ́ ɡʉ nǔu pʉʉ, mbɔ Tɑ̌ɑ wʉʉ Sɛ́ jí yúu mi ɛ́ ɡʉ cẅɛ́lɛ́ wʉ́ʉ.

Mɑ́lɛ́kúshi 10:24

Gɑŋku pɛ́ zúꞋ yɔ sẅiŋɛ, ɛ́ kʉꞋnɛ wɔ́p tɛꞋ. Yɛ́su pɛn ńcú mbɔ̌ pɔ́p ŋɡɔ: «Mbɔ́ŋkʉ̈ɔ́ pɑ́ɑ, ŋu nɛpɛ́m tɛ Sɛ́ tsʉ́Ꞌnɛ ɛ́sɑ́Ꞌ wɛ́ tɛn tɛꞋ.

Lúkɑ́shi 19:2

Wɛcɔ́ ŋu cẅɛt, lík yɛ́ pɔ́ ŋɡɔ Sɑkíyɔ, ɑ pɔ́ tɑ́tndɑ́-pɑcẅɛ́ɛntsup-Pɑlɔ́mɑ, ḿbɔ́ ŋɡɑŋyúu tɛꞋ.

Lúkɑ́shi 3:11

A tsɔ́Ꞌ mbɔ̌ pɔ́p ŋɡɔ: «Ŋu wʉʉ lɑ́ɑ ŋ́ɡẅɛɛ mɛndẅí mɛ́mbɑ́, ɑ ɡɑ́ tɑ́Ꞌ mbɔ̌ ŋu ẅi ɑ zɛ ḿbɔɔ yɛcɔ́ ɡẅɛɛ. Ŋu ẅi ɑ ɡẅɛɛnɛ yúujʉ́, ɡɑ́ yɛ ŋu ẅí nji sɛ́ ńzɑ́ŋ wɛ́.»

ŊwɑꞋnɛ-Gɑŋntúu Yɛ́su Kɛlístɔ 14:17

Lɑ́, Sɛ́ kɛ ḿbɔɔ nɑ́ kɛ́ lɔk mɛfɑꞋ sʉ́Ꞌnɛ mɛ́ ńnyɛt wɔ́p ŋɡɔ ɑ ɡú pɔ́, ḿbɔ́ ɛ́fú tʉ́nɛ́pú ńtúu mbʉŋ mbɔ̌ pɔ́p, ŋ́ɡɛ yúu zɛ́m, pɔ́p lɑk nǔu ŋkɑ́ yi ɛ́ sɛ́ ḿbíkŋɛ. A lɔk ŋ́ɡɛ pɔ́p ɡẅɛɛ yúu pɛjʉ́ tɛ tʉ́m yɔ́p pɔŋ, ḿbɛn ńnɑ́ŋ ńtsɑ́ɑtɛ tsɑ́ɑtɛnɛ.»

ŊwɑꞋnɛ-Gɑŋntúu Yɛ́su Kɛlístɔ 14:27

Pɔ́p ɡʉ tɛ ŋ́kúu zúꞋu, ńcúꞋlɛ nɔɔ-pʉɔ-Kɛlístɔ tsʉʉ, ḿbɛ́ɛtɛ mbɑ kʉ̈ɔ́ lɑ́ yi Sɛ́ lɛɛnɛ nǔu pɔ́p ŋ́ɡɛ, ɛ́sẅíi wɔ́p. Nɛzɑ́ɑ mɛnu pɔ́p ḿbɔ́ ńcú pɑ́Ꞌ Sɛ́ kɑ ɡɑ́nɛ shʉ́ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ nɛzɑ́p tʉ́m nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 17:25

A kɛ́ ḿbɔɔ ḿbɔ́ ńzẅíꞋlɛ ŋɡɔ pʉɔmɛsɔŋ ɡɛ yɛcɔ́ yúu lɑ ɑ lɔk ḿbɔ́ yɛ́ ɡú pɔ́. Yɛcɔ́ yúu kɑ́ pɔ́ ńjɑ́k mbɔ̌ wɛ́ pɔ́. Jʉ́ ɡɑ́nɛ zẅikŋɛ mbɔ̌ pʉɔmɛsɔŋ, lɑ́ pɔ́p lɔk ḿbɔ́ ɡú, tɛ ŋ́ɡɑ́ mbɑ kʉ̈ɔ́ lɑ́.

Pʉɔ-Lɔ́mɑ 11:20

Ɔ́ɔŋ pɛ́ kɑ kɛ́ ŋ́kʉ́ɔꞋ wɔ́p ḿmɛꞋ, ɛ́ pɔ́, mbíꞋŋɡɔ pɔ́p kɑ́ zɑ́p tʉ́m nǔu Kɛlístɔ pɔ́. Ɔ pɛn ḿbɔ́ zúꞋu, mbíꞋŋɡɔ ɔ zɑ́p tʉ́m nǔu Kɛlístɔ, lɑ́ kɔɔ kɛ́ ŋ́ŋɑ́Ꞌtɛ, tɛ ńtsʉ́Ꞌ pɔ́Ꞌɔ, ɔ lɑk pɔ tú yú.

Ɛ́fɛ̂zɛ 5:5

Pʉʉ jí ŋɡɔ, ŋu mbɛ́ɛnɛ ẅí ɑ fúŋnɛ pɑŋɡɛ́, kɛ mɑŋɡɛ́ ẅí ɑ lɔɔnɛ mbɛ́ɛnɛ ɔɔ, mbɑ ŋu ẅí ɑ ɡɛnɛ mɛnu-ndǔmbí, tɛ mbɑ ŋu ẅí ɑ zɑ́pnɛ tʉ́m yɛ́ nǔu yúu-pʉɔ, wɛcɔ́ wɔp kɛ́ ḿbɔɔ ŋ́ɡẅɛɛ yɛ́ zʉꞋ tsɛt nu-nɛfɔɔ-Kɛlístɔ pɔ́p Sɛ́ pɔ́. Nɛzɑ́p tʉ́m nǔu yúu-pʉɔ, ɛ́ pɔ́ pɔ yɛcɔ́ ntɛ́ nɛɡúꞋlɛ yúu ńdɔk ńcú ŋɡɔ ɛ́ Sɛ́.

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

1 Tɛsɑlɔník 1:9

Pɛ́ nɑ́ŋ ɛ́sẅíi ntɛ́ yi pʉʉ kɑ lɔknɛ ńcẅɛ́ɛ wɛ́k, ŋkɑ́ yi pɛk kɑ tɔ́nɛ tsɛtsɛt pʉʉ, mbɑ ntɛ́ yi pʉʉ kɑ lɔknɛ ńtɛ́m ŋkwɛn nǔu yúu mi pɛ́ ɡúꞋlɛnɛ ŋɡɔ ɛ́ mɛsɛ́, ɛ́shɔtnɛ ńdíŋɛ Sɛ́ kɛ́ kúp sẅiŋɛ, ńtsʉ́Ꞌ ɛ́fɑꞋ pɔ mbɔ̌ wɛ́ ẅi ɑ ntʉʉ.

1 Timɔtɛ́ɛ 1:3

Mɔ sɛ́ ŋ́kɔŋ ŋɡɔ ɔ nɑ́ŋ Ɛ́fɛ̂zɛ, pɑ́Ꞌ ŋ kɑ pɔ́ ŋ́ɡʉ nɛ́ Mɑsɛndwɑn ńcú mbɔ̌ ɡu lɑ́, nɑ́ŋ zúꞋu, ńjí ŋɡɔ ɔ ɡʉ ńdʉꞋ mbɔ̌ pɛcɔ́ pʉɔ pi pɔ́p zúꞋu ŋɡɔ kɔɔ pɔ́p pɛn ńzíꞋ pʉɔ nɛ́ mɛnu mi ɛ́ nǔu nu-Yɛ́su Kɛlístɔ mbɔɔ nǔu sɛ̂ndúŋ pɔ́.

1 Timɔtɛ́ɛ 3:15

nɛpɔ́ yi n dɑɑ mbɔɔ fɛ́Ꞌnɛ ńtɔ́ pɔ́, ɔ fúŋ yɔ ŋwɑꞋnɛ, ńzúꞋ pɑ́Ꞌ pʉɔ-Sɛ́ ɡẅɛɛnɛ nɛnɛn pɔ́Ꞌɔ, tsɛt cúꞋlɛ-pɔ́ɔ-Sɛ́. Yîyɑ́ cúꞋlɛ pɔ́ yi pʉɔ-Sɛ́ ẅi ɑ ntʉʉ. CúꞋlɛ ɛ̂yɑ́ tík ntɔ́ɔ nǔu nu nɛ́nẅín pɑ́Ꞌ ntɔ́ɔ-ndɑ́.

1 Timɔtɛ́ɛ 4:10

Yɔ yúu mi ɛ́ ɡɛnɛ pɛk fɑꞋ fɑꞋ-Sɛ́ tɛ ŋ́kíɛ ziꞋnɛ, ḿmɑꞋ ntsɔ. Pɛk fɑꞋ, ḿbɔ́ ńzẅíꞋlɛ mbɑ kʉ̈ɔ́ lɑ́ pɔ mbɔ̌ Sɛ́ ẅi ɑ ntʉʉ. Jʉ́ ɡɛnɛ pɑ́Ꞌ pʉɔmɛsɔŋ tsʉʉ ɡʉ ńduk, lɑ́ ŋu kɛ́ ŋ́ɡɔ́ ńduk, ɛ́fú pɔ nǔu pɑ́Ꞌ ɑ zɑ́pnɛ tʉ́m nǔu Yɛ́su.

1 Timɔtɛ́ɛ 5:21

Mɔ ńdɔk lík-Sɛ́, ńdɔk lík-Yɛ́su Kɛlístɔ mbɑ lík-pɛcʉ̈ɔ́Ꞌ-Sɛ́ pi Sɛ́ kɑ tsɔ́Ꞌnɛ ńcú mbɔ̌ ɡu ŋɡɔ: «Tsuŋ ńzúꞋ yúu mi mɔ ńcú. Pɑ́ɑ nɛlíŋɛ shʉ́-ŋu, kɛ ńdɔk pɔ tɔŋ ɔɔ ŋ́ɡɛ yúu nǔu ŋu.»

1 Timɔtɛ́ɛ 6:13

Mɔ sɛ́ ńcú yɔ nu mbɔ̌ wú, ńtʉ́ʉ mbi Sɛ́ ẅí ɑ ɡɛnɛ yúu tsʉʉ pɔ́ ɡú, mbɑ mbi Yɛ́su Kɛlístɔ ẅí ɑ kɑ tʉ́ʉnɛ mbi Pɔ́ŋtí Pilɑ́tɔ ńcú nu nɛ́nẅín yi ɑ jínɛ:

1 Timɔtɛ́ɛ 6:9

Lɑ́ ɛ́ ŋ́kɛ́ ŋ́ɡʉ nǔu pʉɔ pi pɔ́p kɔŋ nɛɡẅɛɛ yúu tɛ ɛ́ zɑ́ɑ zɑ́ɑnɛ, ɡʉ ḿvu tsɛt ŋkwɑꞋnɛ. Mɛyúu kɛpɔŋ mi pɔ́p tsɑ́ɑnɛ, ɛ́ minɛ ɛ́ pʉ́ʉpɛ ŋu pʉ́ʉpɛ́nɛ, ɛ́ ɡẅɛɛ wɔ́p pɑ́Ꞌ ɡwɑk lɑ́. Mîmɑ́ mɛyúu tsʉ́ʉnɛ́nɛ pʉɔmɛsɔŋ pɔ́p vu sɛ́, ŋ́kúu pɛ́.

2 Timɔtɛ́ɛ 4:10

MbíꞋŋɡɔ Ndɛmɑs ḿmɛꞋ wɑ́ɑ, ɑ kɔŋ yúu-ndǔmbí tɛꞋ. Yîyɑ́ kɑ ɡɛnɛ ɑ ɡʉ nɛ́ tʉ́sɔŋ-Tɛsɑlɔnik. Kɛlɛ́sɛn ɡʉ nɛ́ pɑk-ŋɡɔŋ-Ŋɡɑlɑ̂t, Titɛus ɡʉ nɛ́ pɑk-ŋɡɔŋ-Ndɑlmɑtîi.

Tîtɛ 2:12

Yîyɑ́ ntɛ́ pɔŋtʉ́m sɛ́ ńzíꞋ wɛkŋɛ nɛmɛꞋ mɑt ẅí ɛ́ kɑ́ pɔŋ Sɛ́ pɔ́, mbɑ pɑ́Ꞌ pɛkŋɛ kɛ́ pɛn ŋ́ɡɛ yúu mi mbʉʉ yɛkŋɛ tsʉ́ʉnɛ́nɛ wɛkŋɛ ŋɡɔ pɛkŋɛ ɡɛ pɔ́. Pɛkŋɛ pɔ́ ndǔ yɔ mbí, ḿbɔ́ pʉɔ pí pɔ́p sɑ́ŋnɛ nu lɑ ŋ́ɡɛ, ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ńzúꞋ pɔ ndɑꞋ ntsu-Sɛ́.

Tîtɛ 3:6

Sɛ́ kɑ lɛɛ nǔu Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ńníꞋ Zẅikŋɛ Lɛ́ɛnɛ́nɛ ɛ̂yɑ́ tʉ́m pɛkŋɛ kɛ́ ɡʉɔꞋ.

2 Pyɛ̂ 1:11

Ɛ́ pɔ́ pɔ́Ꞌɔ, pɛ́ lɑ́Ꞌ ɛ́sɑ́ɑnɛ sɑ́ɑnɛ́nɛ ńtsɔ́Ꞌ ndúŋ ẅi ɛ́ ɡʉnɛ ŋ́kúu tsɛt nɛfɔɔ kɛ́mɛ-Yɛ́su Kɛlístɔ, ŋ́ɡɑ́ mbɔ̌ pʉʉ. A Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.