1 Kɔlɛ̂ŋtɛ 1:12 - Kɑɑ Fí

¹² Ŋ kɑ fú nǔu ńzúꞋ ŋɡɔ mbɑ wɔ̌ lɑ́ tsɛtsɛt pʉʉ tsʉ́Ꞌ ɛ́sẅíŋɛ pɔ nǔu yɛ́ ntɛ́. Wɛcɔ́ ŋu ɡɔ́ mɔ ŋu-Pɔ̂l, wɛcɔ́ ɡɔ ɑ ŋu wɛ Apɔlɔ́s. Wɛcɔ́ ɡɔ ɑ ŋu-Kɛfɑs, wɛcɔ́ cú ŋ́ɡɔ ɑ ŋu wɛ Kɛlístɔ.

1 Kɔlɛ̂ŋtɛ 1:12 Kruisverwysings

Mɑtʉ̈ɔ 23:8

Lɑ́ ŋ́ɡʉ nǔu pʉʉ, kɔɔ pʉʉ ɡɛ ŋɡɔ pɛ́ fúŋ wʉ́ʉ ŋɡɔ cícɑ, mbíꞌŋɡɔ pʉʉ pɔ́ pɔ́ɔpɛ́mɑ́, ḿbɛn ŋ́ɡẅɛɛ pɔ tɑ́Ꞌ cícɑ wɛ́mɔ́Ꞌ.

Jɑ̂ŋ 1:42

Ńdɔk Símɔ̂ŋ, ŋ́ɡʉ nɛjɔ́ŋ Yɛ́su, Yɛ́su tsuŋ ńdíŋɛ Símɔ̂ŋ tɛ ńcú mbɔ̌ wɛ́ ŋɡɔ: «Ɔ Símɔ̂ŋ mɔ́ɔ-Jɑ̂ŋ. Pɛ́ ɡʉ ŋ́ɡɛ ɛ́fúŋ wú ŋɡɔ Kɛfɑs», ɛ́ lɔk ḿbɔ́ ńcú ŋɡɔ Pyɛ̂.

ŊwɑꞋnɛ-Gɑŋntúu Yɛ́su Kɛlístɔ 18:24

Wɛcɔ́ ŋu-Yúdɑ ẅí pɛ́ kɑ pínɛ wɛ́ Alɛkzɑŋndɛlîi, pɛ́ fúŋ wɛ́ ŋɡɔ Apɔlɔ́s tɔ́ Ɛ́fɛ̂zɛ, ḿbɔ́ ŋu ńcú nu ɛ́ ńcẅɛt, ḿbɛn ńjí ŋwɑꞋnɛ-Sɛ́ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 19:1

Apɔlɔ́s ɡɔ́ ḿbɔ́ Kɔlɛ̂ŋntɛ pɑ́Ꞌɑ, Pɔ̂l pɔ́ ńjɛ́Ꞌ tsɛt pɑk-ŋɡɔŋ yi mɛmɑ́ mɛŋkɔ́Ꞌ zúꞋu, ŋ́ɡʉ tɛ ŋ́kúu Ɛ́fɛ̂zɛ, ńjʉ́ɔ pɛcɔ́ ntɑ́Ꞌpʉɔ-Kɛlístɔ pɔ́ zúꞋu,

1 Kɔlɛ̂ŋtɛ 1:11

Pɔ́ɔpɛ́mɑ́ pɑ́ɑ n zɛɛ ńcú pɑ́Ꞌ mbíꞋŋɡɔ pʉɔ nǔu njẅɛt-Kɛlɔwɛ̂ kɑ ɛ́sẅíi wɑ́ɑ ŋɡɔ fɑkŋɛ kɑ kɛ́mɔ́ ŋ́kúu tsɛtsɛt pʉʉ.

1 Kɔlɛ̂ŋtɛ 15:5

A kɑ nyɛt mbʉʉ yɛ́ mbɔ̌ Pyɛ̂, mbɑ mbɔ̌ pɛcɔ́ ɡɑŋku pɛ́ nǔu pʉɔ ntsɔ̌ppɑ́,

1 Kɔlɛ̂ŋtɛ 15:50

Pɔ́ɔpɛ́mɑ́ pɑ́ɑ, n dɔk pɑ́Ꞌɑ ńcú ŋɡɔ, ḿbɔ́ ŋu pɔɔ lɔk mbɑp-mbʉʉ yɔ yi ɛ́ ɡẅɛɛnɛ mbɑp-mbʉʉ nɛ́ mɛci lɑɑ, ńdɔk ŋ́kúu tsɛt nɛfɔɔ-Sɛ́ pɔ́. Ḿbɔ́ yúu mi ɛ́ lʉ̈ɔ́nɛ pɔ́p yi ɛ́ kɑ́ lʉ̈ɔ́ pɔɔ ńtɛmtɛ tɑ́Ꞌ zʉꞋ pɔ́.

1 Kɔlɛ̂ŋtɛ 16:12

Ɛ́ ɡʉ nǔu mɔ́ɔmɑ́ wɛkŋɛ Apɔlɔ́s, mbɔ n zɛ mɔ́ ńníꞋ mɛtʉʉ mɛ́ pɑ́Ꞌ pɔ́p pɛcɔ́ pɔ́ɔpɛ́mɑ́ ɡʉ ŋ́ɡʉ lɑ́Ꞌ pʉʉ. Lɑ́ ɑ kɑ́ pɔ́ ŋ́kɔŋ nɛɡʉ ŋkɔ̂ɔnɛ pɔ́, ɑ ɡʉ ŋ́ɡɛ ŋ́ɡẅɛɛ ŋkɑ́ lɑ ŋ́ɡʉ.

1 Kɔlɛ̂ŋtɛ 4:6

Pɔ́ɔpɛ́mɑ́ pɑ́ɑ, mɔ sɛ́ ńcú nu ḿbɛn ńdɛꞋlɛ pɑ́Ꞌ nu yi n cúnɛ nǔu mɔ ḿbɔ́, mbɑ pɑ́Ꞌ ɛ́ nǔu Apɔlɔ́s ḿbɔ́ pɔ́Ꞌɔ. N dɛꞋlɛ pɔ́Ꞌɔ, pɔ nɛlɔk ńzíꞋ wʉ́ʉ nɛ́ yúu. Ŋ kɔŋ ŋɡɔ pʉʉ fú nǔu pɛk ńzíꞋ yúu mi sɑknɛkɛt yi ɛ́ cúnɛ ŋɡɔ: «Ḿbɑ́ɑ ŋu nɛɡɛ yúu tɛ ńdɛɛ yi pɛ́ kɑ ŋwɑꞋnɛ́nɛ, ńdɔk ɛ́sẅíi wʉ́ʉ ŋɡɔ ŋu wʉʉ kɑ́ ɡẅɛɛ nɛlɔk pɑ́Ꞌ ɑ nzʉʉ wɛcɔ́ ŋu ŋ́ŋɑ́Ꞌtɛ mbi wɛcɔ́ pɔ́.»

1 Kɔlɛ̂ŋtɛ 7:29

Pɔ́ɔpɛ́mɑ́ pɑ́ɑ, yúu mi n dɔɔ nɛcú pɔ́ pɔ ŋɡɔ: «MɛfʉꞋ-njí kɑ́ pɛn ńzɑ́ɑ pɔ́. Ɛ́ sɛ́ ḿbíkŋɛ ŋɡɔ tɛ ɛ́fú ŋkɔ̂ɔnɛ, pʉɔ pi pɔ́p zɔ́Ꞌnɛ ńnɑ́ŋ pɑ́Ꞌ ŋkɑ́ yi pɔ́p kɑ́ zɔ́Ꞌ.»

1 Kɔlɛ̂ŋtɛ 9:5

Mbɑ wɛ́tɛ́ ŋu lɑ́ nǔu pɛk kɑ́ ɡẅɛɛ yɛ́ nɛɡɔ́ ńnɛn, pɔ́p wɛcɔ́ mɔ́ɔmɑ́ wɛkŋɛ ŋu-Kɛlístɔ wɛ mɑŋɡɛ́, ɑ pɔ́ nzwɛ́ wɛ pɔ́ kíi? Ɛ́ kɑ́ pɔ́ pɑ́Ꞌ Kɛfɑs, nɛ́ pɛcɔ́ ɡɑŋntúu, mbɑ pɔ́ɔpɛ́mɑ́-Tsɑpʉɔ ɡɛnɛ pɔɔ?

2 Kɔlɛ̂ŋtɛ 10:7

Pʉʉ sɛ́ ńjʉ́ɔ kʉ̈ɔ́ lɑ́ pɔ nǔu nzɛmpíi. Pɑ́Ꞌ ɛ́ pɔ́Ꞌɔ, ŋu lɑɑ ŋ́kɛ́ ḿbɔ́ ńcú ŋɡɔ ɑ ŋu-Kɛlístɔ, ɑ tsuŋ ńjí ŋɡɔ ɑ lɑɑ ḿbɔ́ ŋu-Kɛlístɔ, mbɔ pɛk pɛn ḿbɔ́ yɛ́k pʉɔ-Kɛlístɔ pɑ́Ꞌ jʉ́.

2 Kɔlɛ̂ŋtɛ 9:6

Pʉʉ jí ŋɡɔ ŋu lɑɑ ḿbi yúu ɛ́ pɔɔ zɑ́ɑ, mbɔ ɑ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ pɔɔ zɑ́ɑ, ḿbi ɛ́ zɑ́ɑ, mbɔ ɛ́ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ zɑ́ɑ.

Ŋɡɑlɑ̂t 2:9

Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.

Ŋɡɑlɑ̂t 3:17

Pʉʉ zúꞋ nu yi n dɔɔnɛ nɛcú. Sɛ́ kɑ ɡɔ́ ńzɛ ŋ́kɑꞋ nu mbɔ̌ Ábɛlɛhɑ̂m. Nɛpʉ́ʉ lɑ́Ꞌ ŋ́ɡɔ́ ńtɔ́, mbɔ ɛ́ lɛɛ mɔ́ ŋɡuꞋ ŋkʉ yɛ́nɛ́kwɑ nɛ́ mɛɡɛ́mɛ́ntɑ́t. Ɛ́ kɛ́ mbɔɔ ɡʉ nǔu kɑɑ yɔ́p Ábɛlɛhɑ̂m ḿbík yɛcɔ́ yúu pɔ́, ńdɔk pɔ́Ꞌɔ, ŋ́ɡɛ yúu mi ɑ kɑ kɑꞋnɛ mbɔ̌ wɛ́ pɔɔ lɛɛ níinɛ pɔ́.