پولُسئے کاگد په رومیان 14:19 - هُدائے پاکێن کتاب، بلۆچی زبانا

¹⁹ گڑا بیاێت مُدام هما کارانی پد و رندا ببێن که دێم په سُهل و آرامی و یکدومیئے رُست و رُدۆما برنت.

پولُسئے کاگد په رومیان 14:19 Kruisverwysings

زَبور 133:1

چۆن وشّ و دلکَشّ اِنت که هُدائے مردم په تپاکی هۆر بنندنت.

زَبور 34:14

چه بدیا پِر ترّ و نێکی کن، سُهل و اێمنیئے شۆهازا ببئے و همِشیئے رندا بکپ.

مَتّا 5:9

بَهتاور اَنت هما که سُهل و اێمنیَ کارنت، چێا که آ هُدائے چُکّ نامێنگَ بنت.

مَرکاس 9:50

واد شَرّ اِنت، بله اگن آییئے تام گار ببیت، شما چۆن آییا پدا وادۆکَ کنێت. شما هم وتا وادۆک و تامدار بکنێت و گۆن یکدگرا په سُهل و اێمنی زِند بگوازێنێت.“

پولُسئے کاگد په رومیان 12:18

تان هما هَدّا که شمئے دستا بیت، گۆن هرکَسا په سُهل و آرامی زِند بگوازێنێت.

پولُسئے کاگد په رومیان 15:2

چه ما هر یکّے وتی همساهگا په آییئے رُست و رُدۆمئے شَرّێن مکسدا وَشنۆد بکنت.

په تیموتاووسا پولُسئے ائولی کاگد 1:4

وَتگَڑێن کسّه و هلاس نبئیۆکێن سر و بُنانی نێمگا هم دِلگۆش مکننت. اے چیزّ هُدائے کارئے دێما برگئے بدلا اَڑ و کُڑ اَڈَّ کننت، چێا که هُدائے کار چه ایمانئے راها دێما رئوت.

په تیموتاووسا پولُسئے دومی کاگد 2:22

وتا چه ورناییئے هئوا و هئوَسان دور بدار و هما مردم که گۆن ساپێن دلے هُداوندئے ناما گِرنت، آیانی همراهیا پهرێزکاری و ایمان و مِهر و اێمنیا شۆهاز بکن.

پِتْرُسئے ائولی کاگد 3:11

چه بدیا پِر بترّیت و نێکی بکنت؛ سُهل و اێمنی بلۆٹیت و همِشیئے شۆهازا ببیت.