زَبور 7:10 - هُدائے پاکێن کتاب، بلۆچی زبانا

¹⁰ منی اِسپر هُدا اِنت که نێکدلانَ رَکّێنیت.

زَبور 7:10 Kruisverwysings

پێدایش 15:1

چه اے چیزّان و رند، هُداوندئے هبر الهام و شُبێنێئے تها په اِبراما آتک: ”او اِبرام! متُرس، من تئیی اِسپر آن. تئیی اِنام سکّ مزن اِنت.“

زَبور 112:2

آییئے نَسل و اۆبادگ زمینئے سرا پُرزۆرَ بنت، برکت نێکدلانی پدرێچا رسیت.

زَبور 125:4

او هُداوند! په نێکدلان نێکی کن په همایان که دلِش راست و تچک اَنت.

زَبور 3:3

بله تئو او هُداوند! وت منی چاگردا اِسپر ائے، منی شان و شئوکت ائے، منا سرپرازَ کنئے.

زَبور 84:11

که هُداوندێن رۆچ و اِسپرے، هُداوند رهمتَ بَکشیت و اِزّتَ دنت. هما که زندا په بێمئیاریَ گوازێنیت، هُداوند شرّێن چیزّان چه آییا دورَ نداریت.

زَبور 89:18

بێشَکّ، مئے بادشاه هُداوندئیگ اِنت، مئے اِسپر، اِسراییلئے پاکێنئے.