مَتّا 8:3 - هُدائے پاکێن کتاب، بلۆچی زبانا

³ ایسّایا دست شهارت، دستی پِر مُشت و گوَشتی: ”منَ لۆٹان، وشّ و پَلگار بئے.“ هما دمانا مرد چه سْیَه‌گَرّا پَلگار بوت.

مَتّا 8:3 Kruisverwysings

پێدایش 1:3

هُدایا گوَشت: ”رُژنایی ببیت“ و رُژنایی بوت.

زَبور 33:9

چیا که آییا گوَشت و هما چیزّ پئیم بوت، پرمانی دات و برجاه دارگ بوت.

دَرگوَز 4:7

هُداوندا گوَشت: ”دستا پدا کباهئے تها کن.“ آییا دست پدا کباهئے تها کرت. دستی که چه کباها در کرت، ته دست وشّ بوتگ‌اَت و دستئے پۆست جانئے اے دگه جاگَهانی پۆستئے پئیما اَت.

مَتّا 12:13

نون گۆن آ مردا گوَشتی: ”دستا شهار دئے.“ آییا دست شهار دات و دومی دستئے ڈئولا وشّ و دْراه بوت.

مَرکاس 1:41

ایسّایا آییئے سرا سکّ بَزّگ بوت، دستی شهارت و آ مردی دست پِر مُشت و گوَشتی: ”منَ لۆٹان، وشّ و پَلگار بئے.“

مَرکاس 4:39

آ چه وابا آگه بوت، گواتی هَکَّل دات و گۆن گوَرما گوَشتی: ”اێرمۆش! بَس کن!“ گڑا گوات کپت و چئول و مئوج آرام گپتنت.

مَرکاس 5:41

ایسّایا جنکّئے دست گپت و گوَشتی: ”تَلیتا کُم!“ بزان: او جنکُّک! پاد آ.

مَرکاس 7:34

آسمانئے نێمگا چارتی، آه و گینسارتے کَشّت و گوَشتی: ”اِفَّتَه!“ (بزان ”پَچ بئے!“)

مَرکاس 9:25

وهدے ایسّایا دیست مهلوک چه هر نێمگا تچان آییئے کِرّا پێداک اِنت، جِنّی هَکَّل دات و گوَشتی: ”او کَرّ و لِلّێن جِنّ! اے بچکّا یله دئے و پدا هچبر اِشیئے جسم و جانا مپُتر.“

لوکا 4:27

همے پئیما، اِلیشا نبیئے زمانگا، اِسراییلا بازێنے سْیَه‌گَرّئے نادْراهیا گپتگ‌اَت، بله یکّے هم دْراه نبوت. تهنا نۆمان نامێن مردے رَکّت که آ سوریَهئے مُلکا نندۆک اَت.“

لوکا 5:13

ایسّایا وتی دست شهارت، دستی پِر مُشت و گوَشتی: ”منَ لۆٹان. دْراه و پاک ببئے!“ هما دمانا، سْیَه‌گَرّا مرد یله دات.

لوکا 7:14

نزّیکّ آتک و مُردگئے تَهتی دست پِر کرت، مُردگئے کۆپگ دئیۆک اۆشتاتنت. ایسّایا مُردگ گْوانک جت: ”او وَرنا! من ترا گوَشان، پاد آ.“

یوهَنّا 11:43

چه اے هبران و رَند، ایسّایا گۆن بُرزێن تئوارے گْوانک جت: ”ایلازَر! در آ.“

یوهَنّا 15:24

اگن آیانی دێما من آ کار مکرتێننت که دگه کَسّا نکرتگ‌اَنت، بێمئیار اَتنت. بله نون وَه آیان اے کار دیستگ‌اَنت و اَنگت چه من هم نَپرتَ کننت و چه منی پتا هم.

یوهَنّا 5:21

هما پئیما که پت مُردگان زندگَ کنت و آیان زِندَ بَکشیت، چُکّ هم هرکَسا که بلۆٹیت زندگَ کنت.