پێدایش 23:16 - هُدائے پاکێن کتاب، بلۆچی زبانا

¹⁶ اِبراهێما اِپرونئے هبر زُرت و هما کیمّتی تۆر کرت که اِپرونا گوشتگ‌اَت و هیتّیان اِشکتگ‌اَت، بزان نُگرهئے چار سد شِکِل، سئوداگرانی گیشّتگێن سَنگ و تۆرئے هسابا.

پێدایش 23:16 Kruisverwysings

پێدایش 23:15

”منی واجه! منی هبرا گۆش دار. ڈگارئے کیمّت نُگرهئے چار سد شِکِل اِنت. اے منیگ و تئیی نیاما هچّے نه‌اِنت. وتی مُردگا کبر کن.“

پێدایش 43:21

پِر تَرّگا ما شپا یکّ جاگهێا داشت. ما وتی بار که بۆتکنت، دیستِن که چه ما هرکَسئے نُگره سَرجمیا آییئے جندئے گۆنیئے دپ دپا اێر اَنت. نون ما اے نُگره پدا آورتگ‌اَنت گۆن.

پێدایش 49:29

نون آکوبا وتی چُکّ چۆ سۆج داتنت: ”من گۆن وتی مُرتگێن مردمان هئوار بئیگی آن. منا منی پت و پیرُکانی کرّا، هما گارا کبر کنێت که اِپرون هیتّیئے ڈگارا اِنت،

پێدایش 50:13

آکوبِش کَنهانئے مُلکا برت و هما گارا کبر کرت که مَکپێلَهئے ڈگارا، مَمرِهئے نزّیکّا اَت. اِبراهێما آ گار گۆن ڈگارا چه اِپرون هیتّیا بها زرتگ‌اَت که کبرستانے بکنتی.

دَرگوَز 30:13

هما مردم که نامِش نِبیسگَ بنت، نێم شِکِل بدئینت، پاکێن جاگهئے شِکِلئے هسابا که شِکِلے بیست گێراه اِنت. اے نێم شِکِل په هُداوندا شُگرانهے.

مَتّا 7:12

پمێشکا، هر کارا گۆن دگران هما ڈئولا نێکی بکنێت که لۆٹێت آ دگه هم گۆن شما بکننت. شَریَت و نبیانی گپّ و هبر همِش اِنت.

کاسِدانی کار 7:16

آیانی جۆن چه اۆدا آرگ و شِکێمئے شهرا، هما کبرا کَلّ کنگ بوتنت که اِبراهێما چه هامۆرئے چُکّان په چیزّے زرّا بها گپتگ‌اَت.

پولُسئے کاگد په رومیان 13:8

هچکَسئے دئین شمارا پِر مبیت. شمئے دئینکاری تهنا گۆن یکدگرا مِهر کنگ اِنت؛ چێا که هرکَس گۆن دومیا مِهرَ کنت، آییا شَریَت برجاه داشتگ.

په پیلیپیان پولُسئے کاگد 4:8

براتان! نون گُڈسرا منَ گوَشان که هرچے که راست اِنت، هرچے که شَرپدار اِنت، هرچے که شَرّ اِنت، هرچے که پاک اِنت، هرچے که دۆستناک اِنت، هرچے که ستا کرزیت، هرچے که نێک اِنت و تئوسیپ کنگَ بیت، هما چیزّانی بارئوا پِگر بکنێت.

په تِسالونیکیان پولُسئے ائولی کاگد 4:6

کَسّ په وتی هئوَسا براتئے اِزّتا دست مجنت و چه آییا پائِدگ چِست مکنت، چێا که هُداوند هر گَندَگێن کارئے سِزایا دنت، اَنچۆ که ما پێسرا شمارا هُژّار کرتگ و گوَشتگ.