پێدایش 16:2 - هُدائے پاکێن کتاب، بلۆچی زبانا

² ساراییا گۆن اِبراما گوَشت: ”هُداوندا منی دێم داشتگ و چُکّ آورتَ نکنان. تئو برئو و گۆن منی مۆلدا بوَپس که بلکێن منا چه آییئے نێمگا چُکّے ببیت.“ اِبراما ساراییئے گَپّ زُرت.

پێدایش 16:2 Kruisverwysings

پێدایش 11:30

سارایی سَنٹ اَت و چُکّی نێست‌اَت.

پێدایش 17:16

من برکتیَ دئیان و ترا چه آییا مردێن‌چُکّے بیت. من سارَها برکتَ دئیان و آ کئومانی ماتَ بیت، کئومانی بادشاه چه آییا پێدا بنت.“

پێدایش 18:10

گڑا چه آیان یکّێا گوَشت: ”آیۆکێن سالا همے وهدا اَلّما تئیی کِرّا پرَ ترّان و تئیی لۆگی سارَها مردێن‌چُکّے گوَرانَ بیت.“ سارَه آییئے پُشتی نێمگا، گِدانئے دپا، گۆش دارگا اَت.

پێدایش 19:31

یکّ رۆچے مسترێن جنکّا گۆن کَسترێنا گوَشت: ”مئے پت پیر اِنت و اِدا دگه هچّ مردێنے نێست که گۆن ما وپت و وابے بکنت، اَنچۆ که سجّهێن دنیائے دۆد اِنت.

پێدایش 20:18

چێا که هُداوندا اِبراهێمئے جَن سارَهئے سئوَبا اَبیمَلِکئے لۆگئے سجّهێن جنێن چُکبَند کرتگ‌اَتنت.

پێدایش 25:21

اِساکئے لۆگی سَنٹ و بےائولاد اَت و پمێشکا اِساکا په وتی لۆگیا چه هُداوندا دْوا لۆٹت. هُداوندا آییئے دْوا گۆش داشت و اِساکئے لۆگی رِبِکّائے لاپ پُرّ بوت.

پێدایش 3:12

مردا گوَشت: ”هما جنێن که تئو منا داتگ، هماییا آ درچکئے بَر منا دات و من وارت.“

پێدایش 3:17

هُدایا گۆن آدما گوَشت: ”تئو وتی جَنئے هبر گۆش داشت و هما درچکئے بَر وارت که من ترا هُکم داتگ‌اَت که چه اِشیا مئوَر، پمێشکا تئیی سئوَبا زمین نالَتی اِنت. تئو وتی زِندئے سجّهێن رۆچان په سکّی و سۆری چه زمینا وتی وَراکا کَشّئے.

پێدایش 30:22

نون هُدا راهیلئے ترانَگا کپت، آییئے نێمگا دلگۆشی گوَر کرت و چُکّے بَکشاتی.

پێدایش 30:6

گڑا راهیلا گوَشت: ”هُدایا منی دادرَسی کرتگ. منی پریاتی گۆش داشتگ و منا چُکّے داتگی.“ پمێشکا آییئے نامی دان کرت.

زَبور 127:3

چُکّ چه هُداوندئے نێمگا میراس اَنت و پدرێچ چه هماییئے نێمگا مُزّ.

دَرگوَز 21:4

اگن واجها جنے دات و جنێنا بَچّ و جنکّ پێدا کرت، جَن و چُکّ واجهئیگَ بنت و گُلام تهنا برئوت.