پێدایش 11:8 - هُدائے پاکێن کتاب، بلۆچی زبانا

⁸ هُداوندا، اے مردم چه اۆدا سجّهێن زمینئے سرا شِنگ و شانگ کرتنت و اِشان شهرئے اَڈّ کنگئے کار بند کرت.

پێدایش 11:8 Kruisverwysings

پێدایش 10:25

اِبِرا دو مردێن‌چُکّ بوت، یکّێئے نام پێلِگ اَت، چێا که همے وهدا زمین بهر و بانگ بوت. براتئے نامی یُکتان اَت.

پێدایش 10:32

نوهئے مردێن‌چُکّانی کَبیله، آیانی سَر و بُنئے رِد و بندئے سرا، آیانی کئومانی هسابا همِش اَتنت. توپّانا رَند چه همِشان سجّهێن کئوم زمینئے سرا شِنگ و تالان بوتنت.

پێدایش 10:5

چه اِشان تئیاب‌دَپی مردم وتی سرڈگاران تالان بوتنت، هر یکّے گۆن وتی جندئے زُبانا، وتی کَبیلهانی هسابا، وتی کئومانی تها.

پێدایش 11:4

گوَشتِش: ”بیا په وت شهرے اَڈَّ کنێن، اَنچێن بُرجے مانی ببیت که سَرٹُلّی آسمانا سر ببیت، تانکه په وت نامے اێر بکنێن که سجّهێن زمینئے سرا شِنگ و شانگ مبێن.“

پێدایش 11:9

پمێشکا آ شهرئے نام بابِل بوت که هُداوندا اۆدا سجّهێن دنیائے یکّێن زُبان گَڑ و مَنج کرت. آییا مردم چه اۆدا زُرتنت و سجّهێن زمینئے سرا شِنگ و شانگ کرتنت.

پێدایش 49:7

نالَت بات اِشانی ترُندێن هِژما، اِشانی بێرَهمێن کَهرا. آکوبئے مُلکا یکّ یَکِّشَ کنان، اِسراییلئے مُلکا شِنگ و شانگ.

زَبور 33:10

هُداوند، کئومانی شئوربندیان پَچَ رێچیت و راجانی کارسازیانَ کرۆجیت.

زَبور 92:9

تئیی دژمن، او هُداوند، اَلّم گار و گمسارَ بنت و سجّهێن بدکار، شنگ و شانگ.

لوکا 1:51

آییا گۆن وتی پُرزۆرێن باسکا، مزنێن کار و کِرد پێش داشتگ و هما که وتی دلا بازێن پَهرِش بستگ، آییا شِنگ و شانگ کرتگ‌اَنت.