په گَلاتیان پولُسئے کاگد 4:18 - هُدائے پاکێن کتاب، بلۆچی زبانا

¹⁸ اے شَرّێن گپّے که شما مُدام پُرجۆش ببێت، تهنا آ وهدا نه که من شمئے کِرّا آن، بله په شَرّێن چیزّێا پُرجۆش ببێت.

په گَلاتیان پولُسئے کاگد 4:18 Kruisverwysings

زَبور 119:139

منی گئیرتا منا جانسۆچ کرتگ چێا که منی دژمنان تئیی هبر شمُشتگ.

زَبور 69:9

آ گئیرت که منا په هُدائے لۆگا هست‌اِنت، منا جانسۆچَ کنت و باهێنیت و تئیی رَد و بد کنۆکانی رَد و بد، منی سرا کپتگ‌اَنت.

یوهَنّا 2:17

نون مُرید یاتا کپتنت که هُدائے پاکێن کتابا نبشته اِنت: آ جۆش و گئیرت که منا په هُدائے لۆگا هست‌اِنت، منا سۆچیت و پُرَ کنت.

په گَلاتیان پولُسئے کاگد 4:13

شما زانێت که ائولی رندا که من شمئے کرّا وَشّێن مِستاگئے جار جَت، منی آیگئے سئوَب نادراهیے اَت.

په گَلاتیان پولُسئے کاگد 4:17

اے مردم په پُرجۆشی شمئے رندا کپتگ‌اَنت، بله اِشانی نیّت شَرّ نه‌اِنت. اے مردم شمارا چه ما سِندگَ لۆٹنت که شما په اِشان پُرجۆش ببێت.

په گَلاتیان پولُسئے کاگد 4:20

درێگتا من اَنّون شمئے کِرّا بوتێنان و من بتوانتێن گۆن شما په نَرم‌تئواری هبر بکرتێن، چێا که هئیران آن شمارا چۆن بکنان.

په پیلیپیان پولُسئے کاگد 1:27

تُرے هرچے ببیت، وتی زِندا اَنچُش بگوازێنێت که مَسیهئے وشّێن مِستاگا بکرزێت. گڑا اگن من شمئے چارگا بیایان یا چه شما دور ببان، بَسّ سهیگ ببان که شما یَکدل و یکجان اێت و مُهر اۆشتاتگێت و په وتی باوَرا، بزان په وشّێن مِستاگا په همدلی جُهد کنگا اێت و

په پیلیپیان پولُسئے کاگد 2:12

پمێشکا منی دُردانَگان! اَنچُش که شما مُدام پرمانبردار بوتگێت، نه تهنا آ وهدا که من شمئے کرّا اَتان، اَنّون هم که من اۆدا نه‌آن، اَنگت گێشتر پرمانبردار اێت. گڑا په تُرس و لَرز وتی نجاتئے رُست و رُدۆمئے جُهدا بکنێت.

په تیتوسا پولُسئے کاگد 2:14

ایسّا مَسیها وتی زند په ما نَدر کرت که مارا چه مئے سجّهێن سِلکاریان بمۆکیت و په وت کئومے پاک و پلگار بکنت که آییئے جندئیگ ببیت و اے کئوم په شرّێن کارئے کنگا هُبّیگ و هُدۆناک ببیت.

اِلهام 3:19

من همایان نِهرَّ دئیان و اَدبَ کنان که منا دۆست اَنت. پمێشکا په دل پشۆمان بئے و تئوبه کن.