په گَلاتیان پولُسئے کاگد 2:8 - هُدائے پاکێن کتاب، بلۆچی زبانا

⁸ هما هُدا که پِتْرُسا واک و توان دئیگا اَت که په سُنّت کرتگێنان آییئے کاسد ببیت، هما هُدا منا هم واک و توان دئیگا اَت که په سُنّت نکرتگێنان آییئے کاسد ببان.

په گَلاتیان پولُسئے کاگد 2:8 Kruisverwysings

کاسِدانی کار 1:25

تان اے هاسێن کاسِدیئے زِمّهواریا وتی کۆپگان بزوریت، هما هِزمت که یَهودایا یله دات و همۆدا شت که آییئے بێهی جاگه اَت.“

کاسِدانی کار 1:8

بله وهدے پاکێن روه شمئے دلانَ نندیت، شمارا وس و واکَ رسیت و اورشَلیمئے شهرا، یَهودیَه و سامِرَهئے دَمگان، تان سَرجمێن دنیائے گُڈّی مرز و سیمسران هم، په من شاهدیَ دئیێت و منی وشّێن مِستاگا رَسێنێت.“

کاسِدانی کار 15:12

پِتْرُسئے هبرانی اِشکنگا رَند، سَرجمێن مُچّی بێتئوار بوت و بارنابا و پولُسئے گپّ و تْرانِش گۆش داشتنت، که هُدایا چه آیانی دستا، درکئومانی نیاما چۆنێن مۆجزه و اَجِکّایی پێش داشتگ.

کاسِدانی کار 19:26

بله شما وت اِشکتگ و دیستگ، اے مردا، پولُسا، نه تهنا اِپێسُسئے، کمّ و گێش سجّهێن آسیائے دَمگئے بازێن مردمے گُمراه کرتگ و گوَشیت که مئے دستانی اَڈّ کرتگێن هُدا، په هچّ دابا هُدا نه‌اَنت.

کاسِدانی کار 21:19

تئیارجۆڑیا رَند، پولُسا په سَرجمیا گوَشت که هُدایا چه آییئے هِزمتان په درکئومان چے کرتگ.

کاسِدانی کار 22:21

پدا هُداوندێن ایسّایا منا گوَشت: ’برئو، چێا که من ترا دورێن هَند و دَمگان درکئومانی کِرّا راهَ دئیان.‘“

کاسِدانی کار 4:4

بله بازێنے که آیانی کُلئو و پئیگامِش اِشکتگ‌اَت باوَرمند بوت و چه آیان کِساس پنچ هزار مردێن اَتنت.

کاسِدانی کار 8:17

پِتْرُس و یوهَنّایا وتی دست آیانی بڈّا جت و پاکێن روه آیان رَست.

کاسِدانی کار 9:15

بله هُداوندا گۆن هَنّانیایا گوَشت: ”برئو، من په وتی هِزمتکاریا، آ گچێن کرتگ که درکئوم و آیانی بادشاه و اِسراییلیانی گوَرا برئوت و په منی ناما گواهی بدنت.

په گَلاتیان پولُسئے کاگد 3:5

هما که شمارا پاکێن روهَ بَکشیت و شمارا مۆجزه پێشَ داریت، اے کاران پمێشکا کنت که شَریَتئے رندگیریا کنگا اێت؟ یا پمێشکا که شما وشّێن مستاگا گۆش دارگ و باوَر کنگا اێت؟

په تِسالونیکیان پولُسئے ائولی کاگد 2:13

ما مُدام هُدائے شُگرا گرێن که وهدے هُدائے هبر شمارا سر بوت، هما هبر که شما چه ما اِشکت، شما مَنّت که انسانی هبرے نه‌اِنت، هُدایی هبرے و اَنچُش اِنت هم. اے هُدائے هبر اِنت که شمئے، بزان باوَرمندانی دلان اَسَر کنگا اِنت.