په گَلاتیان پولُسئے کاگد 2:17 - هُدائے پاکێن کتاب، بلۆچی زبانا

¹⁷ بله هما وهدا که ما مَسیهئے برکتا بێگناه و بێمئیار بئیگَ لۆٹێن، اگن زانَگ بوت که ما وت هم گُنهکار اێن، گڑا؟ مَسیه گناهئے هزمتا اِنت؟ نه، هچبر نه.

په گَلاتیان پولُسئے کاگد 2:17 Kruisverwysings

مَتّا 1:21

آ، مردێن‌چُکّێئے سرا چِلّگَ بیت و آییئے ناما ایسّا بکن، چێا که آ وتی کئوما چه آیانی گناهانَ رَکّێنیت.“

لوکا 20:16

آ کئیت، اے باگپانانَ کُشیت و باگا دگه باگپانانی دستا دنت.“ وهدے مردمان ایسّائے اے هبر اِشکت، گوَشتِش: ”چُش مبات!“

پولُسئے کاگد په رومیان 11:7

گڑا چے؟ آ چیزّ که اِسراییل آییئے شۆهازا اَت نرَستی، گِچێن کرتگێنان رست بله آ دگرانی دل سِنگ بوت.

پولُسئے کاگد په رومیان 15:8

شمارا گوَشان که په هُدائے راستیئے پجّارگا، مَسیه یَهودیانی هِزمتکارے بوتگ تانکه هما کئول و وادهان پکّا بکنت که بُنپیرُکان دئیگ بوتگ‌اَتنت و

پولُسئے کاگد په رومیان 3:4

هچبر! بِلّ که سجّهێن مردم درۆگبند ببنت، هُدا راستگۆ اِنت! هما پئیما که نِبیسگ بوتگ: ”پمێشکا، تئو که هبرَ کنئے برهکّ ائے و دادرسیئے وهدا کامیاب.“

پولُسئے کاگد په رومیان 3:6

هچبر چُش نه‌اِنت. اگن چُش بوتێن گڑا هُدایا چِه پئیما دنیائے دادرسی کرتَ کرت؟

په گَلاتیان پولُسئے کاگد 2:11

وهدے کێپا اَنْتاکیَها آتک، من پمێشکا آییئے جندئے دێما، آییئے هلاپا پاد آتکان که آ مئیاریگ اَت.

په گَلاتیان پولُسئے کاگد 2:15

ما پێدائِشی یَهودی اێن و چه ”گُنهکارێن درکئومان“ نه‌اێن،

په گَلاتیان پولُسئے کاگد 3:21

گڑا شَریَت هُدائے کئولانی هِلاپا اِنت؟ هچبر چُش نه‌اِنت، چێا که اگن اَنچێن شَریَتے دئیگ بوتێن که ابدمانێن زندی دات بکرتێن، گڑا پاکی و پَلگاری الّم شَریَتئے بُنیادا بوتگ‌اَت.

په گَلاتیان پولُسئے کاگد 6:14

من هچبر پَهر مبنداتان، اَبێد چه مئے هُداوندێن ایسّا مَسیهئے سَلیبئے سرا، که همے سَلیبئے سئوَبا دنیا په من مُرتگ و من په دنیایا.

یوهَنّائے ائولی کاگد 3:5

شما زانێت، آ پَدَّر بوت تان گناهان گار و بێگواه بکنت، آییا هچّ گناه نێست.