دَرگوَز 9:3 - هُدائے پاکێن کتاب، بلۆچی زبانا

³ هُداوند دستا شهارَ دنت و کَهچران، تئیی مال و دَلوَتانی سرا سکّێن گرانێن وباے دئورَ دنت، تئیی هر و اَسپ و اُشتر و پَس و گۆکانی سرا.

دَرگوَز 9:3 Kruisverwysings

پێدایش 47:17

گڑا آیان وتی مال و دَلوَت ایسُّپئے کرّا آورتنت و ایسُّپا آیانی اَسپ و پَس و گۆک و هرانی بدلا آیانا وراکَ دات. آ سالا، ایسُّپا آیانی سجّهێن مال و دَلوَت زرتنت و بدلا آیانا وراک دات.

زَبور 39:10

وتی زربتا چه منی سرا دور کن، که چه تئیی شهماتا تُستگ و کپتگان.

دَرگوَز 5:3

آیان گوَشت: ”اِبرانیانی هُدا مئے دێما زاهر بوتگ. نون مارا بِلّ که گیابانا سئے رۆچئے راها رئوێن و په وتی هُداوندێن هُدایا کُربانیگَ کنێن. چۆ مبیت که گۆن وَبا یا زهما مئے سرا بکپیت.“

دَرگوَز 7:4

بله پِرئون شمئے هبران گۆشَ نداریت. من وتی دستا مِسرئے هِلاپا چِستَ کنان، مِسریان گرانێن سِزا دئیان و وتی اِسراییلی کئوما رُمب رُمبا چه مِسرا کشّان.

دَرگوَز 8:19

جادوگران گۆن پِرئونا گوَشت: ”اے هُدایی کارے.“ بله هما پئیما که هُداوندا گوَشتگ‌اَت، پِرئونئے دل سِنگ اَت و موسّا و هارونئے هبری گۆش نداشتنت.

کاسِدانی کار 13:11

بچار، انّون هُداوند ترا گیپت، کۆرَ بئے و تان وهدێا، رۆچئے رُژناییا دیستَ نکنئے.“ هما دمانا، آییئے چمّان مُج و تهارۆکیا مان شانت. دَزمۆش کنان شۆهازا لگّت که کَسے آییئے دستا بگیپت و راها سۆج بدنت.