دَرگوَز 8:15 - هُدائے پاکێن کتاب، بلۆچی زبانا

¹⁵ وهدے پِرئونا دیست که چه اے کَهرا جان چُٹِّت، هما پئیما که هُداوندا گۆن موسّایا گوَشتگ‌اَت، پِرئونا وتی دل سِنگ کرت و موسّا و هارونئے هبری گۆش نداشتنت.

دَرگوَز 8:15 Kruisverwysings

دَرگوَز 14:5

پِرئون سهیگ بوت که اے مهلوک تتکگ. اِشانی بارئوا پِرئون و آییئے هِزمتکارانی اِراده بدل بوت، گوَشتِش: ”ما چێا چُشێن کارے کرت؟ اِسراییلی مئے هِزمتا کنگا اَتنت، ما چێا رئوگا اِشتنت؟“

دَرگوَز 4:21

هُداوندا گۆن موسّایا گوَشت: ”وهدے پدا مِسرا رئوئے، بچار، هما سجّهێن مۆجِزه که من تئیی دستا داتگ‌اَنت، پِرئونئے دێما آ مۆجِزَهان بکن و پێش دار، بله من آییئے دلا سِنگَ کنان که کئوما رئوگا مئیلیت.

دَرگوَز 7:4

بله پِرئون شمئے هبران گۆشَ نداریت. من وتی دستا مِسرئے هِلاپا چِستَ کنان، مِسریان گرانێن سِزا دئیان و وتی اِسراییلی کئوما رُمب رُمبا چه مِسرا کشّان.

دَرگوَز 8:14

پُگُلِش کۆت کۆتا مُچّ کنان کرتنت. زمین بۆ گِپت.

دَرگوَز 8:16

هُداوندا گۆن موسّایا گوَشت: ”هارونا بگوَش: ’وتی اَسایا شهار دئے و زمینئے هاکان بجن که سجّهێن مِسرا پَشّگ مان برچیت.‘“

دَرگوَز 8:28

پِرئونا گوَشت: ”من شمارا رئوگا کِلّان که گیابانا په وتی هُداوندێن هُدایا کُربانیگ بکنێت. بله سکّ دور مرئوێت و په من هم دْوا کنێت.“

دَرگوَز 8:29

موسّایا گوَشت: ”بِچار، من چه تئیی کِرّا درَ کایان و هُداوندئے بارگاها دْوا کنان. باندا مَکِسک چه تئوِ پِرئون و تئیی هِزمتکار و مردمان دورَ کاینت. بله چۆ مبیت که تئوِ پِرئون پدا مَکر و پرێب بکنئے و مردمان مئیلئے که برئونت و په هُداوندا کُربانیگ بکننت.“

دَرگوَز 8:32

بله اے رندی پدا پِرئونا وتی دل سِنگ کرت و مردمی رئوگا نه‌اِشتنت.

دَرگوَز 8:8

پِرئونا موسّا و هارون لۆٹاێنتنت و گوَشتی: ”هُداوندئے کرّا دْوا کنێت که پُگُلان چه من و منی مردمان دور ببارت. من شمئے مهلوکا رئوگا کِلّان که په هُداوندا کُربانیگ بکنت.“

اِلهام 16:9

مردم چه اے سکّێن گرمیا سُتکنت، بله تئوبه کنگ و هُدایا شان و شئوکت دئیگئے بدلا، هما هُدائے نامئے هلاپا کُپرِش کرت که اے اَزابانی سرا اِهتیاری هست‌اَت.