دَرگوَز 39:20 - هُدائے پاکێن کتاب، بلۆچی زبانا

²⁰ چه تلاها دگه دو کَڑی‌اِش اَڈّ کرت و اێپۆدئے دێما، سَرکۆپَگانی جَهلی نێمگا، اێپۆدئے بندئے سربرا پِرِش کرتنت، همۆدا که سَرکۆپَگ گۆن اێپۆدا لِچِّتگ‌اَنت.

دَرگوَز 39:20 Kruisverwysings

دَرگوَز 26:3

پنچ پرده بزور و گۆن یکدگرا لِچّێن و آ دگه پنچێنان هم همے پئیما لِچّێن.

دَرگوَز 28:8

اێپۆدئے بند اێپۆدئے پئیما ببیت، بزان گۆن تلاها و گۆن آسمانی و جَمو و سُهرێن پَژما و گۆن هورت‌گواپێن لیلُما تئیار کنگ ببیت. اے بند و اێپۆد هۆر گوَپگ ببنت، اے یَک‌ٹُکُّر ببنت.

دَرگوَز 39:19

چه تلاها دو کَڑی‌اِش اَڈّ کرت و سێنَگ‌پۆشئے آ دگه دوێن سْروگان پِرِش کرتنت، هما لَمبان که دێمِش گۆن اێپۆدا اَت.

دَرگوَز 39:21

سێنَگ‌پۆشئے کَڑی‌اِش گۆن آسمان‌رنگێن بندان اێپۆدئے کَڑیان اَنچۆ بَستنت که اێپۆدئے بندئے سرا ببنت و سێنَگ‌پۆش چه اێپۆدا مَسُریت، هما پئیما که هُداوندا موسّا هُکم داتگ‌اَت.