دَرگوَز 29:1 - هُدائے پاکێن کتاب، بلۆچی زبانا

¹ په هارون و آییئے مردێن‌چُکّانی وَپک کنگا اے کاران بکن که آ دینی پێشوا ببنت و منی هِزمتا بکننت: یکّ کاییگرے و دو گوَرانڈ بزور، هچّ ائیبِش مان مبیت.

دَرگوَز 29:1 Kruisverwysings

دَرگوَز 12:5

شمئے پَس الّما بےائیب ببیت، اُمرا یکّ سالیے ببیت و نرێنے ببیت. گوَرانڈے زورێت شَرّ و پاچِنے زورێت شَرّ.

دَرگوَز 20:11

چێا که هُداوندا شَش رۆچا آسمان، زمین، دریا و هرچے که اِشانی تها هست، اَڈّ کرتنت و هپتمی رۆچا آرامی کرت، پمێشکا هُداوندا شَبَّتئے رۆچ برکت داتگ و گِچێنی و پاکێن رۆچے جۆڑ کرتگ.

دَرگوَز 28:1

وتی برات هارون و آییئے مَردێن‌چُکّان، بزان ناداب و اَبیهو و اِلیازَر و ایتامارا چه اِسراییلیانی نیاما وتی کرّا بیار که دینی پێشوا ببنت و منی هِزمتا بکننت.

دَرگوَز 28:3

هما سجّهێن هُنرمند که من په چُشێن کاران دانایی بکشاتگ‌اَنت، آیان بگوَش که هارونئے پۆشاکان تئیار بکنێت که هارونِش گوَرا بکنت و په دینی پێشوایی و منی هِزمتا وَپک ببیت.

دَرگوَز 28:41

اے گُدان وتی برات هارون و آییئے چُکّانی گوَرا دئے. هارون و چُکّان رۆگن پِر مُش و گیشّێن و وَپکِش کن و دینی پێشواییئے کارا همایانی دستا دئے.

دَرگوَز 29:21

کمّے پِر مُشَگی رۆگن و چه کُربانجاهئے سرا کمّے هۆن بزور و هارون و آییئے گُدانی سرا و هارونئے چُکّ و آیانی گُدانی سرا درَنز دئے. گڑا هارون و آییئے گُد و آییئے چُکّ و چُکّانی گُد وَپْکِ هُداوندیَ بنت.

مَتّا 6:9

شما اے ڈئولا دْوا بلۆٹێت: ’او مئے پت، که بُرزێن آسمانا ائے! تئیی نام شرپدار بات.

پِتْرُسئے ائولی کاگد 1:19

گۆن هما بےائیب و بێکِچهێن گوَرانڈ، بزان مَسیهئے بێبهاێن هۆنا بها زورگ بوتگێت.