دانیال 2:12 - هُدائے پاکێن کتاب، بلۆچی زبانا

¹² گۆن اے هبرانی اِشکُنگا، بادشاه چه زَهرا سکّ هِژم گپت و هُکمی دات که بابِلئے سجّهێن داناێن مردم گار و گُمسار کنگ ببنت.

دانیال 2:12 Kruisverwysings

زَبور 76:10

په انسانا تئیی هِژم هم تئیی سَتائے سئوَبَ بیت و پَشت کپتگێن هِژما تئو وتی لانکا بندئے.

دانیال 2:24

رندا دانیال، آریوکئے کرّا شت، هماییئے کِرّا که بادشاها بابِلئے دانایانی کُشگئے هُکم داتگ‌اَت. گۆن آییا گوَشتی: ”بابِلئے دانایان مَکُش. منا بادشاهئے کِرّا بر. من آییئے وابا مانا کنان.“

دانیال 2:5

بادشاها گۆن نجومیان گوَشت: ”منی گپّ یکّے. اگن شما منی وابا مگوَشێت و مانا مکنێت، شما ٹُکّر ٹُکّر کنگَ بێت و شمئے لۆگ تباه کنگ و هاکۆٹ جۆڑ کنگَ بنت.

دانیال 3:13

نون نِبوکَدنِزَر سکّ هِژم گپت و هُکمی دات که شَدرَک، میشَک و اَبِدنِگۆا بیارێت. گڑا اے مردم بادشاهئے دێما آرگ بوتنت.

دانیال 3:19

گڑا نِبوکَدنِزَر، شَدرَک، میشَک و اَبِدنِگۆئے سرا سکّ هِژم گپت. آییئے دێمئے رنگ چه زهرا بَرگَشت و هُکمی دات که کورَهئے آسا هپت سَری گێش کنێت.

دانیال 5:19

هما مزنیئے سئوَبا که هُدایا داتگ‌اَت، سجّهێن کئوم و راج و هر زبانئے مردم چه تُرسا تئیی پیرکئے دێما لَرزِتنت. کَسے که آییا کُشَگَ لۆٹت، کُشتی و کَسے که آییا کُشگَ نلۆٹت، نَکُشتی. کَسے که آییا مزنی دئیگَ لۆٹت، مزنی‌ایَ دات و کَسے که آییا کمشَرَپ کنگَ لۆٹت، کمشَرَپیَ کرت.

مَتّا 2:16

وهدے هیرودیس سهیگ بوت که نجومیان آ رَد داتگ، باز زهر گپت. پرمانی دات: ”بئیت‌لَهِم و کِرّ و گوَرئے دو سالیگ یا کَسترێن سجّهێن مردێن‌چُکّ کُشگ ببنت.“ اَنچُش که آییا پێسرا نجومی جُست و پُرس کرتگ‌اَتنت، هما هسابا اے وهدی گیشّێنت.

مَتّا 5:22

بله من شمارا گوَشان، هرکَس وتی براتئے سرا زَهرَ گیپت، آ هم هَکدیوانئے دێما مئیاریگ کنگَ بیت. کَسے که وتی براتا زاه و زَکَت بکنت، هَکدیوانا مئیاریگ کنگَ بیت، کَسے که وتی براتا ’هۆڑ‘ و ’اَهمکَ‘ گوَشیت، دۆزهئے آسئے سِزاوارَ بیت.