کاسِدانی کار 23:22 - هُدائے پاکێن کتاب، بلۆچی زبانا

²² لشکرئے مسترا وَرنا رُکست کرت و گوَشت: ”هچکَس سهیگ مبیت که تئو منا اے هال داتگ.“

کاسِدانی کار 23:22 Kruisverwysings

مَتّا 10:5

ایسّایا وتی اے دوازدهێن کاسِد رئوان دات، کَڈّن کرت و گوَشتنت: ”درکئومانی گوَرا مرئوێت، آ شهران هم مرئوێت که اۆدا سامِری جَهمنند اَنت،

مَرکاس 1:44

”هُژّار بئے. هچکَسا چه اے هبر و هالا سَهیگ مکن. بله برئو، وتا دینی پێشوایا پێش بدار و په وتی پاک و پَلگاریا، هما کُربانیگ که موسّائے شَریَتا نبیسگ بوتگ، هئیراتی بکن تانکه په آیان گواه و شاهدیے ببیت.“

یوهَنّا 18:12

گڑا رومی پئوجی و آیانی سرمستر و یَهودی سپاهیگان، ایسّا دَزگیر کرت و بَست.

کاسِدانی کار 23:21

بله تئو آیانی اے هبرئے مَنّگا تئیار مبئے، چێا که چه آیان چِلّ مردما گێش، راها پولُسئے سرا اُرُش کنگ و آییئے کُشگا تئیار اِنت. آیان سئوگند وارتگ که تان پولُسا مکُشنت، نه آپَ ورنت و نه ورگ. آ تئیار نِشتگ‌اَنت و وداریگ اَنت که تئو آیانی واهگا بمَنّئے.“

کاسِدانی کار 23:23

گڑا لشکرئے مسترا دو اَپسر لۆٹت و گوَشتنت: ”دو سَد پئیادگێن سپاهیگ، هپتاد اسپ‌سوار و دو سَد نئیزهبندێن سپاهیگ تئیار بکنێت که اِنشپی، ساهت نُها کئیسَریَها برئونت،