پِتْرُسئے ائولی کاگد 2:6 - هُدائے پاکێن کتاب، بلۆچی زبانا

⁶ اے هما هبر اِنت که هُدائے پاکێن کتابا آتکگ: ”بچارێت، من سَهیونا سِنگے اێرَ کنان. اے سِنگ بێبها و گچێنیێن بُنهِشتے. آ کَس که اِشیئے سرا باور بکنت، هچبر پَشَل و شرمندگَ نبیت.“

پِتْرُسئے ائولی کاگد 2:6 Kruisverwysings

پێدایش 49:24

بله ایسُّپئے کَمان برجاه منت و باسکی مُهر و مُهکم اَتنت، آکوبئے زۆرمندێن هُدائے دستئے برکتا، اِسراییلئے شپانکئے برکتا، اِسراییلئے تَلارئے برکتا،

زَبور 40:14

آ سجّهێن که منی کۆشئے رندا اَنت و منی مرکا لۆٹنت سرجهل و شرمسار باتنت، آ که منی سیه‌رۆچیئے پدا اَنت پُشتا برئوات و رسوا باتنت.

زَبور 89:19

یک وهدے تئو، شُبێنا گۆن وتی وپاداران هبر کرت و گوَشت: ”من جنگۆلے مَدَت کرتگ و چه کئوما گچێنی ورناے رۆدێنتگ.

دانیال 10:21

بله ائولا ترا گوَشان که راستیئے کتابا چے نبشته اِنت. شمئے شهزادگ میکاییلا ابێد، دگه کسّ نێست که اِشانی دێما منا زۆرمند بکنت.

مَتّا 12:18

اے منی هِزمتکار اِنت که من گچێن کرتگ، منا سکّ دۆست اِنت و من چه اِشیا باز وشّ و رَزا آن، من وتی روها اِشیئے سرا اێرَ گێجان، درکئومانی نیاما اے هِزمتکار منی اِنساپ و دادرسیئے جارا پِرّێنیت.

مَرکاس 12:10

زانا، شما پاکێن کتابا نئوانتگ: آ سِنگ که بان‌بَندێن اُستایان پسند نکرت و نزُرت هما سِنگ، بُنهِشت بوت.

لوکا 20:17

ایسّایا آیانی نێمگا چارت و گوَشتی: ”گڑا، آ نبشتهئے مانا چے اِنت که گوَشیت: ’هما سِنگ که بان‌بَندێن اُستایان پسُند نکرت و نزُرت، هما سِنگ بُنهِشت بوت.‘

لوکا 23:35

مردم په سئیل و نِدارگا اۆشتاتگ‌اَتنت و سرۆکانی دیوانئے باسک ریشکند کنانا، گوَشگا اَتنت که ”اِشیا، آ دگه رَکّێنتنت، بله اگن مَسیه اِنت و هُدائے هما گچێن کرتگێن، نون گڑا وتا برَکّێنیت.“

یوهَنّا 7:38

هما ڈئولا که هُدائے پاکێن کتابَ گوَشیت، هرکَس که منی سرا باوَرَ کنت، زِنداپئے کئور چه آییئے دل و درونا رُمبنت و تچنت.“

کاسِدانی کار 1:16

گوَشتی: ”او براتان! هُدائے پاکێن کتابئے تها، هرچے که پاکێن روها ایسّائے دَزگیر کنۆکانی رهشۆن، یَهودائے بارئوا چه داوودئے زبانا پێشگۆیی کرتگ‌اَت، اَلّما پوره و سَرجم بئیگی اَت.

پولُسئے کاگد په رومیان 10:11

چێا که پاکێن کتابَ گوَشیت: ”هرکَس آییئے سرا باور بکنت هچبر شرمندگَ نبیت.“

په تیموتاووسا پولُسئے دومی کاگد 3:16

پاکێن کتابئے سجّهێن هبر هُدائیگ اَنت که الهامئے شکلا دێمی داتگ‌اَنت. پاکێن کتاب په تالیم دئیگا، په رَدیانی سرپد کنگ و راست کنگا و په پهرێزکاریئے هێل دئیگا پائِدَگمند اِنت

پِتْرُسئے ائولی کاگد 2:4

ایسّا مَسیهئے نێمگا بیاێت، هما زندگێن سِنگ که مردمان پسند نکرت و نزرت بله هُدایا گچێن کرت و آییئے چمّا ایسّا بێمَٹّ و پُراَرزش اَت.

پِتْرُسئے ائولی کاگد 2:8

و ”سِنگے که مردمانَ ٹَگلێنیت و کۆهے که آیان دئورَ دنت.“ آیانی ٹَگل ورگئے سئوَب اِش اَت که هُدائے هبرِش نزرت. آیانی آسر و آکبت همِش اَت.

پِتْرُسئے دومی کاگد 1:20

مسترێن هبر اِش اِنت که بزانێت پاکێن کتابئے هچّ پێشگۆیی، نبیانی جندئے مانا کرتگێن نه‌اِنت

پِتْرُسئے دومی کاگد 3:16

وتی سجّهێن کاگدانی تها همے بارئوا نبیسیت. آ کاگدانی لهتێن هبرانی زانگ و در برَگ گران اِنت و ناسرپد و نِزۆرێن مردم آ نبشتهان وتی تَبا چَهرَ دئینت و په رَدی مانا کننت، بله اے مردم وت زئوالَ بنت. گۆن پاکێن کتابئے آ دگه نِبشتهان هم همے کارا کننت.