Mark 2:12 - De Nyew Testament

¹² Same time, wiles dey all beena watch, de man stanop. E tek e bed an gone way. All de people been stonish an dey praise God, say, “We ain neba see susha ting like dis yah.”

Mark 2:12 Kruisverwysings

Matthew 12:23

All de people dey been stonish, an dey aks one noda say, “Dis man yah, ya tink e de Son ob David?”

Matthew 15:31

De people been stonish wen dey yeh dem wa ain been able fa taak, now dey da taak. Dem wa been cripple op, dey well, an dem wa ain been able fa waak, now dey da waak. Dem wa been bline, now dey da see. An dey praise de God ob Israel.

Matthew 9:33

Jedus dribe de ebil sperit outta dat man, an soon as e done dat, de man staat fa taak. All de people been stonish. Dey say, “Nobody ain neba see nottin like dis fo een Israel!”

Matthew 9:8

Wen de crowd see wa happen, dey been cyaa way. An dey praise God cause e gii a man dis kinda tority.

Mark 1:27

All de people beena stonish tommuch. Dey beena taak ta one noda say, “Wa dis? Dis a nyew ting e da laan we! Dis Man hab tority fa tell eben de ebil sperit dem wa fa do an dey do um!”

Mark 2:11

“Stanop, tek ya bed an go waak ta ya house.”

Luke 13:13

Jedus pit e two han pon dat ooman, an tareckly e stanop. E back scraighten op, an de ooman praise God.

Luke 17:15

Wen one ob dem see dat e done been heal, e come back ta Jedus. E holla, da praise God.

Luke 5:26

All de people been stonish, an dey praise God. Dey been cyaa way, an dey say, “We done see sompin yah taday dat we ain neba been see!”

Luke 7:16

All de people been scruck an stonish, an dey praise God, say, “We done see one prophet mongst we!” An dey say, “God done come fa hep e people!”

John 7:31

Stillyet, heapa people een de crowd bleebe pon Jedus. Dey say, “Wen de Messiah Christ come, e ain gwine do no mo miracle den wa dis man yah done do, ainty?”

John 9:32

Fom wen God fus mek de wol, nobody ain neba yeh say dat somebody done heal a poson wa been bon bline.

De Postle Dem 4:21

De leada dem ob de Council waan um mo scronga gin an leh um go way. Dey ain find no way fa punish um, cause all de people dey beena praise God fa wa been happen.