ፍልጵስዩሳ 2:15 - Geeshsha Maxaafa

¹⁵ Geellanne nagarancho asaa giddon boretonayisata, geeshshatanne pokoy bayna Xoossaa naytada gidite. Hinte enta giddon salo xoolintoda poo7ishe,

Gofa New Testament

¹⁵ Geellanne nagaranchcho asaa giddon borettonnayssata, geeshshatanne pokkoy baynna Xoossaa naytada gidite. Hintte entta giddon salo xoolinttoda poo7ishe,

ጌሻ ማፃፋ

¹⁵ ጌላነ ናጋራንቾ አሳ ግዶን ቦረቶናይሳታ፥ ጌሻታነ ፖኮይ ባይና ፆሳ ናይታዳ ግድተ። ህንተ ኤንታ ግዶን ሳሎ ፆልንቶዳ ፖእሸ፥

Ooratha Caaquwa Goofatho

¹⁵ Geellanne nagaranchcho asaa giddon borettonnayssata, geeshshatanne pokkoy baynna Xoossaa nayta gidite. Hintte entta giddon salo xoolinttoda poo7ishe,

ኦራ ጫቁዋ ጎፋ

¹⁵ ጌላኔ ናጋራንቾ ኣሳ ጊዶን ቦሬቶናይሳታ፥ ጌሻታኔ ፖኮይ ባይና ፆሳ ናይታ ጊዲቴ። ሂንቴ ኤንታ ጊዶን ሳሎ ፆሊንቶዳ ፖዒሼ፥

ፍልጵስዩሳ 2:15 Kruisverwysings

Mazmure 122:5

Dawita kochaafe kawotida ubbay, banta asaas pirdanaw yan uttoosona.

Kessa 34:35

He ubban enti iya som7oy phooleysa be7oosona. Hessa gisho, Musey Godaara odetanaw baana gakanaw, ba som7uwa laxanan kammees.

Leemiso 4:18

Xillota ogey seeta gallas gakanaw, guji guji poo7iya wonta xalqe mela.

Leemiso 8:8

Ta oday tuma; geella woyko mirqethi gidenna.

Isayaasa 60:1

Ne poo7oy yida gisho, dendada poo7isa; Godaa bonchoy ne bolla poo7ana.

Daanela 6:4

Biitta shuumatinne halaqati Daanela mootanaw, I aysiya aysuwa bolla bala demmanaw koydosona. Shin I, bana naagiyanne ammanetida asi gidiya gisho, iya mootanaw iya bolla ay balaka demmibookona.

Maatosa 10:16

“Ta hintena dorsatada suudhumeta giddo yeddana. Hessa gisho, shooshada cincata, holleda aadata gidite.

Maatosa 17:17

Yesuusi zaaridi, “Hinteno, ammanonna geella yeletethaw awude gakanaw ta hintera daanee? Awude gakanaw ta hintena danda7anee? Ane na7aa haa eki yiite” yaagis.

Maatosa 5:45

Hessatho hinte oothiko, salon de7iya hinte aawas hinte nayta gidana. I iitatasinne lo77otas awa kessees; xillotasinne nagaranchotas ba ira bukisees.

Maatosa 5:48

Hiza, salon de7iya hinte aaway polo gidoysada hinteka polo gidite.”

Luqaasa 1:6

Nam7ayka Godaa wogaanne kiita ubbaa naagidi borey bayna Xoossaa sinthan xillotethan de7idosona.

Luqaasa 6:35

“Shin hinte morketa dosite; entaw lo77oba oothite. Guye ekanaw qoponna tal7ite. Hessan hinte ekana woytoy gita gidana. Hinte Ubbaafe Bolla Xoossaa nayta gidana. I bana galatonaysatasinne iitatas keeha.

Yohaanisa 5:35

Yohaanisi muqaadada eexishe poo7is. Hinte guutha wode iya poo7uwan ufaytideta.

ሃዋሬታ ኦሱዋ 2:40

Phexroosi entaw hara qaalaka guji markatidi, “Ha wodiya geella asaa bolla yaanaw de7iya pirdafe hinte huuphiya ashshite” yaagidi zoris.

ሃዋሬታ ኦሱዋ 20:30

Ammaneyisata banta geedo kaalethanaw wordo tamaarsiya asati hinte giddofe dendana.

Roome 16:19

Wongelas hinte kiitetidaysa asa ubbay si7idaysi tana ufaysees. Shin hinte lo77oba erana melanne iitabaape haakana mela ta koyayis.

1 ቆሮንቶሳ 1:8

Nu Godaa Yesuus Kiristoosi simmiya wode hinte boretonayisata gidana mela wursethi gakanaw I hintena minthana.

2 ቆሮንቶሳ 6:17

Hessadaka, Goday, “Enta giddofe shaaketidi keyite; tuna gididaba bochofite; ta hintena ekana.

Efesoona 5:27

Kiristoosi woosa keethaa qiti woyko som7o tuussi woyko hessa melabay bayna I kumetha bonchuwara geeshshinne boretonaaro oothidi baako shiishanaw koyidi hessa oothis.

Zaaretho 32:5

Iya sinthan banta tunatethaa bessidosona; enti iya na7a gidokona; enti iitanne geella yeletethi.

ፍልጵስዩሳ 1:10

Hessan hinte lo77oba shaakidi, dooreyisata, Kiristoosi simmiya gallasan geeshshatanne boretonayisata gidana.

ፍልጵስዩሳ 3:6

Ayhude ammanuwas mishetethan gidiko taani woosa keethaa yedethas. Issi asi higge naagidi xilliyaba gidiko, tanan borey bentibeenna.

1 ተሰሎንቀ 5:23

Saro immiya Xoossay ba huuphen hintena polo geeshsho. Nu Goday Yesuus Kiristoosi yaana gallasaas, Xoossay hinte ayyaana, hinte shempuwanne hinte kumetha asatethaa borey bayna naago.

1 ፅሞትዮሳ 3:10

Enti koyrottidi paacetanaw koshshees; enta bolla borey bayna ixiko, woosa keethaa daaqone gididi ootho.

1 ፅሞትዮሳ 3:2

Woosa keethaa kaalethiya asi boretonaysa, issi mache xalaali de7eysa, maaran de7eysa, bana haareysa, besseysada ootheysa, imathe mokeysa, tamaarsanaw danda7eysa,

1 ፅሞትዮሳ 5:14

Hessa gisho, nu morketi nu bolla odetiya iitabaa demmonna mela yalaga am7eti azina gelidi, na7a yelidi, banta keethaa aysana mela zorayis.

1 ፅሞትዮሳ 5:20

Harati yayyana mela nagara oothiya oonaka asa ubbaa sinthan hanqeta.

1 ፅሞትዮሳ 5:7

Oonika enta boronna mela ha kiitaa entaw imma.

Tito 1:6

Cimi boretonaysa, issi mache azinaa, maara dhayon woyko kiitetetha ixon asi boronna ammaniya nayti de7iya asi gidanaw bessees.

Tito 2:10

Enti banta godatape kaysotopo. Hessika, nuna ashshiya Xoossaa timirtey, ubba ogen dosetidaysa gidana mela banta oothiya oosuwan ammaneteyisata gideysa bessaana mela enta zora.

Tito 2:15

Neeni haysa tamaarsa; kumetha maatan zora, seera; oonika nena kadhopo.

Ibraawe 7:26

Hiza, nuus koshshiyaba immiya, geeshshay, boreynne tuni baynaysi, nagaranchotape shaaketidaysinne saluwape aadhidi dhoqida kahine halaqay nuus koshshees.

1 ጰፅሮሳ 2:12

Ammanonna asay hintena iita oothiya asada zigirya wode Xoossay nuna be7anaw yaa gallas, enti hinte lo77o oosuwa be7idi Xoossaa galatana mela hintew lo77o de7oy de7o.

1 ጰፅሮሳ 2:9

Shin Xoossay dhumape malaalsiya ba poo7uwako hintena xeegiday, hinte iya lo77otetha haratas odanaw dooretida koche, kawo kahine, geeshsha derenne Xoossaa dumma dere.

2 ጰፅሮሳ 3:14

Hessa gisho, ta siiqo ishato, nu he gallasaa naagiya gisho pokoynne borey baynayisata gididi, Godaara saron daanaw minnite.

ዮሃኒሳ ቆንጬ 2:5

Hiza, ne ay mela dhoqa bessaafe kundidaako akeeka! Ne nagaraape simma; neeni kase oothiya oosuwa ootha. Neeni ne nagaraape simmonna ixiko, ne xompe wothiya kocaa iya bessaafe ekana.

ዮሃኒሳ ቆንጬ 3:9

Ayhude gidonashin, bantana Ayhude giya wordotanne Xalahe baggata neeko ehananne ne sinthan gulbatisana. Ta nena doseysa entana erisana.