Yohanes 7:18 - Surat Ralan na'a Vaidida

¹⁸ Tamata iki watan wean i kaꞌi nfamalik afa ovi rtali watan ni fikiran a, na ia kaꞌi ndava mane tamata ra ralang ia. Naꞌuk iki watan inan ma tamata ra ralang Ubu i nsinir ia, na ia nfalak watan afa ovi kena ra ovu wol nsiklabir.

Yohanes 7:18 Kruisverwysings

Matius 6:9

Miflurut wean ini: Yamamami, Oa mdoku lanit ratan. Ami amalang Oa, tevek naram a nmerat urun.

Yohanes 11:4

Ti ma Yesus nrenar ivar yai, na nfalak ne, “Suhut yai veka wol notu ma nmata. Naꞌuk musti wean inyai, boma nfaturu Ubu Ni dawan a, ovu tamata ra rfadawang Ubu Yanan a Ni dawan a.”

Yohanes 12:28

Yesus nfalak verin Yaman a ne, “Bapa, fara tamata ra rfadawang ilaꞌa naram a.” Nata vai isa ntali lanit ratan nfalak ne, “Ufadawang ilaꞌa narang a, ovu veka ufadawang ewal narang a.”

Yohanes 12:43

Rotu wean inyai, tevek inar ma tamata ra rfadawang ira, nlia tali Ubu nfadawang ira.

Yohanes 5:41

Yaꞌa wol udava ma tamata ra ralang Yaꞌa.

Yohanes 8:54

Yesus nfalak ne, “Wean i Yaꞌa kaꞌi ufadawang tenang a, na afa yai wol ihin akataka. Naꞌuk Yamang i fyalak ne, neluk Ubu verin mia, kaꞌi nfadawang Yaꞌa.

1 Tesalonika 2:6

Ami wol amera vali ma mia te tamata liak ra rfadawang ami, velik ne wol sala ami ma amera wean inyai, tevek Kristus Ni rasul verin ami.

1 Petrus 4:11

Wean i tamata isa ni yabi ma nfamalik Ubu Ni vaivatul ra verin tamata liak, na afa ovi nfalak ra musti norang watan Ubu Ni vaivatul ra. Wean i tamata iki watan ni yabi ma nlobang tamata liak, na musti nlobang ovu ngrebat i Ubu nala verin ia. Myotu wean inyai, na tamata ra munuk veka rfadawang Ubu nahu Yesus Kristus. Ubu Ni ngrebat dawan ilaꞌa ovu inovan ma tfadawang Ia, nata ti wol ni wahan! Kena urun.

1 Yohanes 2:29

Mia mkyaꞌa roak ne, Kristus Ni vavaꞌat nmalola. Ba mkyaꞌa vali ne, tamata iki watan ni afa ovi notu ra baꞌi nfaturu ne, ni vavaꞌat nmalola, na Ubu yanan vali ia.