Yohanes 5:44 - Surat Ralan na'a Vaidida

⁴⁴ Mia kaꞌi mdyava watan ma tamata ra rfadawang mia, naꞌuk wol mdyava ma Ubu i ikisa watan nfadawang mia. Myotu wean inyai, na wol myorang Yaꞌa!

Yohanes 5:44 Kruisverwysings

Matius 23:5

Ira rtulis vaivatul boku tali Surat Ralan a ma rkeak naꞌa ulurira te naꞌa limarira ra. Ira roru ravit blawat i ni wahan nsoli lanun a. Ira rotu munuk afa avyai naꞌa tamata rivun waharira ralan ra, boma tamata ra rsiꞌik ma rfadawang ira.

Lukas 19:17

Ba raja yai nfalak verin ia ne, ‘Oa mu karya lolin buas. Oa mot-orang lalawatan afa ovi ufalak ra naꞌa afa koꞌu ovi ala verin oa, ba yaꞌa veka usikat oa ma fwareta kota vutu a.’

Yohanes 12:43

Rotu wean inyai, tevek inar ma tamata ra rfadawang ira, nlia tali Ubu nfadawang ira.

Yohanes 17:3

Vavaꞌat kakiwal yai wean ini: ira rkaꞌa roak ne, Oa Ubu i ikisa watan a ovu saꞌi kena Oa, ovu vali rkaꞌa Yesus Kristus i msinir roak Ia ma nma lanit ivavan a.

Yohanes 3:20

Tamata iki watan inan ma notu afa ovi sian ra, na ia wol inan lahir lyawan a, ovu nafena ma nma lyawan a, boma afa sian ovi notu ra deka rvotuk.

Yohanes 5:41

Yaꞌa wol udava ma tamata ra ralang Yaꞌa.

Yohanes 8:43

Afakinimi wol fyan-aran afa ovi ufalak ra? Mia wol fyan-aran, tevek mifena ma mryenar Ning vaivatul ra.

Roma 2:10

Naꞌuk tamata ovi baꞌi rotu afa ovi lolin ra, Ubu veka nfadawang munuk ira ovu nalang ira, ovu vali nala Ni malinan a verin ira. Ia notu lan afa avyai verin tamata Yahudi ra, beti notu vali verin tamata ovi wol Yahudi ra.

Roma 2:29

Naꞌuk tamata Yahudi ovi reluk Ubu Ni tamata ra, ira tamata Yahudi mngaꞌun ira naꞌa ralarira ra, ovu sunat i kena nanaꞌa watan ralarira ra. Ba wean inyai, na Ubu Ni Roh nkarya naꞌa tamata avyai ralarira ra, boma reluk Ni tamata ra. Ira wol reluk Ni tamata ra tevek rot-orang Musa ni inukun ra. Velik ne tamata ra wol rfadawang tamata avyai, naꞌuk Ubu veka nfadawang ira.

Roma 2:7

Ubu veka nala vavaꞌat kakiwal verin tamata ovi ralarira urun lalawatan ma rotu aꞌuk afa ovi lolin ra, tevek inarira ma veka nfadawang ira, nalang ira ovu nala vavaꞌat i wol bisma nakvisal.

1 Korintus 4:5

Ba terang a valing averi, deka fyamalik tamata liak rira karya ra ne, lolin te sian. Mnyaban ma Duilaꞌa nma ewal. Ia veka nfavotuk afa fanfonak ovi rnaꞌa ngarmeran ralan a, ovu vali Ia veka nfalyawang afa fanfonak ovi tamata ra ranovak naꞌa ralarira ra. Amar yai vali, na Ubu veka nraning tamata ra lokat ira, ma inovan ovu afa ovi rotu ra.

2 Korintus 10:18

Wean i tamata rfadawang tenarira ra, na ita wol tkaꞌa ne, Duilaꞌa ntorung te wahal. Naꞌuk wean i Duilaꞌa nfadawang tamata ra, na inyai lolin urun.

Filipi 2:3

Deka fyakaratat tenabira ra, ovu vali deka myotu ma tamata ra rfadawang mia. Naꞌuk fyakabava tenabira ra ma myalang tamata liak ra ne, ira lolin lia mia.

1 Tesalonika 2:6

Ami wol amera vali ma mia te tamata liak ra rfadawang ami, velik ne wol sala ami ma amera wean inyai, tevek Kristus Ni rasul verin ami.

1 Timotius 1:17

Talang ovu tfadawang Ubu. Ia Raja dawan Ia, ba Ni fareta wol ni wahan. Ia wol nmata ovu vali wol trea Ia. Ubu ikisa watan. Mya ma tfadawang naran a. Kena urun!

Ibrani 3:12

Ba terang a valing averi, msyiꞌik wabira ma lolin, boma deka tamata isa vali tali bir tinemun ralan sian ovu inan ma notu watan salasilan ra, ma ti naran i nafla talik Ubu i nvaꞌat a ma wol norang roak Ia.

Yakobus 2:1

Terang a valing averi, mia myorang roak Duilaꞌa Yesus Kristus i baꞌi tfadawang Ia. Ba deka fyakaratat tenabira ra ma myalang aꞌuk tamata boku, naꞌuk boku wahal.

1 Petrus 1:7

Susa ovi mtyuan ra, rotu ma fyaturu lahir ne, myorang urun Ubu te wahal. Tamata ra musti rasnuri masa ra naꞌa yafu, boma rkaꞌa ne, inyai masa mngaꞌun te wahal, velik ne masa avyai ilyan te ravrua veka wol rleal roak. Mia bira inorang a fyawan lia masa ra, ovu susa ovi mtyuan ra rfaturu ne, myorang urun Ubu. Wean inyai, na Ubu veka nfadawang ovu nalang mia, ovu vali nfakaratat mia naꞌa amar i Yesus Kristus veka nma ewal a.

Yudas 1:25

Ubu ikisa watan. Ia nsikat roak ita tali dida salasilan ra, nahu dida Duilaꞌa Yesus Kristus. Mya ma traning Ubu. Ni dawan a ovu Ni ngrebat ma nfareta, naꞌut i lanit ivavan a wol nanaꞌa obin, ma naran amar ini, nata ti wol ni wahan. Kena urun! Ning surat a lawan watan ini. Salam tali yaꞌa, Yudas