Yohanes 5:37 - Surat Ralan na'a Vaidida

³⁷ Yamang i nsinir Yaꞌa kaꞌi nfamalik vali ne, iki Yaꞌa. Mia wol mryenar vain a ovu vali wol msyiꞌik felan a obin.

Yohanes 5:37 Kruisverwysings

Matius 17:5

Petrus nangrihi obin, na brian munuk mutan isa vanan urun ma nkum-teri irtelu. Ira rarenar vai isa ntali mutan ralan yai ne, “Ini Yanak i ulobang urun Ia. Ia notu ma ralang a lolin urun, ba mryenar afa ovi nfalak ra!”

Matius 3:17

Nata vai isa ntali lanit ratan nma ma nfalak ne, “Ini Yaꞌa Yanak i ulobang urun Ia. Ia notu ma ralang a lolin urun.”

Markus 1:11

Vai isa ntali lanit ratan nfalak ne, “Oa ini Yanak i ulobang urun a. Oa motu ma ralang a lolin urun.”

Lukas 24:27

Nata Yesus nfalyawang verin ira afa ovi rtulis roak naꞌa Ia naꞌa Surat Ralan. Ia nfalyawang lan Ia naꞌa Musa ni kitab ra, beti nabi liak rira kitab ra munuk.

Lukas 3:22

ovu Ubu Ni Roh a nsuta wean modarlaka ma ndoku Yesus tenan a. Nata vai isa ntali lanit ratan nma ma nfalak ne, “Oa ini Yanak i ulobang urun a. Oa motu ma ralang a lolin urun.”

Yohanes 1:18

Wol tamata isa vali nrea Ubu, naꞌuk Yanan i ikisa laloꞌi yai nanaꞌa lalawatan ovu Ia. Yanan yai nfalyawang lahir Yaman a verin ita.

Yohanes 14:9

Yesus nfalak verin ia ne, “Filipus, itmunuk mnanat roak, naꞌuk afakinimi wol mkaꞌa Yaꞌa obin? Tamata iki watan nsiꞌik roak Yaꞌa, na ia nsiꞌik roak Yamang a. Notu afakinimi fwalak ne, ‘Fwaturu Yamam a verin ami’?

Yohanes 15:24

Wean i Yaꞌa wol otu mujizat ovi tamata ra wol rotu obin naꞌa waharira ralan ra, na Ubu wol nfasala ira. Naꞌuk fiang ini rsiꞌik roak mujizat ovi otu ra, naꞌuk wol inar lahir Yaꞌa ovu vali wol inar lahir Yamang a.

Yohanes 5:32

Naꞌuk Yamang nfamalik vali afa ovi otu ra. Ba Yaꞌa ukaꞌa ne, afa ovi Ia nfalak yai kena.

Yohanes 6:27

Deka mdyava afamtahan ovi bisma rbetan, naꞌuk mkyarya ma al mdyava afamtahan ovi rala vavaꞌat kakiwal. Yaꞌa, Tamata Yanan Yaꞌa, veka ala afamtahan yai verin mia, tevek Yamang a nala roak ngrebat verin Yaꞌa.”

Yohanes 8:18

Yaꞌa kaꞌi ufamalik Yaꞌa, ovu Yamang i nsinir Yaꞌa nfamalik vali Yaꞌa.”

1 Timotius 1:17

Talang ovu tfadawang Ubu. Ia Raja dawan Ia, ba Ni fareta wol ni wahan. Ia wol nmata ovu vali wol trea Ia. Ubu ikisa watan. Mya ma tfadawang naran a. Kena urun!

1 Timotius 6:16

Ubu aꞌuk wol nmata. Ia nvaꞌat naꞌa lyawan i nfitik nyadat a, ma wol tamata isa nfaser-nala Ia. Wol tamata isa vali bisma nsiꞌik nala Ia. Ni fareta wol ni wahan, ba tfadawang aꞌuk Ia. Kena urun.

1 Yohanes 4:12

Wol tamata isa vali nsiꞌik roak Ubu. Wean i tsilobang ita, na Ubu nleal roak raladida ra, ovu nfangora raladida ra ovu Ni silobang a.

1 Yohanes 4:20

Tamata i nfalak ne, “Yaꞌa ulobang Ubu,” naꞌuk wol inan lahir teran a valin ra, na tamata yai nsiklabir. Tevek wean i tamata yai wol nlobang teran a valin ovi nrea ra, na veka wol nlobang Ubu i wol nrea Ia.

1 Yohanes 5:9

Wean i tamata ra rfamalik afa ovi rkaꞌa ra verin ita, na torang watan. Naꞌuk afa ovi Ubu nfalak verin ita kena rahi lia munuk tamata rira afa ovi rfalak ra, tevek Ia nfamalik Yanan a.