Wahyu 14:7 - Surat Ralan na'a Vaidida

⁷ Ubu Ni sansinir yai vain dawan urun ia al nfalyawang ivar yai. Ia nfalak ne, “Mia musti byobar Ubu ma fyalak ne, ‘O Ubu, Oa saꞌi dawan Oa. Amraning naram a, tevek Mu amar a kena roak ma veka fwaleka inukun verin tamata ovi rnaꞌa lanit ivavan a munuk. Amraning ovu amfadawang Oa, tevek motu lanit a ovu lanit ivavan ini, ovu afa ovi rnaꞌa ralan a munuk wean lanun, tahat ovu wear matan ra munuk.’ ”

Wahyu 14:7 Kruisverwysings

Matius 25:13

Ba wean inyai, na msyiꞌik wabira ma lolin, tevek mia wol mkyaꞌa ne, veka ewal Yaꞌa naꞌa amar ba te naꞌut inba.”

Lukas 17:18

Wean inbinimi wol tamata isa vali tali ira rma ma rfalak fara weninyai verin Ubu, naꞌuk tamata i wol Yahudi ini saꞌi nma aꞌuk?”

Kisah 14:15

“Kida averi, afakinimi myotu wean ini? Ami tamata watan ami wean mia! Amnaꞌa ini ma amfamalik Ubu Ni Ivar Lolin verin mia, boma myahil ma deka mryaning ubu ovi wol rot-nala akataka. Myorang aꞌuk Ubu, tevek Ia nvaꞌat ma notu lanit, lanit ivavan a, tahat ovu afa ovi rnaꞌa munuk lahir ralan a.

1 Petrus 4:7

Terang a valing averi, lanit ivavan sarseri mane namwear roak, ba misusan wabira ovu bira fikiran ra, ovu vali mtyahang nal ralabira naꞌa afaka watan, boma bisma miflurut lalawatan.

Wahyu 11:13

Naꞌut inyai vali, na brian munuk, ruru dawan urun ma sepersepuluh kota yai namaꞌar. Tamata rivun ifitu rmata lahir, tevek ruru yai. Tamata liak ra rbobar ma raruru lalean ira, ma rtorung ma rfadawang Ubu i naꞌa lanit ratan a.

Wahyu 11:18

Tamata ovi wol rorang Oa rangrova urun Oa. Naꞌuk Mu amar a naran roak ma fwaturu Mu ngrova a, ma fwaleka inukun verin tamata matmatan ra, ovu maval tamata ovi rkarya verin Oa, rira rala lolin ra. Oa veka maval Mu nabi ra ovu tamata ovi fwili ra, ovu vali ovi baꞌi ralang Oa rira rala lolin ra, velik ne tamata avyai, koꞌu te dawan ira. Mu amar a kena roak ma fwedan tamata ovi rvisal-rvasil lanit ivavan ini.”

Wahyu 15:4

Iki wol nbobar Oa ta Duilaꞌa? Iki wol nfalak ne, ‘Saꞌi dawan Oa, ma amraning ovu amfadawang Oa.’ Oa aꞌuk ralam a saꞌi nmerat urun ta Duilaꞌa. Tamata ovi rnaꞌa lanit ivavan a munuk veka rma ma rsangatur ma raraning Oa, tevek fwaleka inukun ovi ni malolan a, ovu afa ovi motu ra kena munuk.”

Wahyu 16:9

Tamata ra ratyoli munuk lahir, tevek lera ni ngnea a wean yafu, ba rear rfasoba Ubu naran a, tevek Ni ngrebat ma nfasuka inukun sian avyai. Tamata rafena ma rahil ma rtalik tali rira salasilan ra, ovu rafena ma rfadawang Ia.

Wahyu 18:10

Ira veka rdiri ma raroa ilaꞌa ira, tevek rbobar ni inukun i sian urun yai ma rfalak ne, ‘Yaꞌi yo. Sian urun i lahir, sian urun i lahir Babel, kota dawan eri. Kota Babel eri kota i nangrebat urun a, naꞌuk jam isa watan, na mu inukun i ntali Ubu kaꞌi nkena roak oa!’

Wahyu 18:17

Naꞌuk jam isa watan, na metan rivun avyai veka rmamu lahir!’ Tamata i ntaha fareta naꞌa kabal, ovu ni tamata ovi rkarya naꞌa kabal, ntafal vali tamata ovi rafnavul kabal a, rdiri ma raroa ira.

Wahyu 18:19

Ba ira rala kfuan ma relik naꞌa ulurira ra ma al nfaturu ne, ralarira lalau urun, beti rvakar ma rafwak ilaꞌa matan ma rfalak ne, ‘Yaꞌi yo, sian urun i lahir kota dawan eri. Ni metan a notu ma tamata ovi rira kabal ra rkaꞌi. Naꞌuk naꞌa jam isa watan, na ni afa avyai wol rleal munuk lahir!’

Wahyu 19:5

Nata vai isa vali ntali wan i ndoku ma nfareta yai nfalak ne, “Fyadawang Ubu! Mia munuk tamata ovi myeluk Ubu Ni tamata sansinir ra ovu ovi myalang Ia, fyadawang Ia! Tamata koꞌu te tamata dawan, mryaning Ia!”

Wahyu 4:11

“Ubu, amalang Oa, tevek motu munuk afa ovi rnaꞌa lanit i vavan a. Mu ngrebat, ma motu afaka watan, ba afa avyai veka rnaꞌa watan. Oa mot-nala munuk afakataka, wean lahir afa ovi ralam nfalak a. Oa ini Duilaꞌa i amraning a. Oa saꞌi dawan Oa, ba inovan ma amraning Oa.”

Wahyu 4:9

Afa ifaꞌat ovi rvaꞌat ma raling ma lolan watan ira yai, rdedang ovu ralang Ubu ma rfadawang Ia nanaꞌa wan i ndoku ma nfareta, ma rfalak fara weninyai verin Ia i nvaꞌat, nata ti wol ni wahan.

Wahyu 8:10

Sansinir i nomor itelu nafraik vali ni tvuri a, ba nara dawan isa nleka tali lanit ratan nsuta, ma ongan a wean obor. Nara yai nleka nsuta ma nkena lahir sepertiga oar ra ovu wear matan ra.