Wahyu 1:11 - Surat Ralan na'a Vaidida

¹¹ Vai yai nfalak ne, “Mtulis munuk afa ovi mrea yai naꞌa buku, ma mala verin tamata ovi rorang Yesus rira sidovung ifitu ini: Efesus, Smirna, Pergamus, Tiatira, Sardis, Filadelfia ovu Laodikia.”

Wahyu 1:11 Kruisverwysings

Kisah 16:14

Tali vata avyai, na isa ntali kota Tiatira naran Lidia. Ia nfedi maloli ungu. Vata yai baꞌi nraning Ubu. Ba naꞌut i nrenar afa ovi Paulus nfalak ra, na Duilaꞌa notu ma ralan natvelar ma ntorung afa avyai.

Kisah 18:24

Naꞌut inyai, na tamata Yahudi isa naran Apolos, rarali ia naꞌa kota Aleksandria. Ia beti naran kota Efesus. Ia nkaꞌa nangrihi ma lolin, ovu nkaꞌa ma lolin Surat Ralan ihin a.

Kisah 20:17

Paulus nanaꞌa Miletus, na nsinir tamata isa nti Efesus, ma nera dawan kareda ovi reluk penatua ma rma rtuan ia.

1 Korintus 15:32

Wean i Ubu veka wol nfavaꞌat ewal tamata ovi rorang Yesus, na yaꞌa wol utung akataka ma utuan tamata kuldawan ovi rnaꞌa Efesus. Tamata kuldawan avyai wearira afwatan ovi rnaꞌa nangan ralan ma baꞌi rfedan tamata ra! Wean i Ubu wol nfavaꞌat tamata matmatan ra, na ni lolin ana, totu watan wean ini, “Mya ma tafnaꞌan ovu tafnenu, tevek ilyan, na ita veka tmata.”

1 Korintus 16:8

Fiang ini unaꞌa Efesus, ba veka unaꞌa ini ti naran amar i Yahudi ra rotu rira amar dawan Pentakosta.

Efesus 1:1

Terang a valing averi! Yaꞌa ini Paulus, utulis surat ini verin mia tamata ovi myorang Yesus naꞌa kota Efesus. Ubu nfili yaꞌa ma eluk rasul verin Kristus Yesus. Myorang urun Kristus Yesus ovu bira vavaꞌat isa roak ovu Ia, ovu myot-orang lalawatan afa ovi nfalak ra.

Kolose 2:1

Terang a valing averi, yaꞌa inak ma mkyaꞌa ne, ukarya urun verin mia, ovu tamata ovi rorang Yesus naꞌa kota Laodikia, ovu vali tamata ovi wol utuan ira obin.

1 Timotius 1:3

Naꞌut i uti propinsi Makedonia, na era verin oa ma mnaꞌa watan kota Efesus. Tamata boku naꞌa inyai rair afa ovi wol mngaꞌun ra, ba era ma mtab-teri ira, boma deka rair afa avyai.

Wahyu 1:17

Ti ma urea Ia, na ti ufangofak lahir tenang a naꞌa wahan ralan a, wean tamata i nmata roak a. Naꞌuk Ia nlauk liman mela a ma nkena yaꞌa ma nfalak ne, “Deka bwobar! Yaꞌa ini ula lalean Yaꞌa ovu vali uban-muri lalean.

Wahyu 1:19

Ba mtulis munuk afa ovi mrea roak yai: Afa ovi fiang ini rvotuk roak, ovu afa ovi veka rvotuk naꞌa amar ovi veka rma ini.

Wahyu 1:2

Ba Yohanes nfamalik munuk lahir Ubu Ni vaivatul ra ovu afa ovi Yesus Kristus nfalak ovu notu ra, tevek ia nrea ovu nrenar roak afa avyai.

Wahyu 1:20

Afa fanfonak i lan a wol mkaꞌa naꞌa nara ifitu i mrea roak naꞌa limang mela a, ovu damar wan ifitu i rotu tali masa yai, ihin a wean ini: Nara ifitu yai rfaturu ne, Ubu Ni sansinir tali lanit ratan ovi rwanar tamata ovi rorang Yesus rira sidovung ifitu yai. Damar wan ifitu yai nfaturu sidovung ifitu yai.”

Wahyu 1:4

Terang a valing averi, yaꞌa ini Yohanes. Ususan surat ini verin tamata inorang rira sidovung ifitu naꞌa propinsi Asia. Era ma fara Ubu naflahar mia ma nala Ni rala lolin a ovu malinan a verin mia. Salam i ula lalean ntali Ubu i fiang ini nanaꞌa, ovu nanaꞌa roak naꞌut i lanit ivavan wol nanaꞌa obin, ovu veka nanaꞌa lalawatan, nata ti wol ni wahan. Salam i norang i ula lalean yai, ntali Ni Roh i rfanara Ia ne, roh ifitu i rdir-lilit Ia naꞌa wan i ndoku ma nfareta naꞌa lanit ratan.

Wahyu 1:8

Ubilaꞌa nfalak ne, “Yaꞌa ini Alfa ovu Omega; ihin a ne, Yaꞌa ula lalean Yaꞌa, ovu Yaꞌa vali veka ubana marmuri lalean. Fiang ini Yaꞌa unaꞌa, ovu unaꞌa roak naꞌut i lanit ivavan wol nanaꞌa obin, ovu veka unaꞌa lalawatan, nata ti wol ni wahan. Yaꞌa ini Ubu. Ning ngrebat a nlia munuk.”

Wahyu 10:4

Ti ma dodung nvalat nala fafitu, na mane utulis afa ovi nfalak ra, naꞌuk urenar vai isa ntali lanit ratan nma ma nfalak ne, “Deka fwalyawang afa ovi dodung avyai rfalak ra. Deka mtulis afa avyai!”

Wahyu 14:13

Nata urenar vali vai isa ntali lanit ratan nfalak ne, “Mtulis vaivatul ini: Amar ini ovu amar ovi veka rma, na Ubu veka naflahar tamata ovi veka rmata, tevek ralarira urun ma rorang Duilaꞌa.” Ubu Ni Roh nfalak ne, “Kena! Ia naflahar ira ma veka ralarira lolin watan, ovu ryari ira tali rira karya aleman ra ovu afa ovi susa ra. Ubu veka naval rira rala lolin ra, tevek rorang urun Ia.”

Wahyu 19:9

Ubu Ni sansinir tali lanit ratan yai nfalak ewal vali verin yaꞌa ne, “Mtulis wean ini: Ubu naflahar tamata ovi rasweang ira ma rovu naꞌa Domba Yanan Ni snobsifa.” Ia ntafal vali ma nfalak ne, “Vaivatul ovi kena urun, tevek rtali Ubu.”

Wahyu 2:1

Duilaꞌa Yesus nfalak verin yaꞌa ne, “Mtulis surat verin Ubu Ni sansinir tali lanit ratan i nwanar tamata ovi rorang Yesus rira sidovung naꞌa kota Efesus. Mtulis wean ini: Vaivatul ini ntali Ia i ntaha nara ifitu naꞌa liman mela a, ma nbana al nsiꞌik damar wan ifitu i rotu tali masa yai.

Wahyu 2:12

Ba Duilaꞌa Yesus nfalak verin yaꞌa ne, “Mtulis vali surat verin Ubu Ni sansinir tali lanit ratan i nwanar tamata ovi rorang Yesus rira sidovung naꞌa kota Pergamus. Mtulis wean ini: Vaivatul ini ntali Yesus. Ia ni nahin blawat i namneran mela-balit a ma nfalak ne:

Wahyu 2:18

Ba Duilaꞌa Yesus nfalak verin yaꞌa ne, “Mtulis vali surat verin Ubu Ni sansinir tali lanit ratan i nwanar tamata ovi rorang Yesus rira sidovung naꞌa kota Tiatira. Mtulis wean ini: Ubu Yanan Ni snurak ini. Matan wean yafongan, ovu ean wean tembaga i rasnuri ia naꞌa yafu ma rfamasa roak ma nyadat.

Wahyu 2:24

Naꞌuk tali bir tinemun ovi mnyaꞌa Tiatira, boku vali wol myorang afa ovi Izebel nair ra. Mia wol myot-orang afa ovi Izebel ni tamata ra rfamalik naꞌa nitdawan ni afa fanfonak ra. Ba ufalak verin mia ne, Yaꞌa wol ala varvara liak verin mia.

Wahyu 2:8

Ba Duilaꞌa Yesus nfalak vali verin yaꞌa ne, “Mtulis surat verin Ubu Ni sansinir tali lanit ratan i nwanar tamata ovi rorang Yesus rira sidovung naꞌa kota Smirna. Mtulis wean ini: Ia ula lalean Ia ma notu munuk afakataka. Ia vali veka nban-muri lalean ma nfakena munuk afa avyai. Ia nmata roak, naꞌuk fiang ini nvaꞌat ewal roak tali matmatan.

Wahyu 21:5

Nata Ia i ndoku wan i nfareta a nfalak ne, “Yaꞌa veka otu ma afakataka munuk ngorvaꞌan.” Ia nfalak vali verin yaꞌa ne, “Mtulis vaivatul ovi, tevek vaivatul ovi kena urun, ovu tamata ra bisma rorang lahir.”

Wahyu 22:10

Ubu Ni sansinir yai nfalak ewal verin yaꞌa ne, “Deka fwonak vaivatul ovi Ubu nala verin Ni nabi a naꞌa kitab ini, tevek ni amar a sarseri roak ma afa avyai veka rvotuk lahir.

Wahyu 22:16

Yaꞌa ini Yesus. Usinir roak Ning sansinir tali lanit ratan a ma nala vaivatul ovi verin mia, boma ti ma fyamalik verin tamata ovi rorang Yaꞌa rira sidovung ra. Yaꞌa ini ubung-nusing Raja Daud; ovu vali rfanara Yaꞌa ne, ‘Nara Telyawar.’ ”

Wahyu 3:1

Duilaꞌa Yesus nfalak verin yaꞌa ne, “Mtulis surat verin Ubu Ni sansinir tali lanit ratan i nwanar tamata ovi rorang Yesus rira sidovung naꞌa kota Sardis. Mtulis wean ini: Vaivatul ini ntali Ia i nfareta roh ifitu ovi rkarya verin Ubu, ovu ntaha nara ifitu a. Ia nfalak ne: Yaꞌa ukaꞌa munuk afa ovi myotu ra. Tamata ra rfalak ne, byaꞌat obin, naꞌuk velik aba, mia myata roak.

Wahyu 3:14

Duilaꞌa Yesus nfalak verin yaꞌa ne, “Mtulis surat verin Ubu Ni sansinir tali lanit ratan i nwanar tamata ovi rorang Yesus rira sidovung naꞌa kota Laodikia. Mtulis wean ini: Vaivatul ini ntali Ia i rfanara ia ne, Kena Urun. Ia nfamalik lalawatan afa ovi kena ra. Afa ovi kena ra munuk rtali Ubu. Nahu Ia, na Ubu notu munuk afa ovi rnaꞌa lanit ivavan ini.

Wahyu 3:4

Naꞌuk naꞌa Sardis, na bira tamata ifira naꞌa bira sidovung a wol rfangra rira kadaravit ra ovu salasilan ra. Ira veka roru kadaravit ngangiar, tevek rira vavaꞌat ra rmalola, ba inovan ma rbana ovu Yaꞌa.

Wahyu 3:7

Duilaꞌa Yesus nfalak verin yaꞌa ne, “Mtulis vali verin Ubu Ni sansinir tali lanit ratan i nwanar tamata ovi rorang Yesus rira sidovung naꞌa kota Filadelfia. Mtulis wean ini: Vaivatul ini ntali Ia i nmerat urun ovu nfabana urun afa ovi Ubu nfalak ra. Ia ntaha raja Daud ni kusi a, ba wean i nvadil falfolat a, na wol tamata isa bisma nfolat nala, ovu wean i nfolat falfolat a, na wol tamata isa vali bisma nvadil nala.