Lukas 9:52 - Surat Ralan na'a Vaidida

⁵² Ba nsinir lan tamata ifira ma ula ira rti. Tamata avyai rti ahu isa naꞌa propinsi Samaria, ma rasusan munuk lahir afakataka verin Yesus.

Lukas 9:52 Kruisverwysings

Matius 10:5

Yesus nsurak Ni tamata vutu rahin irua yai, beti nsinir ira ma rti. Ia nfalak verin ira ne, “Deka miti tamata ovi wol Yahudi ra, ovu deka miti vali tamata Samaria rira ahu ra.

Lukas 10:1

Duilaꞌa Yesus nfalak munuk wean inyai, beti nsinir Ni tamata vutfitu ovi rorang vali Ia, ma raruan ira rti lan ahu ovi veka nwelat ra.

Lukas 10:33

Nata tamata Samaria isa nahu vali lingaꞌan yai. Ti ma nrea tamata yai, na nfarnuang lahir naꞌa ralan ma nfaturu ni silobang verin ia.

Lukas 17:11

Yesus nahu propinsi Samaria ovu propinsi Galilea rira elat ratan a ma nbana nti Yerusalem.

Lukas 17:16

Nata nsangatur naꞌa Yesus wahan ralan a, ovu nfalak fara weninyai verin Ia. Tamata yai ntali Samaria.

Lukas 7:27

Tevek lan ana, Ubu nfamalik ma dawan ia naꞌa Ni Surat Ralan a, ma nfalak ne, ‘Ini Yaꞌa Ning tamata sansinir ini, Yaꞌa usinir lan ia beti Oa, ma nasusan Mu lingaꞌan a.’ ”

Yohanes 4:4

Naꞌa Ni banbanan a, na musti nahu propinsi Samaria.

Yohanes 4:5

Yesus nbana nata naran ahu isa naꞌa Samaria naran Sikhar. Ahu yai nfaseri lanun i lalan a Yakub nala verin yanan i Yusuf a.

Yohanes 4:9

Vata yai nfalak verin Ia ne, “Oa tamata Yahudi Oa, na yaꞌa tamata Samaria yaꞌa, ba afakinimi mera wear tali yaꞌa ma menu?” (Vata yai nfalak wean inyai, tevek tamata Yahudi wol rkamlabir tamata Samaria ra.)

Yohanes 8:48

Tamata Yahudi avyai rfalak verin Yesus ne, “Kena ami, wean i amfalak ne, tamata Samaria Oa, ovu nait sian nleal Oa!”