Lukas 9:16 - Surat Ralan na'a Vaidida

¹⁶ Nata Yesus nala roti ilima ovu ian irua yai, beti ntadata nrata lanit ma nfalak fara weninyai verin Ubu. Ia notu munuk wean inyai, beti nvisul roti avyai ma nala verin Ni tamata ovi rorang Ia, boma rti rsiduk verin tamata rivun avyai.

Lukas 9:16 Kruisverwysings

Matius 14:19

Nata nsinir tamata rivun avyai ma rdoku ngrova yanat ratarira ra. Yesus nala roti ilima ovu ian irua yai, beti ntadata nrata lanit ma nfalak fara weninyai verin Ubu. Ia notu munuk wean inyai, beti nvisul roti ovu ian avyai ma nala verin Ni tamata ovi rorang Ia, boma rti rsiduk verin tamata rivun avyai.

Matius 15:36

beti nala roti ifitu yai ovu ian ra ma naflurut ovu nfalak fara weninyai verin Ubu. Nata nvisul roti ovu ian ra ma nala verin Ni tamata ra, ma rtanang verin tamata rivun avyai.

Markus 7:34

Nata ntadata nrata lanit ma nanak ma dodun, beti nfalak ne, “Efata!” Ihin ne: “Natvadil lahir!”

Lukas 22:19

Yesus nfalak munuk wean inyai, na nala vali roti a ma nfalak fara weninyai verin Ubu, beti nvisul roti yai ma nsiduk verin ira ma nfalak ne, “Roti ini Yaꞌa tenang a ma ala verin mia. Mian ma al nfangnanang mia naꞌa Ning matmatan a.”

Lukas 24:30

Naꞌut i ndoku mane nafnaꞌan ovu ira, na Ia nala lan roti a ma nfalak fara weninyai verin Ubu, beti nvisul roti yai ma nala verin ira.

Lukas 9:15

Yesus Ni tamata ovi rorang Ia yai rot-orang afa ovi nfalak ra, ba rsinir ma tamata rivun avyai rdoku munuk.

Lukas 9:17

Tamata rivun avyai rafnaꞌan ma evurira ra rveda munuk roak, beti Yesus Ni tamata ovi rorang Ia rasdovuk munuk roti teran ra naꞌa ahir vutu rahin irua rngora.

Yohanes 6:11

Ba Yesus nala roti avyai ma naflurut ovu nfalak fara weninyai verin Ubu, beti ntanang verin tamata ovi rdoku inyai. Nata Yesus nala vali ian irua yai, ma notu vali wean inyai, ba rafnaꞌan ma tali watan ira.

Yohanes 6:23

Naꞌut inyai, na kumal liak boku rtali kota Tiberias rma ma rlau ebang wan i Yesus nera verin Ubu ma naflahar roti ra ma tamata rivun raꞌan.

Kisah 27:35

Paulus nangrihi munuk wean inyai, beti nala roti a ma nfalak fara weninyai verin Ubu naꞌa waharira ralan ra. Nata nvisul kedan ma naꞌan.

Roma 14:6

Tamata i nanovak ne, amar isa lolin lia amar liak ra ma rasdovu ira ma rfadawang Ubu, na nanovak wean inyai ma nalang Duilaꞌa. Tamata i naꞌan afaka watan notu wean inyai ma nalang Duilaꞌa, tevek inan ma nfalak fara weninyai verin Ubu naꞌa afamtahan avyai. Tamata i naꞌan watan sayur, ia notu wean inyai, tevek inan ma nalang Duilaꞌa, ovu vali nfalak fara weninyai verin Ubu.

1 Korintus 10:30

Wean i yaꞌa ufalak lan fara weninyai verin Duilaꞌa naꞌa afamtahan yai, beti uan, na afakinimi tamata ra rfalak sian yaꞌa naꞌa afwatan ihin yai? Uflurut roak verin Duilaꞌa ma ufalak fara weninyai naꞌa afa yai.”

1 Korintus 11:24

nfalak fara weninyai verin Ubu, beti nvisul roti a ma nfalak ne, “Ini Yaꞌa tenang a ma ala verin mia. Mian roti ini ma al mingnanang Yaꞌa.”