Lukas 8:18 - Surat Ralan na'a Vaidida

¹⁸ Eka mingnanang ma lolin afa ovi mryenar roak tali Yaꞌa, tevek tamata iki watan inan ma nfan-aran Ubu Ni vaivatul ra, na Ubu veka ntafal ni kakaꞌa. Naꞌuk tamata iki watan wol inan ma nfan-aran Ubu Ni vaivatul ra, na Ubu veka nala munuk kakaꞌa yai tali ia, velik ne nfikir ne, nkaꞌa kadkedan roak.”

Lukas 8:18 Kruisverwysings

Matius 13:12

Tevek tamata iki watan inan ma nfan-aran Ubu Ni Fareta a, na ni kakaꞌa naꞌa Ni fareta veka ntafal ma dawan. Naꞌuk tamata iki watan wol inan ma nfan-aran Ubu Ni Fareta a, velik ne nkaꞌa kadkedan roak, na Ubu veka nala munuk kakaꞌa yai tali ia.

Matius 25:29

Tevek tamata iki watan npake ma lolin afa ovi rnaꞌa roak ia, na Yaꞌa veka ala ma rivun ilaꞌa matan verin ia. Naꞌuk tamata iki watan wol npake ma lolin afa ovi rnaꞌa roak ia, na velik ne koꞌu watan, veka ala munuk tali ia.

Markus 13:14

“Ni amar veka nma ma msyiꞌik afa isa i sian urun ndiri wan isa i wol inovan ma nanaꞌa, ma nfangra ia (Mia tamata ovi byas ini, eka msyiꞌik ma lolin, boma fyan-aran vaivatul ovi). Tamata ovi rnaꞌa Propinsi Yudea musti rafla talik wan yai ma rti vuar ra.

Lukas 19:26

Raja nfalak ne, ‘Mingnanang! Tamata iki watan npake ma lolin afa ovi rnaꞌa roak ia, na veka utafal vali verin ia. Naꞌuk tamata iki watan wol npake ma lolin afa ovi rnaꞌa roak ia, na veka al-ewal afa ovi rnaꞌa ia.

Lukas 9:44

“Mryenar ma lolin ovu deka miblufang afa ovi ufalak ini. Tamata ra veka rala Yaꞌa, Tamata Yanan Yaꞌa ini, verin tamata ra.”

Yohanes 15:2

Ningu aa anggur sanan ra, ovu sanan avyai rfaturu tamata inorang ra. Ba lokat aa sanan ovi wol vuarira, na tamata i nwanar vaꞌi anggur yai veka netal vatuk aa sanan avyai. Naꞌuk aa sanan ovi vuar ra, na Ia veka nsingya aa sanan avyai, boma rtafal ma vuarira.

Kisah 10:33

Ba usinir lahir brana boku ma rera oa ta baba. Ralam a lolin bi mwa ini. Fiang ini amasdovu munuk roak ami naꞌa Ubu wahan ralan a ma amrenar afa ovi nfareta verin oa ma fwalyawang verin ami.”

Kisah 17:11

Tamata ovi rnaꞌa Berea yai rira sialang verin tamata liak ra lolin lia tamata ovi rnaꞌa Tesalonika. Ira inar urun ma rarenar Ubu Ni vaivatul ra, ovu vali lokat amar rbas ma lolin Surat Ralan ma al rsiꞌik ne, afa ovi Paulus nfalak ra kena te wahal.

Roma 12:3

Ubu nala roak Ni rala lolin a verin yaꞌa, ba nala varvara ma ufamalik Ni vaivatul ra verin mia. Ba usurak mia munuk ma deka fyakaratat tenabira ra ma fyikir ne, afa ovi rnaꞌa tenabira ra, nlia tali afa ovi kena ra. Naꞌuk velik aba, msyiꞌik tenabira ra veki ma wean lahir lingaꞌan i kena, ovu wean yabi i Ubu nala roak verin mia, tevek bira inorang a verin Ia.

1 Korintus 14:37

Wean i tamata isa nanovak ne, nabi ia, te Ubu nala ngrebat liak verin ia, na musti nkaꞌa ne, afa ovi ufalak verin mia, wean lahir afa ovi Ubu nfareta ra.

1 Korintus 3:18

Deka tamata isa vali tali mia kaꞌi nlabir watan tenan a. Wean i tamata boku ranovak ne, rira kakaꞌa dawan wean tamata ovi rnaꞌa lanit ivavan ini rfikir a, na tamata avyai musti rotu ma felarira ra wean tamata boda-badi ra. Ira rotu felarira wean inyai, boma rira vali kakaꞌa dawan tali Ubu.

1 Korintus 8:2

Wean i tamata isa nanovak naꞌa ralan a ne, ni kakaꞌa dawan, naꞌuk velik aba, tamata yai ni kakaꞌa wol ti naran afa ovi musti nkaꞌa ra.

Filipi 3:4

Ita wol torang ne, afa i rotu yai notu ma ita dida vavaꞌat kakiwal, velik ne, yaꞌa bis udava watan lingaꞌan ma ning vavaꞌat wean inyai, wean i afa yai nlobang yaꞌa. Wean i tamata boku rdav-nala lingaꞌan ma rfakloꞌi rira vavaꞌat naꞌa afa ovi rnaꞌa tenarira ra, na yaꞌa bis otu ma nlia tali inyai.

Ibrani 2:1

Ba terang a valing averi, wean inyai bi musti tsiꞌik wadida ma lolin ma torang urun Ubu Ni Ivar Lolin i trenar roak a, boma deka tafla talik dida inorang a.