Lukas 6:6 - Surat Ralan na'a Vaidida

⁶ Amar isa vali naꞌut i Yahudi ra ryari ira, na Yesus nti rira rahan falurut isa ma nsiair. Naꞌa inyai, na brana isa liman mela nmata.

Lukas 6:6 Kruisverwysings

Matius 4:23

Nata Yesus nban-lilit propinsi Galilea ma nsiair naꞌa Yahudi rira rahan falurut ra. Ia nfamalik Ubu Ni Ivar Lolin i nfalak ne, Ubu veka nfareta tamata ra wean lahir Raja. Yesus notu ma lolin vali tamata ra tali rira suhut ra, ovu notu ma lolin vali tamata ovi tenarira ra rmafun.

Lukas 13:10

Amar isa naꞌa amar i Yahudi ra ryari ira, na Yesus nsiair naꞌa Yahudi rira rahan falurut isa.

Lukas 14:3

Ba Yesus norat Yahudi rira dawan ovi rair Musa ni inukun ra ovu tamata Farisi avyai ne, “Naꞌa Musa ni inukun ra, bis totu ma tamata lolin ira naꞌa amar i ita tamata Yahudi tyari ita a?”

Lukas 4:16

Yesus nti ahu Nazaret. Ia nleal wan yai tali Ni kakoꞌu, nata ti naran i dawan Ia. Naꞌut amar i tamata Yahudi ryari ira, na Yesus nti tamata Yahudi rira rahan falurut isa. Ia baꞌi notu wean inyai. Ia ndiri mane nbas Surat Ralan a.

Lukas 4:31

Nata Yesus nti Galilea ma nsiair naꞌa ahu Kapernaum. Ia nsiair naꞌut amar i tamata Yahudi ra ryari ira.

Lukas 6:1

Amar isa naꞌut i Yahudi ra ryari ira, na Yesus ovu Ni tamata ovi rorang Ia rban-etal vaꞌi gandum ra. Ni tamata ra rfufu gandum ni funu boku, ma rsufak ovu limarira ra, beti raꞌan ihin ra.

Lukas 6:5

Yesus nfalak vali verin ira ne, “Yaꞌa, Tamata Yanan Yaꞌa, ba Ning fareta a ti naran vali amar i tyari ita.”

Yohanes 5:3

Naꞌa abelus avyai, na tamata ovi rira suhut ra, rivun ira rtuba wan yai. Tamata avyai boku rkibu, boku wol rbana nala, ovu vali boku ratlukut. [Tamata avyai rnaban ma wear i naꞌa kolam yai nfaduak.

Yohanes 9:16

Tamata Farisi boku rfalak ne, “Tamata i notu ma lolin tamata ini matan a wol ntali Ubu, tevek wol nalang amar i tyari ita.” Naꞌuk tamata Farisi boku vali rfalak ne, “Wean inba ma tamata salasilan isa bisma not-nala mujizat i wean ini?” Ba rsitaku ulurira naꞌa rira fikiran ra.