Lukas 5:9 - Surat Ralan na'a Vaidida

⁹ Simon ovu ni kida avyai rtalkaka lahir, tevek rwadar urun i lahir.

Lukas 5:9 Kruisverwysings

Markus 9:6

Velik aba, Petrus wol nkaꞌa afa ovi nfalak ra, tevek irtelu rbobar urun, naꞌuk nangrihi watan wean inyai.

Lukas 2:18

Tamata ovi rarenar afa ovi domba duarira rfamalik yai, rtalkaka munuk lahir.

Lukas 4:32

Tamata ovi rarenar afa ovi nair ra rtalkaka lahir, tevek nsiair ovu Ubu Ni ngrebat a.

Lukas 4:36

Tamata ra munuk rtalkaka, ba rsifalak afa verin ira ne, “Yesus Ni vaivatul avyai rangrebat urun! Ia Ni ngrebat ma nfareta nait sian ra, ma rti talik lahir tamata ra.”

Lukas 5:10

Simon ni kida Yakobus irua Yohanes i yamarira verin Zebedeus, rtalkaka vali. Yesus nfalak verin Simon ne, “Deka bwobar! Tali amar ini, na oa wol fwasuka jaring roak ma nala ian, tevek ala karya verin oa ma mair tamata ra ma rorang Yaꞌa.”

Lukas 5:8

Simon i Yesus nfanara vali ia ne Petrus nsiꞌik afa yai, na nsangatur ma nsoak wahan a naꞌa Yesus wahan ralan a ma nfalak ne, “Duilaꞌa, muti talik yaꞌa, tevek tamata salasilan yaꞌa!”