Lukas 23:11 - Surat Ralan na'a Vaidida

¹¹ Ba Herodes ovu ni suldadu ra rfalak sian ovu rangrihi ma rworuk-rwak Yesus, beti rotu ma neluk ravit blawat i raja ra baꞌi roru a. Rotu munuk wean inyai, beti rovun ewal Ia ti verin Pilatus.

Lukas 23:11 Kruisverwysings

Matius 14:1

Naꞌut inyai, na tamata i ntaha fareta naꞌa propinsi Galilea naran Herodes. Ia nrenar roak afa ovi Yesus notu ra,

Matius 14:3

Herodes nfalak wean inyai, tevek lan ana, nfareta ma rtaha Yohanes ma rkeak ia, beti rovun ia ti rfadoku ia naꞌa buꞌi ralan. Herodes notu wean inyai, tevek awan a Herodias. Herodes nala roak warin i Filipus awan a, Herodias, ma neluk awan.

Matius 14:6

Naꞌut i Herodes ni amar vulan kena, na ia notu snoba. Herodias yanan vata nti snoba ralan ma nsoꞌi-nsomar naꞌa mangun waharira ralan ra, ma notu ma Herodes inan urun.

Markus 9:12

Yesus nfalak ne, “Kena, Elia nma ula ia, boma nasusan afakataka munuk. Naꞌuk mia mkyaꞌa roak ne, rtulis naꞌa Surat Ralan ne, Yaꞌa, Tamata Yanan, veka utuan sian rivun ovu vali rangrihi visal-vasil Yaꞌa.

Lukas 23:10

Yahudi rira dawan mela falurut ra ovu rira dawan ovi rair Musa ni inukun ra rnaꞌa vali inyai, ba rmangadu Yesus ovu rira vaivatul ovi aleman ra.

Yohanes 19:5

Ba rovun Yesus nti murin. Ia naklulu roak sabeꞌu iman yai, ovu noru roak ravit blawat ungu yai. Pilatus nfalak verin ira ne, “Eka msyiꞌik tamata ini!”

Yakobus 2:2

Wean i tamata kaꞌi isa npake sitana masa naꞌa liman a, ovu neluk kadaravit ovi lolin ma nma bira sidovung a, nata wol mnanat, na tamata kasian isa nma vali. Tamata kasian yai neluk kadaravit vian ovi baꞌi neluk nti vaꞌi.

Yakobus 2:3

Ba wean i myalang aꞌuk tamata kaꞌi yai ma fyalak ne, “Baba te titi, mwa ma mdoku kadera lolin ini.” Naꞌuk fyalak verin tamata kasian yai ne, “Mdiri watan inyai te mdoku watan fun ini.”