Lukas 2:10 - Surat Ralan na'a Vaidida

¹⁰ Duilaꞌa Ni sansinir yai nfalak verin ira ne, “Deka byobar, tevek ufamalik ivar lolin verin mia, ovu verin tamata ra munuk ma veka inabira lolin urun i lahir.

Lukas 2:10 Kruisverwysings

Matius 14:27

Yesus nfalak lahir verin ira ne, “Ralabira ra deka kakoꞌu, tevek ini Yaꞌa, ba deka byobar!”

Matius 28:18

Yesus nfaseri ira ma nfalak ne, “Ubu nala munuk roak ngrebat verin Yaꞌa naꞌa lanit ratan ovu lanit ivavan a.

Matius 28:5

Naꞌuk sansinir yai nfalak verin vata avyai ne, “Deka byobar, tevek ukaꞌa roak ne, mya ma mdyava Yesus i rbaku roak Ia naꞌa aa walwalur a.

Markus 1:15

Ba Ia nfalak ne, “Amar nma ma naran roak ma Ubu nfareta wean lahir Raja. Myahil ma mtyalik tali bira salasilan ra ma myorang aꞌuk Ubu Ni Ivar Lolin!”

Markus 16:15

Ia nfalak verin ira ne, “Byan-soru munuk lanit ivavan a, ma fyamalik Ubu Ni Ivar Lolin verin tamata ra munuk.

Lukas 1:13

Naꞌuk Ubu Ni sansinir yai nfalak verin ia ne, “Zakharia, deka bwobar, tevek Ubu nrenar roak mu falurut a. Awam i Elisabet a veka nrali kasikoꞌu brana isa. Oa musti fwanara ia ne, Yohanes.

Lukas 1:19

Ubu Ni sansinir yai nfalak ne, “Yaꞌa ini Gabriel. Ukarya verin Ubu naꞌa lanit ratan, ovu Ia nsinir yaꞌa ma ufalak ivar lolin ini verin oa.

Lukas 1:30

Ubu Ni sansinir yai nfalak vali ne, “Maria deka bwobar, tevek Ubu naflahar roak oa.

Lukas 2:11

Ovan ini vali naꞌa Raja Daud ni kota, na rarali roak Duilaꞌa Kristus. Ia Raja i nsikat tamata ra tali rira salasilan ra, ma rira vavaꞌat kakiwal.

Lukas 24:47

Tamata ra veka rala narang ma ti rfamalik Ubu Ni Ivar Lolin a verin tamata ra munuk, boma rahil ma rtalik tali rira salasilan ra, ma Ubu naꞌi vatuk rira salasilan ra. Rfamalik lan naꞌa Yerusalem, beti rti nuhu ovi rnaꞌa lanit ivavan ini munuk.

Lukas 8:1

Wol mnanat, na Yesus nban-lilit tali kota nti kota, ovu ahu nti ahu, ma nfamalik Ubu Ni Ivar Lolin ne, Ubu nfareta tamata ra wean lahir Raja. Ni tamata vutu rahin irua yai rorang Ia.

Kisah 13:32

Ba amfalak ivar lolin ini verin mia. Ubu nfakena munuk roak Ni tnorung i lalan a nfalak verin ubud-nusid ra, ma nfavaꞌat ewal Yesus. Mazmur pasal irua nfalak wean ini, ‘Yaꞌa Yanak Oa! Amar ini lahir, ufalak verin Oa ne, Yamam Yaꞌa.’

Roma 10:15

Tamata iki bisma nfamalik Ni Ivar Lolin yai, wean i Ubu wol nsinir ia? Rtulis roak naꞌa Surat Ralan ne, “Lolin urun i lahir, wean i tamata ra rma ma rfamalik Ubu Ni Ivar Lolin!”

Efesus 3:8

Inovan ma Ubu nala roak Ni kalolin verin tamata inorang ra munuk, naꞌuk wol verin yaꞌa. Naꞌuk tali Ni rala lolin a, bi nala roak karya ini verin yaꞌa, boma ufamalik Ni Ivar Lolin a verin tamata ovi wol Yahudi ra, ma ufalak naꞌa Ni kalolin dawan i wol ni wahan a. Tatuan afa yai naꞌa Kristus.

Kolose 1:23

Ba wean i inabira ma wean urun inyai, na bira inorang a musti nabwaꞌar. Deka mane tamata liak rotu teri mia ma wol mnyaban afa lolin ovi Ubu ntorung roak ma veka nala verin tamata ovi rorang Yesus. Mia mryenar roak Ubu Ni Ivar Lolin i nban-soru roak, nti wan rivun naꞌa lanit ivavan ini. Ubu nfili yaꞌa, Paulus, ma ufamalik Ni Ivar Lolin a verin tamata ra.