Lukas 19:13 - Surat Ralan na'a Vaidida

¹³ Ia wol nati obin, na nera ni tamata sansinir vutu a ma nala kubang masa sasan lokat ira, ma nfalak ne, ‘Myala kubang ovi ma al fyedi-fyaha afa, nata ti naran i ewal yaꞌa.’

Lukas 19:13 Kruisverwysings

Matius 25:16

Tamata sansinir i nala roak kubang masa kadut ilima yai nti ma nfabana lahir kubang yai, ma utun kubang masa kadut ilima vali.

Matius 25:20

Ba sansinir i nfabana kubang masa kadut ilima yai nma ma ntuan duan a. Ia nala kubang masa kadut vutu verin duan a. Nata nfalak verin duan a ne, ‘Baba, oa mala kubang masa kadut ilima verin yaꞌa. Eka msyiꞌik, utung vali kubang masa kadut ilima, ba utaha uma verin oa.’

Matius 25:22

Tamata sansinir i nfabana kubang masa kadut irua yai nma vali ma ntuan duan a. Ia nfalak verin ia ne, ‘Baba, oa mala kubang masa kadut irua verin yaꞌa. Eka msyiꞌik, utung vali kubang masa kadut irua ba utaha uma verin oa.’

Matius 25:24

Nata tamata sansinir i nala kubang masa kadut isa yai nma ma ntuan vali duan a ma nfalak ne, ‘Baba, yaꞌa ukaꞌa ne oa msingarova sian. Oa mala afamtahan naꞌa vaꞌi ovi wol muvuri naꞌa. Oa mnaban watan ma mala tamata liak rira karya enan ra.

Lukas 19:12

Yesus nfalak ne, “Tamata mela isa mane nti negara isa i raroa ma ndava mane rsikat ia ma notu raja naꞌa negara yai, beti newal ia.

Lukas 19:14

Naꞌuk tamata ovi rtali ni negara wol inar lahir tamata mela yai. Ia nti roak, beti rsinir tamata boku ma rorang ia ma rfalak verin tamata ra naꞌa negara yai ne, ‘Ami wol inamami ma tamata ini notu raja verin ami!’

Yohanes 12:26

Iki watan wean i mane nkarya verin Yaꞌa, na ia musti norang Yaꞌa. Notu wean inyai, boma itmunuk tnaꞌa wan isa. Yamang veka nalang munuk tamata ovi rkarya verin Yaꞌa.

Galatia 1:10

Ba udava wahang ralan naꞌa tamata ra, te otu ma Ubu ralan a lolin? Yaꞌa wol usahak ma otu ma tamata ra inar yaꞌa. Wean i udava wahang ralan naꞌa tamata ra, na Kristus wol Ni sansinir verin yaꞌa.

Yakobus 1:1

Terang a valing Yahudi ovi myorang Yesus Kristus. Yaꞌa ini Yakobus, ususan surat ini verin mia arun dawan vutu rahin irua ovi mimir-mimar naꞌa lanit ivavan ini. Yaꞌa ala salam verin mia munuk. Yaꞌa eluk tamata sansinir verin Ubu ovu Duilaꞌa Yesus Kristus.

2 Petrus 1:1

Yaꞌa Simon Petrus, eluk tamata sansinir ovu rasul verin Yesus Kristus. Utulis surat ini verin mia tamata ovi myorang Yesus. Mia weabira vali ami ma amorang Ia. Yesus Kristus Ubu Ia ovu nsikat ita tali dida sala silan ra, ma nala vavaꞌat kakiwal. Ia notu ma torang Ia, tevek afa ovi notu ra, kena lalawatan.