Lukas 16:9 - Surat Ralan na'a Vaidida

⁹ Myala metan ovi rnaꞌa lanit i vavan ini ma al myotu bira kida, boma wean i metan avyai wol fyawarira roak, na Ubu veka nala mia ti mnyaꞌa lanit ratan.

Lukas 16:9 Kruisverwysings

Matius 19:21

Yesus nfalak verin ia ne, “Wean i inam ma mu vavaꞌat a nmalola, na muti ma fwedi munuk mu metan ra, ma mtanang kubang avyai verin tamata kasian ra. Motu wean inyai, na veka mu metan naꞌa lanit ratan, beti mwa ma morang Yaꞌa.”

Matius 6:19

“Deka misdovuk bira metan ra naꞌa lanit ivavan ini, tevek ngafat ovu arawan ra rot-visal ira, ovu tamata barborin ra veka rti bira rahan ra ma rbori bira metan ra.

Matius 6:24

Wol tamata isa bisma nkarya verin duan irua. Ia veka wol inan lahir isa, naꞌuk nlobang isa. Te veka not-orang lalawatan afa ovi nfalak ra verin isa, naꞌuk isa wahal. Mia weabira vali inyai, ma wol bisma myala bira vavaꞌat ra verin Ubu, ovu vali myala bira vavaꞌat ra verin bira metan ra.”

Lukas 11:41

Naꞌuk myala ovu ralabira urun afa ovi rnaꞌa mia verin tamata kasian ra. Myotu wean inyai, na ralabira ovu tenabira veka rmerat urun naꞌa Ubu wahan ralan a.

Lukas 12:33

Ba miti ma fyedi bira metan ra, ma myala kubang avyai verin tamata kasian ra. Myotu wean inyai, na misdovuk roak bira metan ra naꞌa lanit ratan. Metan avyai wol rakvisal nala, nata ti wol ni wahan, ovu tamata barborin ra wol bis rala nala, ovu ngafat ra wol bisma raꞌan nala.

Lukas 14:14

Motu wean inyai, na Ubu veka naflahar oa, tevek tamata avyai veka wol raval nala mu lolin a. Ubu veka nbalas mu lolin yai naꞌut i nfavaꞌat ewal tamata ovi rira vavaꞌat ra rmalola.”

Lukas 16:11

Ba wean i wol myot-orang afa ovi fyalak ra naꞌa metan koꞌu ovi rnaꞌa lanit i vavan a, na Ubu veka wol norang vali mia ma nala metan dawan ovi rnaꞌa lanit ratan verin mia.

Lukas 16:13

Tamata sansinir isa wol bisma nkarya verin duan irua. Ia veka wol inan lahir isa, naꞌuk nlobang isa. Te veka not-orang lalawatan afa ovi nfalak ra verin isa, naꞌuk wol inan lahir isa. Mia weabira vali inyai, ma wol bisma myala bira vavaꞌat ra verin Ubu, ovu vali myala bira vavaꞌat ra verin bira metan ra.”

Lukas 16:4

Yaꞌa ufikir nala afa isa ma veka otu, tevek sarseri roak ma ning dawan a nfaleka yaꞌa tali ning karya a, ma wol ususan roak ni metan ovu ni kubang ra, na bisma ning kida rivun. Ira veka rala yaꞌa ma ti unaꞌa rira rahan.’

Kisah 10:31

Ia nfalak verin yaꞌa ne, ‘Kornelius, Ubu nrenar roak mu falurut a, ovu nsiꞌik roak ne, mlobang tamata ovi kasian ira.

Kisah 10:4

Kornelius nsiꞌik sansinir yai, na nbobar urun i lahir, ba norat ne, “Afaka ta Duilaꞌa?” Sansinir yai nfalak ne, “Oa motu ma Ubu ralan a lolin, tevek muflurut lalawatan verin Ia ovu mlobang tamata kasian ra. Ba Ia nangnanang afa ovi motu avyai.

2 Korintus 4:17

Tevek sian ovi amtuan ra wol kaꞌi aleman, naꞌuk veka rvua afa lolin verin ami ma ti wol ni wahan, ovu nlia munuk afakataka. Afa lolin avyai, lolin lia sian ovi amtuan ra.

Yudas 1:21

Naꞌa bira vavaꞌat ra, na musti myorang lalawatan ne, Ubu nlobang mia. Myotu wean inyai ma mnyaban dida Duilaꞌa Yesus Kristus i nfaturu Ni silobang a, ma nala vavaꞌat kakiwal verin mia.