Lukas 16:25 - Surat Ralan na'a Vaidida

²⁵ Naꞌuk Abraham nfalak ne, ‘Mungnanang veki ta baba, tevek naꞌut i bwaꞌat obin a, na oa mu munuk roak afa ovi lolin ra, naꞌuk Lazarus ni watan afa ovi sian ra. Fiang ini Lazarus inan lolin roak, naꞌuk oa mu wawaꞌuk a dawan urun ia.

Lukas 16:25 Kruisverwysings

Matius 27:63

Ira rfalak verin Pilatus ne, “Baba, ami amangnanang naꞌut i tamata siklabir eri nvaꞌat obin, na nfalak roak ne, ‘Ti ma amar itelu nelak, na veka uvaꞌat ewal.’

Markus 9:45

Wean i eabira lihir notu ma myotu salasilan, na myetal vatuk ia. Ni lolin a, bira vavaꞌat kakiwal ovu Ubu, velik ne eabira lihir watan, tevek wol lolin lahir ma miti yafwan kakiwal ovu eabira irua. [

Lukas 16:20

Tamata isa vali ni kasian a dawan, naran Lazarus. Lokat amar, na ia ntuba naꞌa tamata kaꞌi yai ni falfolat ngoran a. Ni weba ra rsoru lahir tenan a.

Lukas 16:23

Tamata kaꞌi yai nanaꞌa roak yafwan kakiwal, na ni wawaꞌuk a dawan urun i lahir. Ia ntadata ma nsiꞌik tali raroa watan, na Lazarus ndoku wan i lolin urun a nebang Abraham.

Lukas 16:26

Nlia tali inyai vali, na tivat isa i bilaman urun a nelak ita ma oa mnaꞌa lihir a, na ami amnaꞌa lihir a. Ba wean i tamata ovi rtali wamami mane rahu tivat yai ma rti ralola mia, te ovi rnaꞌa inyai mane rma ma ralola ami, na wol bis lahir!’

Lukas 6:24

Naꞌuk sian urun i lahir verin tamata ovi fiang ini mkyaꞌi roak a, tevek myotu roak inabira lolin ovu bira metan ra.

Yohanes 16:33

Ufalak munuk afa avyai verin mia, boma ralabira ra malinan watan, tevek bira vavaꞌat ra isa roak ovu Yaꞌa. Naꞌa lanit ivavan a mia veka mtyuan susa. Naꞌuk mtyahang ralabira watan, tevek utung munuk roak ngrebat ovi rnaꞌa lanit ivavan a.”

Kisah 14:22

Ira rnaꞌa kota avyai, na rala snurak lolin ma al rfangrebat tamata ovi rorang Yesus ralarira ra, boma rorang aꞌuk Yesus. Ira rfalak ne, “Kida averi, ita tatuan lan susa rivun veki, beti ti tnaꞌa Ubu Ni Fareta Ralan.”

Roma 8:7

Tamata i nfikir aꞌuk ininan sian ovi rnaꞌa ralan a, na ia nangal roak Ubu. Tamata yai wol nsoak verin Ubu Ni inukun ra, ovu wol not-nala lahir inukun avyai.

Filipi 3:19

Tamata avyai rira vavaꞌat ra veka ramwear munuk lahir, tevek duarira verin rira ininan sian ra. Ira rfakaratat tenarira ra naꞌa afa ovi rotu ma inovan ma rmaꞌit a, naꞌuk wol rmaꞌit. Ira rfikir watan afa ovi rnaꞌa lanit ivavan a.

1 Tesalonika 3:3

Wean inyai, boma wol tamata isa vali ni inorang a kakoꞌu, tevek afa sian ovi mtyuan a. Mia mkyaꞌa roak ne, Ubu ralan nfalak vali ma tamata ovi rorang Yesus veka rtuan susa vali, tevek rira inorang a.

Ibrani 11:25

Musa nafena ma notu salasilan ovi rotu ma inan lolin amar isa te irua watan. Naꞌuk ia nanovak ne, ni lolin a, irmunuk Ubu Ni tamata ra ma rtuan susa.

1 Yohanes 2:15

Deka mlyobang lanit ivavan ini ovu afa ovi rnaꞌa ralan a. Tamata iki watan nlobang lanit ivavan ini, na Yamadida Ubilaꞌa Ni silobang a wol nanaꞌa ralan a.

Wahyu 7:14

Ba ufalak verin ia ne, “Yaꞌa wol ukaꞌa, oa saꞌi mkaꞌa.” Nata ia nfalak verin yaꞌa ne, “Tamata avyai rbana lia roak amar ovi Ubu nfadoku a ovu malinan watan. Amar avyai rira sian a dawan urun. Ira rtofi roak rira ravit blawat ra naꞌa Domba Yanan laran a ma rangiar.