Kisah 8:32 - Surat Ralan na'a Vaidida

³² Ubu Ni vaivatul ovi nbas yai ngoarira wean ini: “Ia wean domba isa i rovun Ia ma ti rfedan Ia. Ia wean domba koꞌu i rngotal vulun a, naꞌuk wol vain.

Kisah 8:32 Kruisverwysings

Lukas 23:34

Yesus nfalak ne, “Bapa, maꞌi vatuk rira salasilan yai, tevek wol rkaꞌa afa i rotu a.” Rotu munuk wean inyai, beti rotu undi ma rtanang Ni kadaravit ra.]

Yohanes 1:29

Ni ilyan ana, Yohanes nsiꞌik Yesus nma ma ntuan ia, ba nfalak ne, “Eka msyiꞌik! Ubu Ni Domba Yanan i veka nmata al naꞌi vatuk tamata ovi rnaꞌa lanit ivavan a rira salasilan ra.

Kisah 8:31

Ia nfalak ne, “Wean inba ma ukaꞌa, wean i wol tamata ma nfalyawang kitab ini ihin a verin yaꞌa?” Ba nera ma Filipus nrata ma irua rdoku ni kareta.

Roma 8:36

Rtulis roak naꞌa Surat Ralan ne, “Lokat amar, na tamata ra rdava mane rfedan watan ami, tevek mami inorang a verin Oa. Tamata rotu sian ami wean afwatan ovi mane rfedan ira.”

1 Korintus 15:3

Afa ovi ufamalik lan roak verin mia yai, Ivar i Ubu nala roak verin yaꞌa. Ivar yai lolin lia munuk, wean lahir i rtulis roak naꞌa Surat Ralan ne, Kristus nmata roak, tevek dida salasilan ra.

1 Petrus 1:19

Naꞌuk Ubu ntevut mia ovu Kristus laran a. Laran yai fyawan urun. Kristus wean lahir domba i wol namngala ovu nmerat urun, ma nmata al neluk korban verin Ubu.