Kisah 3:19 - Surat Ralan na'a Vaidida

¹⁹ Ba terang a valing averi, myahil kikyai ma mtyalik tali bira salasilan ra ma myorang Ubu, boma naꞌi vatuk bira salasilan ra.

Kisah 3:19 Kruisverwysings

Matius 13:15

Tevek tamata ovi ralarira ra rasmotak, ba rsibi arurira ra ovu rkubak matarira ra, boma deka rsiꞌik ovu matarira ra, deka rarenar ovu arurira ra, ovu deka rfan-aran ovu ralarira ra. Deka rahil ma rtalik tali rira salasilan ra, ovu deka rdava Yaꞌa i bis otu ma lolin ewal ira.’

Matius 18:3

ma nfalak verin ira ne, “Afa i ufalak verin mia ini, kena urun! Wean i wol myahil ma mtyalik tali bira salasilan ra, ovu fyakabava tenabira ra wean kasikoꞌu ini, na mia veka wol ti mnyaꞌa Ubu Ni Fareta a.

Lukas 1:16

Afa ovi nair ra veka notu ma tamata Israel rivun ira rorang ewal Duilaꞌa i rira Ubu verin Ia.

Lukas 22:57

Naꞌuk Petrus nalak ia ma nfalak ne, “Yaꞌa wol ukaꞌa lahir tamata yai!”

Kisah 1:6

Naꞌut i rasul ra rasdovu ira, na rorat Yesus ne, “Duilaꞌa, fiang ini mane fwatalik ami tali Roma ni fareta ma fwadiri ewal Israel ni fareta?”

Kisah 11:18

Ti ma rarenar afa ovi Petrus nfalak ra, na wol rfasala roak ia, ba rfadawang aꞌuk Ubu. Ira rfalak ne, “Ubu nala vali amar verin tamata ovi wol Yahudi ra ma rahil ma rtalik tali rira salasilan ra ma rorang aꞌuk Ubu, boma rira vavaꞌat kakiwal.”

Kisah 11:21

Ubu nala ngrebat verin ira, ba tamata ovi wol Yahudi ra, rivun ilaꞌa rorang afa ovi rfalak ra ma rorang Duilaꞌa.

Kisah 15:3

Ba tamata ovi rorang Yesus naꞌa Antiokhia rfatuang ira rti kota murin a, beti rbana rti propinsi Fenisia ovu propinsi Samaria ma rfamalik naꞌa tamata ovi wol Yahudi ira naꞌuk rorang Yesus. Tamata ovi rorang Yesus naꞌa inyai rarenar ivar yai, na inar lolin.

Kisah 17:26

Ubu not-nala tamata ra munuk naꞌa lanit ivavan a tali tamata isa i naran Adam, ma nsiduk ira lokat nuhu ovi rnaꞌa lanit ivavan. Tali lalan, nfadoku roak dida vavaꞌat ovu matmatan a, ovu vali tamata ra veka rnaꞌa inba.

Kisah 2:38

Petrus nfalak verin ira ne, “Mia munuk musti myahil ma mtyalik tali bira salasilan ra, ovu mtyorung ma ambaptis mia naꞌa Yesus Kristus naran a ovu Ni ngrebat, boma Ubu veka naꞌi vatuk bira salasilan ra. Nata Ubu veka nala Ni Roh verin mia.

Kisah 28:27

Tevek tamata ovi ralarira ra rasmotak, ba rsibi arurira ra ovu rkubak matarira ra, boma deka rsiꞌik ovu matarira ra, deka rarenar ovu arurira ra, deka rfan-aran ovu ralarira ra, ovu deka rahil ma rtalik tali rira salasilan ra, ma rdava Yaꞌa i bis otu ma lolin ewal ira.’ ”

Kisah 3:20

Myotu wean inyai, boma Duilaꞌa novun mia ma nfaloling ralabira ra. Ia veka nsinir Yesus nti verin mia, tevek nfili roak Ia ma neluk Raja i ntevut dida salasilan ra.

Kisah 3:21

Ia nanaꞌa lanit ratan watan, nata ti naran amar i Ubu notu ma afa ra munuk ngorvaꞌan ewal, wean i nfalak roak naꞌa Ni Tnorung a, nahu Ni nabi ovi ralarira ra rmerat urun.

Roma 11:25

Terang a valing averi! Era ma deka fyikir ne, mkyaꞌa munuk afakataka, tevek inak ma mkyaꞌa afa fanfonak i Ubu ralan a nfalak ini. Tamata Israel boku ralarira rangrebat ma rafena rorang Ubu. Afa ini veka nbana, nata ti naran amar i Ubu nfadoku roak. Ia notu ma tamata ovi wol Yahudi, naꞌuk nfili roak ira ma rira vavaꞌat kakiwal, rma munuk ma rorang Ia.

2 Tesalonika 1:10

Naꞌut amar i Yesus veka nma, na Ia veka notu lahir afa avyai. Naꞌut inyai, na Ni tamata ovi rorang Ia munuk veka rfadawang Ia ovu ralang Ia. Tamata ovi rorang Ia munuk veka rtalkaka lahir. Mia veka myovu vali Ni tamata ra, tevek myorang roak afa ovi amfamalik verin mia.

2 Tesalonika 1:7

Ia veka notu ma tamata ra wol rwi-rwa roak mia, ovu ami vali. Ubu veka notu wean inyai naꞌut i Duilaꞌa Yesus nsuta tali lanit ratan, ma nfavotuk tenan naꞌa lanit ivavan naꞌa yafongan ralan ovu Ni sansinir ngrebat ra tali lanit ratan.

2 Timotius 2:25

Ira musti rfakabava tenarira ra ma al rsurak ovu rtabu tamata ovi rangal ira, boma Ubu ki nkarya naꞌa ralarira ra. Fara rahil ma rtalik tali rira salasilan ra, boma rorang ne, Ubu Ni vaivatul ra kena urun.

Ibrani 4:1

Terang a valing averi, Ubu Ni tnorung nanaꞌa obin. Ni tnorung nfalak ne, iki watan norang Ia, na veka nyari ia ovu Ubu. Ba msyiꞌik wabira ma lolin, beta ne tamata boku tali mia wol bisma ti ryari ira, wean lahir i Ubu nfalak roak naꞌa Ni tnorung yai.

1 Petrus 2:25

Tevek lan a, bira vavaꞌat a wean lahir domba i nban-sala a. Naꞌuk fiang ini myorang roak Kristus, ba Ia nban-ulu verin mia ma nwanar ovu nsiꞌik mia, wean lahir tamata i nwanar ovu nsiꞌik ni domba ra.

2 Petrus 3:8

Terang a valing averi, ulobang urun mia. Deka miblufang ne, naꞌa Ubu Ni fikiran a, na amar isa wean watan varat rivun isa, ovu varat rivun isa wean watan amar isa.

Wahyu 21:4

Ia veka naꞌi vatuk munuk lurira ra tali matarira ra. Tamata ra veka wol rmata roak. Tamata ralarira ra wol lalau roak, te wol rvakar roak, ovu wol rfarnuang wawaꞌuk roak. Afa avyai rlia rmamu munuk roak.”