Ibrani 9:8 - Surat Ralan na'a Vaidida

⁸ Wean inyai bi, Ubu Ni Roh nfalyawang verin ita ne, lingaꞌan ma tati ruang i nmerat rahi lia munuk wol natvelar obin, tevek ruang i nmerat urun nanaꞌa obin.

Ibrani 9:8 Kruisverwysings

Lukas 1:80

Zakharia yanan yai nmela ma dawan roak ia, ovu ni inorang verin Duilaꞌa ntafal ma nangrebat. Ia nanaꞌa watan wan lean vu dawan, ti naran amar i nfavotuk tenan a verin tamata Israel ra.

Yohanes 10:7

Ba Yesus nfalak ewal ne, “Afa i ufalak verin mia ini kena urun! Yaꞌa ini wean falfolat i domba ra baꞌi rahu ma rti warira ra.

Yohanes 10:9

Yaꞌa ini wean falfolat a. Tamata iki watan nma ma ntuan Ubu nahu Yaꞌa, na Ubu veka nsikat ia tali ni salasilan ra, ma ni vavaꞌat kakiwal. Tamata yai veka nti ovu nma, nahu falfolat yai ma ntuan wan lean vu i ngrova lalawatan.

Yohanes 14:6

Yesus nfalak ne, “Yaꞌa ini lingaꞌan verin tamata ovi mane rti Yamang a. Tali Yaꞌa bi tamata ra rkaꞌa afa ovi kena ra, ovu Yaꞌa ala vavaꞌat kakiwal verin tamata ra. Wol tamata isa bisma nti ntuan Yamang a, wean i wol nahu Yaꞌa.

Kisah 28:25

Tamata avyai wol raꞌan vai isa naꞌa afa ovi Paulus nfalak ra. Ira mane rdir-talik wan yai, ba Paulus ntafal ma nfalak verin ira ne, “Ubu Ni Roh kena lahir ma nfalak verin nabi Yesaya. Ia nfalak verin ubud-nusid ra ne,

Galatia 3:8

Tali lalan ana, Ubu nfalak ma tamata ra rtulis roak naꞌa Ni Surat Ralan ne, wean i tamata ovi wol Yahudi rorang Ia, na Ia veka notu ma rira vavaꞌat ra rmalola ovu Ia. Ubu nfamalik lan roak Ni Ivar Lolin yai verin Abraham ne, “Veka uflahar munuk tamata ovi rnaꞌa lanit ivavan ini, tevek afa ovi veka motu ra.”

Efesus 2:18

Kristus notu wean inyai, bi tamata Yahudi ra ovu ovi wol Yahudi ra, dida lingaꞌan ma tfaseri Yamadida, tevek ngrebat i ntali Ubu Ni Roh a, ikisa watan.

Ibrani 10:15

Ubu Ni Roh nfalyawang roak afa yai verin ita ne, kena urun,

Ibrani 3:7

Ba terang a valing averi, fara myorang afa ovi Ubu Ni Roh nfalak a wean ini, “Amar ini, wean i mryenar Ubu vain a,

Ibrani 9:3

Naꞌa ruang i nmerat urun yai ralan a, na rfakloꞌi maloli dawan amafal isa ma nteri ruang i naꞌa ulu a. Ira rfanara ruang i naꞌa ulu yai ne, ruang i nmerat rahi lia munuk a.

2 Petrus 1:21

Nabi lan ra rfamalik Ubu Ni vaivatul ra wol ntali rira ininan ra watan. Naꞌuk rfamalik Ubu Ni vaivatul ovi rarenar lahir tali Ia, tevek Ubu Ni Roh a nfatuang ira ma rfamalik lahir Ni vaivatul ra.