Ibrani 1:1 - Surat Ralan na'a Vaidida

¹ Terang a valing averi, lalan ana Ubu nangrihi ma rivun roak verin ubud-nusid ra nahu Ni nabi ra. Ia nala lingaꞌan rivun ma nangrihi verin ira.

Ibrani 1:1 Kruisverwysings

Lukas 1:72

Notu wean inyai ma nfaturu Ni rala lolin a verin ubud-nusid ra ne, veka nfakena Ni tnorung i nmerat urun yai.

Lukas 24:27

Nata Yesus nfalyawang verin ira afa ovi rtulis roak naꞌa Ia naꞌa Surat Ralan. Ia nfalyawang lan Ia naꞌa Musa ni kitab ra, beti nabi liak rira kitab ra munuk.

Lukas 24:44

Ia nfalak verin ira ne, “Ini afa ovi ufalak roak verin mia naꞌut i itmunuk obin a. Ufalak verin mia ne, afa ovi Musa ntulis roak naꞌa ni kitab ra, ovu nabi liak ra rtulis vali roak naꞌa rira kitab ra, ovu vali naꞌa Mazmur, na irmunuk rfamalik Yaꞌa. Ubu nfadoku roak ma afa avyai fiang ini musti rvotuk munuk roak!”

Yohanes 16:13

Naꞌut i Ubu Ni Roh nma, na Ni Roh yai veka nfalak afa ovi kena ra. Ia veka nair mia ma mkyaꞌa afa ovi kena ra munuk. Naꞌut i nangrihi, na afa ovi nfalak ra wol rtali Ni fikiran a watan, naꞌuk Ia nfalak afa ovi nrenar roak tali Ubu. Ia veka nfalak vali verin mia naꞌa afa ovi veka rvotuk ra.

Yohanes 7:22

Naꞌuk mia mkyarya vali naꞌut i msyunat tamata ra naꞌa amar i tyari ita. Musa ntulis naꞌa ni inukun ra ma rsunat mia, naꞌuk velik aba sunat yai wol ntali Musa. Sunat yai ntali ubud-nusid ra.

Yohanes 9:29

Ami amkaꞌa ne, Ubu nangrihi roak verin Musa, naꞌuk wol amkaꞌa ne, tamata yai ntali inba.”

Kisah 13:32

Ba amfalak ivar lolin ini verin mia. Ubu nfakena munuk roak Ni tnorung i lalan a nfalak verin ubud-nusid ra, ma nfavaꞌat ewal Yesus. Mazmur pasal irua nfalak wean ini, ‘Yaꞌa Yanak Oa! Amar ini lahir, ufalak verin Oa ne, Yamam Yaꞌa.’

Kisah 2:30

Daud nabi ia, ba nkaꞌa roak ne, Ubu nala tnorung verin ia ovu nafwaba verin ia ne, tali Daud ubun nusin ra, na veka nsikat tamata isa ma neluk Raja i ntevut dida salasilan ra, ma ndoku wan i Daud ndoku ma nfareta.

Kisah 28:23

Ba irmunuk Paulus rfadoku amar ma rsituan ira. Naran amar i rfadoku roak ma rsituan ira, na dawan Yahudi rivun ira rma Paulus wan i nleal a. Ia nair ira ma nfalyawang Ubu Ni Fareta Ralan verin ira, tali varverak ti naran lervava. Ia nfamalik afa ovi rtulis roak naꞌa Musa ni inukun ra ovu tali nabi rira kitab ra, ma ndava ralarira ra ma rorang Yesus.

Kisah 3:21

Ia nanaꞌa lanit ratan watan, nata ti naran amar i Ubu notu ma afa ra munuk ngorvaꞌan ewal, wean i nfalak roak naꞌa Ni Tnorung a, nahu Ni nabi ovi ralarira ra rmerat urun.

Ibrani 11:2

Lalan ana, ubud-nusid ra rotu ma Ubu ralan a lolin, tevek rorang Ia.

Ibrani 12:25

Ba wean inyai bi msyiꞌik wabira ma lolin, betane mifena ma mryenar i Ubu nangrihi verin mia. Wean i lan a, tamata Yahudi rafena ma rarenar Ubu Ni vaivatul ra naꞌa lanit ivavan ini, na ira wol ralit tali Ni inukun a. Ba wean i tafena ma trenar Ubu i nangrihi tali lanit ratan a, na wean inba ma bis dida vavaꞌat kakiwal?

Ibrani 2:2

Ubu Ni vaivatul ovi Ni sansinir ra tali lanit ratan rfamalik verin ubud-nusid ra tali lalan, kena lalawatan. Ba tamata ovi wol rot-orang vaivatul avyai rtuan roak inukun i inovan ovu afa sala ovi rotu ra.

Ibrani 2:3

Ubu nsikat roak ita tali dida salasilan ra, ma dida vavaꞌat kakiwal. Afa i Ubu notu yai lolin urun, ba tamata ovi wol rkamlabir afa yai, na Ia veka nukun ira ma ntafal ma aleman. Duilaꞌa Yesus kaꞌi nfamalik lan Ubu Ni Ivar Lolin a. Nata tamata ovi rarenar lan roak Ivar yai tali Yesus, ti rfamalik vali verin ita ma tkaꞌa ne, Ivar yai kena lahir.

Ibrani 3:5

Musa neluk tamata sansinir ma not-orang lalawatan afa ovi Ubu nfalak ra naꞌa ni karya verin Ubu Ni tamata ra. Ia ni karya ma nfalyawang naꞌa afa ovi Ubu veka nfavotuk naꞌa amar ovi veka rma ini.

Ibrani 4:8

Lan ana, Yosua novun roak tamata Yahudi ra ma rti wan i ryari ira ovu Ubu, naꞌuk wol ryari ira wean Ubu ralan nfalak a. Wean i tamata Yahudi ra bisma ryari ira ovu Ubu naꞌa wan yai, na Ia wol notu tnorung roak ma nala amar liak ma veka tyari ita ovu Ia.

Ibrani 5:5

Kristus wean vali inyai. Ia wol nsikat tenan a ma neluk Mela Falurut Ilaꞌa, boma tamata ra rsoak ma rfadawang Ia, naꞌuk Ubu aꞌuk saꞌi nfili Ia. Ubu nfalak verin Ia ne, “Yaꞌa Yanak Oa! Amar ini lahir, ufalak verin Oa ne, Yamam Yaꞌa.”

Ibrani 9:19

Lalan ana, Ubu nala Ni inukun ra verin Musa. Naꞌut i Musa nfamalik munuk inukun avyai verin tamata Yahudi ra, na ia nala bibi brana ovu sapi koꞌu lararira ra ma nsileti ovu wear. Ia nala domba vulun i navuli a ovu aa koꞌu i naran hisop anan ra, beti nsovu naꞌa lara i nsileti roak ovu wear yai. Notu wean inyai, beti nasmir naꞌa buku lalulung i ntulis Ubu Ni inukun ra naꞌa, ovu vali nasmir naꞌa tamata Yahudi ra.