Filipi 4:21 - Surat Ralan na'a Vaidida

²¹ Ala salam verin mia munuk tamata ovi myorang Kristus Yesus. Terad a valid ovi amamunuk amnaꞌa ini, rala salam vali verin mia.

Filipi 4:21 Kruisverwysings

Matius 5:47

Wean i mtyuli bira kida ra watan, na afa i myotu yai veka lolin lia aka? Tamata ovi wol rorang Ubu rotu vali wean inyai te wahal?

Galatia 2:3

Ira wol rkiwal ma rsunat Titus i ovun vali ia, velik ne tamata Yunani ia.

Efesus 1:1

Terang a valing averi! Yaꞌa ini Paulus, utulis surat ini verin mia tamata ovi myorang Yesus naꞌa kota Efesus. Ubu nfili yaꞌa ma eluk rasul verin Kristus Yesus. Myorang urun Kristus Yesus ovu bira vavaꞌat isa roak ovu Ia, ovu myot-orang lalawatan afa ovi nfalak ra.

Filipi 1:1

Surat ini ntali yaꞌa Paulus. Timotius nanaꞌa ini ovu yaꞌa, ma amrua ameluk sansinir verin Kristus Yesus. Utulis surat ini verin tamata ovi myeluk dawan kareda ovi byan-ulu naꞌa bira sidovung ra, ovu verin dawan kareda ovi myeluk diaken. Surat ini vali verin mia munuk tamata inorang ovi ralabira isa roak ovu Kristus Yesus naꞌa kota Filipi.

Filipi 4:7

Ba Ubu veka notu ma ralabira ra malinan watan, velik ne wol bisma tfan-aran malinan yai. Wean inyai, bi Ubu nwanar ralabira ra ovu bira fikiran ra, ma isa watan mia ovu Kristus Yesus, tevek myorang Ia.