Filipi 1:22 - Surat Ralan na'a Vaidida

²² Naꞌuk wean i uvaꞌat naꞌa lanit ivavan ini obin, na bis otu karya i Kristus nala roak verin yaꞌa, ma tamata rivun rorang Ia. Ba wol ukaꞌa ne, veka ufili inba.

Filipi 1:22 Kruisverwysings

Kisah 3:17

Kida averi! Fiang ini ukaꞌa roak afa sala ovi mimunuk bira dawan ra myotu verin Yesus, naꞌuk wol fyan-aran afa ovi myotu ra.

Roma 1:13

Terang a valing averi, inak ma mkyaꞌa ne, yaꞌa baꞌi udava lingaꞌan ma ti ulola mia, boma ufamalik Kristus ma tamata rivun rorang Ia, wean tamata ovi wol Yahudi ira naꞌa wan liak, rorang vali Ia. Naꞌuk ma naran amar ini, na utuan lalawatan angangal ra.

Roma 11:2

Ubu wol nalaꞌing Ni tamata ovi nfili lan roak ira. Mia mkyaꞌa afa ovi rtulis roak naꞌa Surat Ralan naꞌa Elia. Ia nafngamuꞌur ma nfalak verin Ubu naꞌa tamata Israel ra ne,

2 Korintus 10:3

Kena ma amvaꞌat naꞌa lanit ivavan ini, naꞌuk ami wol amorang tamata rira fikiran ra naꞌa lanit ivavan, ma amangal tamata ovi rangal ami.

Galatia 2:20

Ba wol uvaꞌat watan wean lan a, naꞌuk Kristus nvaꞌat naꞌa ralang a. Naꞌa ning vavaꞌat a, na uvaꞌat ovu ning inorang naꞌa Ubu Yanan a. Ia nlobang yaꞌa, ba nmata verin yaꞌa.

Filipi 1:23

Yaꞌa utuan lingaꞌan irua, ba wol ukaꞌa ne, veka ahu inba. Lingaꞌan i ula lalean a, inak ma uti talik lanit ivavan ini ma unaꞌa ovu Kristus, tevek inyai lolin lia munuk verin yaꞌa.

Filipi 1:24

Naꞌuk ni lolin a ufili lingaꞌan i nban-muri a, ma uvaꞌat watan naꞌa lanit ivavan ini, boma bisma ulobang mia.

Kolose 2:1

Terang a valing averi, yaꞌa inak ma mkyaꞌa ne, ukarya urun verin mia, ovu tamata ovi rorang Yesus naꞌa kota Laodikia, ovu vali tamata ovi wol utuan ira obin.

1 Petrus 4:2

Ba myorang afa ovi Ubu ralan nfalak ra naꞌut i byaꞌat obin naꞌa lanit ivavan a. Deka mane myorang watan bira ininan sian ra.