1 Korintus 1:10 - Surat Ralan na'a Vaidida

¹⁰ Terang a valing averi! Duilaꞌa Yesus nsinir yaꞌa ma ungrihi, na ala lahir naran a ma ungrihi verin mia, boma myorang afa ovi mane ufalak verin mia ini. Era urun ma bir tinemun deka msyingarahi ma myotu bira sidovung alaling. Era vali ma mian vai isa watan naꞌa bira fikiran ra ovu afa ovi fyalak ra.

1 Korintus 1:10 Kruisverwysings

Matius 9:16

Yesus nala vaivatul kamkuma irua ewal ma nfalak ne, “Wol tamata isa nlavan ni kadaravit mnanat ovu maloli ngorvaꞌan, tevek maloli ngorvaꞌan yai wol naslura obin, ba veka notu watan ma kadaravit yai ntafal ma namsat.

Markus 2:21

Yesus nfamalik vaivatul kamkuma isa ewal wean ini: “Wol tamata isa nlavan ni kadaravit mnanat ovu maloli ngorvaꞌan, tevek maloli ngorvaꞌan yai wol naslura obin, ba veka notu watan ma kadaravit yai ntafal ma namsat.

Markus 3:24

Wean i rsiduk nuhu dawan isa naꞌut ifira ma sidovung ra rotu rihi, na nuhu dawan yai veka namaꞌar.

Yohanes 10:19

Yesus nfalak munuk wean inyai, na tamata Yahudi ra rsitaku ulurira naꞌa rira fikiran ra.

Yohanes 17:23

Ning vavaꞌat isa watan ovu ira, ovu vali Bapa ovu Yaꞌa isa watan ita, boma irmunuk isa watan ira. Wean inyai, boma tamata ovi rnaꞌa lanit ivavan a rkaꞌa ne, Oa msinir Yaꞌa, ovu vali mlobang ira wean lahir i mlobang Yaꞌa.

Yohanes 7:43

Ba tamata rivun avyai rsitaku ulurira naꞌa rira fikiran ra naꞌa Yesus.

Yohanes 9:16

Tamata Farisi boku rfalak ne, “Tamata i notu ma lolin tamata ini matan a wol ntali Ubu, tevek wol nalang amar i tyari ita.” Naꞌuk tamata Farisi boku vali rfalak ne, “Wean inba ma tamata salasilan isa bisma not-nala mujizat i wean ini?” Ba rsitaku ulurira naꞌa rira fikiran ra.

Kisah 4:32

Tamata ovi rorang Yesus munuk ralarira isa, ba wol tamata isa tali ira nafena ma nala ni metan ra verin rira sidovung.

Roma 1:13

Terang a valing averi, inak ma mkyaꞌa ne, yaꞌa baꞌi udava lingaꞌan ma ti ulola mia, boma ufamalik Kristus ma tamata rivun rorang Ia, wean tamata ovi wol Yahudi ira naꞌa wan liak, rorang vali Ia. Naꞌuk ma naran amar ini, na utuan lalawatan angangal ra.

Roma 12:1

Terang a valing averi! Ubu nlobang mia ma nfaturu Ni lolin verin mia. Ba era urun verin mia, boma myala munuk bira vavaꞌat ra verin Ubu, ma neluk bira korban i nvaꞌat ovu nmerat urun, ovu vali nfaloling Ubu ralan a. Inovan ma myotu wean inyai ma al msyangatur ma mryaning Ia.

Roma 12:16

Era verin mia munuk ma mian vai isa naꞌa bira fikiran ra, boma bira vavaꞌat ra lolin ovu tamata liak ra. Deka fyakaratat tenabira ra, naꞌuk mtyorung ma myotu bira kida ovu tamata biasa ra watan. Deka fyikir ne, bira kakaꞌa a dawan lia tamata liak ra.

Roma 15:30

Terang a valing averi! Ita torang roak dida Duilaꞌa Kristus, ovu vali Ubu Ni Roh notu roak ma tsilobang ita, ba era urun ma itmunuk taflurut verin Ubu ovu ralad urun, ma nlobang yaꞌa naꞌa ning karya.

Roma 16:17

Terang a valing averi, era urun verin mia ma msyiꞌik wabira ma lolin naꞌa tamata ovi rotu ma bira sidovung a namaꞌar, ovu vali rweang mia ma myorang rira afa ovi rair ra. Ira rair afa ovi wol kena ra, ovu wol wean lahir afa ovi mryenar roak. Ba fyaroa lahir tenabira tali ira!

1 Korintus 1:11

Terang a valing averi, ufalak wean ini, tevek vata i naran Kloꞌe ni tamata ra rma ma rfalak verin yaꞌa ne, mia msyingarahi-sikual mia ma fyalak naꞌa tamata i nban-ulu verin mia.

1 Korintus 11:18

Yaꞌa urenar lan roak ne, naꞌut i misdovu mia naꞌa bira sidovung a, na msyingarahi ma myotu bira sidovung alaling. Yaꞌa orang ne, afa boku tali ivar yai kena.

1 Korintus 12:25

Ubu notu wean inyai, boma deka tsiduk tenadida ini, naꞌuk wean i afa ovi rnaꞌa tenadida ra rsialing ira, na musti isa nlobang isa.

1 Korintus 3:3

Mia bira vavaꞌat ra rtali watan bira ininan sian ovi rtali tenabira ra. Ba wean i wol inabira ma msyiꞌik tamata liak rira lolin ra ovu msyingarahi-sikual mia, na inyai nfaturu lahir ne, myorang watan bira ininan sian ovi rtali lanit ivavan a, ma weabira tamata ovi wol rkaꞌa Ubu.

1 Korintus 4:16

Ba era verin mia ma naꞌa bira vavaꞌat ra, na musti myot-orang lahir afa ovi otu roak verin mia.

2 Korintus 10:1

Terang a valing averi! Tamata boku rfalak ne, “Paulus wol nabrahi ma nsurak mia wean i itmunuk tnaꞌa wan isa, naꞌuk wean i nanaꞌa raroa, na nabrahi watan ma nsurak mia.” Naꞌuk yaꞌa Paulus, ufakabava tenang a ovu umarkai wean Kristus.

2 Korintus 13:11

Ba terang a valing averi, mane ufakbosal ning surat ini, na ufalak verin mia ne, fara ralabira lolin watan. Era ma fyakena urun afa ovi myotu naꞌa bira vavaꞌat ra, ovu myala ning snurak ra munuk ma rleal ralabira ra. Bira fikiran isa naꞌa afa ovi myotu ra. Msyiotu lolin mia naꞌa bira vavaꞌat ra ma malinan watan, boma Ubu i Nia silobang ovu malinan a, nfatuang mia.

2 Korintus 13:9

Inamami lolin urun wean i mia mingrebat, velik ne felamami ra wean i wol amangrebat. Ami amaflurut, boma fyakena urun afa ovi myotu naꞌa bira vavaꞌat ra naꞌa Ubu wahan ralan a.

2 Korintus 5:20

Ba wean inyai, bi ami ameluk Kristus Ni tamata sansinir ra, ma nahu ami, Ubu nala Ni snurak ra verin tamata ra. Amangrihi verin mia naꞌa Kristus naran a ma amfalak urun ne, mtyorung ma Ubu notu ma bira vavaꞌat ra malinan ewal ovu Ia.

2 Korintus 6:1

Terang a valing averi! Amkarya verin Ubu, ba amsurak mia, boma deka myotu ma Ni rala lolin i nala roak verin mia yai, wol ihin lahir naꞌa bira vavaꞌat ra.

Galatia 4:12

Terang a valing averi, era verin mia ovu ralang urun ma fara myot-orang afa ovi otu ra, tevek utalik roak mami adat Yahudi ma uvaꞌat wean mia, tamata ovi wol Yahudi ra. Mia vali wol myotu sala verin yaꞌa.

Filipi 1:27

Ba fiang ini nlia tali inyai, na bira vavaꞌat a musti myot-orang munuk afa ovi inovan verin tamata ovi rorang roak Ubu Ni Ivar Lolin i nfamalik Kristus. Ba wean i uma ewal, na bis usiꞌik ne, wol msyuka mia, ba bira dardirin ra rnaꞌa watan Ubu Ni Roh a, te wean i wol uma roak, na urenar vali wean inyai. Myotu vali ma ralabira isa, boma myangal nala tamata ovi rfalak sian Ni Ivar Lolin a, ovu deka mifla talik bira inorang a.

Filipi 3:16

Naꞌuk era lahir ma tsiꞌik ma lolin afa ini: ita musti tahu lalawatan lingaꞌan i Ubu nfaturu roak verin ita, ma naran amar ini.

1 Tesalonika 5:13

Myalang ma dawan ira ovu mlyobang ira, tevek rfabana Ubu Ni karya. Fara msyiotu lolin watan mia, boma bira vavaꞌat ra malinan.

2 Tesalonika 2:1

Teramam-valimami averi naꞌa Yesus Kristus, mane amfamalik naꞌa amar i dida Duilaꞌa Yesus Kristus veka nma ewal ma nasdovu ita, ma itmunuk tleal wan isa. Ami veka amera tali mia ovu ralamami urun, ma fara

1 Timotius 5:21

Ufareta oa naꞌa Ubu ovu Kristus Yesus, ovu vali Ni sansinir tali lanit ratan ovi nfili ra, waharira ralan a, ma morang urun afa ovi ufalak ra. Deka fwili tamata boku watan, naꞌuk msiꞌik munuk ira.

2 Timotius 4:1

O Timotius! Yaꞌa ralang urun ma usurak lahir oa naꞌa Ubu ovu Yesus Kristus wahan ralan a. Naꞌa amar i Yesus Kristus veka nma ewal ma nfareta tamata ra wean lahir Raja, na Ia veka nfaleka inukun verin tamata ovi rmata roak ovu ovi rvaꞌat obin. Ba usurak oa ne:

1 Petrus 2:11

Terang a valing averi, ulobang urun mia, ba ufalak verin mia ne, mingnanang ne myeluk tamata dakan, ovu byaꞌat teri watan naꞌa lanit ivavan ini. Wean inyai, ba era urun verin mia ma deka myot-orang bira ininan sian ovi rtali tenabira ra ma rangal lahir bira roh a.

1 Petrus 5:10

Susa i mtyuan yai veka wol kaꞌi mnanat. Ti ma susa yai roak rok, na Ubu veka nala Ni rala lolin i dawan urun ma nfakena munuk afa ovi wol rnaꞌa bira vavaꞌat ra. Ia vali veka nfabatar ovu nfangrebat ewal bira inorang a, ovu vali notu ma mtyahang nal ralabira, ba mdyiri watan naꞌa bira inorang. Ia nera roak mia ma myovu naꞌa vanan i nfitik a nyadat ma wol ni wahan a. Notu munuk afa avyai, tevek dida vavaꞌat isa roak ovu Kristus.