Ruta 2:11 - Buki Tabu Lowaenei 1919

¹¹ Ta Boasa ‘i ona limana ta ‘ena ‘i gwae, ‘Imu bubuna iauna lawaio ‘ena tuta ‘enega mwaneio ‘i mwawasa ga batua, ni‘atu ‘eguia si e‘ita ‘ai‘ailina: ta ‘aene tamaio be sinaio ni‘atu ‘u pilisinedi, ta ‘imu ‘asa ‘imu ‘ebetubua, ta tomota lowa nigea ‘u mwaramwaratonidi ‘edia ‘u mai.

Ruta 2:11 Kruisverwysings

Salamo 45:10

Natugu me wainena ie, ‘u da nono, be ‘u da nuanua, ta tenaio ‘u da tagware; Wate tauio ‘imu tomota ‘u da nuapupura, ta tamaio ‘ina anua;

Ruta 1:11

Ta Naomi ‘i gwae, Wa da ‘ila limana, natuguao: to‘ase manuna ma‘eguao ta da tauia? ‘aene natuguao me‘olotodi wate gamwagu ‘enaia, be ‘enega si da mwanemiao?

Ruta 2:10

Ga waine ‘i be‘u sana mwa‘uta, ta bare‘uia i kopukopu, ta ‘i eonena, To‘ase manuna u ‘atenua‘ole‘oleiegu, ta ‘enega manugu ‘u eona, ‘abo‘agu to‘u‘umara ta ‘enega?

Ruta 2:12

Ieoba ‘imu guinua ‘i da e‘isa, ta tamapu ‘ai‘aila Ieoba, Iseraela ‘ina Eaubada, ‘i da ‘ebwaemu, tauna papena ‘edia ‘u mai sabi mia iauiaukwaia.

Ruta 3:10

Ta ‘i gwae, Natugu, Ieoba ‘i da obobomeio: muria ‘imu nua‘ole‘ole ‘u e‘ita sinabwa wawasae nugana ‘enaia, tubuau nigea ‘u muriedi ta ‘enega, nai gomagomabesodi nai esaesadi.

Ruta 4:15

Ta tauna iawasio ‘i da sa‘u, ta tuta u ‘e waine sinabwa ‘enega ‘i da lemeio: lawaio, tauna ‘i obobomemu, tauna wate ‘emuia ‘i bobo‘ana ta ‘abo natumuao me‘olotodi ‘e sebeni nigea si bobo‘ana ‘emuia, tauna ni‘atu ‘i enatunena ta ‘enega.