Nugana 42:2 - Buki Tabu Lowaenei 1919

² Ta ‘i ona, Wa ‘ita, ni‘atu ia nonona ‘aene witi Aigupito ‘ena ‘i miami: ‘ena wa da mwa‘uta, ta gote ‘enega wa da gimwani manuda; be ‘enega ta da bobo‘ana, ta gea‘abo ta da mwawamwawasa.

Nugana 42:2 Kruisverwysings

Nugana 42:3

Ta Iosepa tasinao ‘e sanau si mwa‘uta sabi gimwani masura Aigupito ‘enega.

Nugana 43:2

Ta gete ‘i apwesa, ni‘atu witi Aigupitoega si me‘eme‘ena si ‘e egumwarena, ga tamadi ‘i ona ‘edia, Wa da tauia limana, masura gidarina wa da gimwani ‘edaia.

Nugana 43:4

‘Abo tasima ‘u da ‘etunena ma‘ema, ‘a da mwa‘uta ta masura ‘a da gimwani ‘emuia:

Nugana 43:8

Ta Iuda ‘i ona tamana Iseraela ‘enaia, Tubuau ‘u da ‘etunena ma‘ieagu, ta ‘a da tooro be ‘a da tauia; be ‘enega ta da bobo‘ana, ta gea‘abo ta da mwawamwawasa, ‘abo‘ama be, ‘oio be, wate ‘ida gogama gidaridi be.

Nugana 45:9

Wa da lomanini, ta tamagu ‘ena wa da tu‘e, ta wa da ona ‘enaia, Gete nadigega natuio Iosepa ‘i ona, Eaubada ‘eguia ‘i bubuna ga ‘abo‘agu Aigupito maibo‘ana ‘ana ‘inapwana: ‘eguia ‘u da mwa‘utama, gea‘abo ‘u miamialia:

Salamo 118:17

Gea‘abo ia da mwawasa, ia da bobo‘ana, Ta Ieoba ‘ina guinua ia da simanedi.

Salamo 33:18

Wa ita, Ieoba matana taudi si matautena ‘edia ‘i miami, Taudi ‘ina nua‘ole‘ole si nuaiaina ‘edia;

Salamo 33:19

Be iaruiaruadi i ‘etoseena mwawasega, Ta tuta botana ‘enega iawasidi ‘i sa‘una.

Isaia 38:1

Asiata gotedi Esekia ‘i le‘oasa i ‘abe ‘i mwawasa. Ta Isaia paropita Amosa natuna ‘ena ‘i mai, ta ‘ena ‘i ona, Ieoba gete nadigega ‘i gwae, ‘Imu anua ‘u da sa‘u ‘ai‘aili; ‘u da mwawasa ta ‘enega, ta gea‘abo ‘u da bobo‘ana.