Nugana 17:9 - Buki Tabu Lowaenei 1919

⁹ Ta Eaubada Aberaamo ‘ena ‘i ona, Ta manuio, ‘oio ‘igu ona‘upa‘upa ‘u da ‘ita‘i‘isi, ‘oio, ta tubumuao murimuia ‘idi epatatomota ‘edia.

Nugana 17:9 Kruisverwysings

Nugana 17:23

Ta Aberaamo natuna Isimaela i ‘au‘ewena, iauiaudi ‘ina susu ‘ena si tubutubua ta, iauiaudi ‘inamaniega ‘i gimwagimwaniedi ta, Aberaamo ‘ina susu taidi me‘olotodi iauna, ta asiata ai‘aila gote bwaradi matana esiona i ‘edabena, na‘ieana Eaubada ‘i onaona ‘enaia.

Nugana 18:19

Ia mwaratonina ta ‘enega, be ‘enega natunao ta ‘ina susu murinaia ‘i da loinedi, be Ieoba ‘ina ‘eda si da ‘ita‘i‘isi, be bubuna ‘ai‘aila ta loina si da guinuei; be ‘enega Ieoba iage Aberaamo manuna ‘i gwae Aberaamo ‘ena ‘i da me‘ena.

Salamo 103:18

Taudi nadigega ‘ina ona‘upa‘upa si ‘ita‘i‘isina, Ta taudi ‘ina loina si nua‘i‘isidi be si guinuedi.

Salamo 25:10

Ieoba ‘ina ‘eda iauiauna si oboboma ta ona ‘ai‘aila Taudi ‘ina ona‘upa‘upa ta ‘ina simana si ‘ita‘i‘isidi ‘edia.

Si Apwesa 19:5

Gete ta ‘enega, ‘abo ‘enagu wa da nono ‘ai‘aila, ta ‘igu ona‘upa‘upa wa ‘ita‘i‘isi, ga wa da egwegwe bobo‘ai‘ailina ‘eguia tomota iauiaudi ‘ediega: gabura maibo‘ana ‘igu iage ta ‘enega: