Isaia 64:1 - Buki Tabu Lowaenei 1919

¹ Eguma garewa ‘u da sabu, ta ‘u da mwa‘utama, ta ‘oea si da dau mwa‘uta matamuia;

Isaia 64:1 Kruisverwysings

Salamo 46:6

‘Ebeloinao si egamwagamwagu, ‘asa si loniu: ‘Enana ‘i gieapwesena, bare‘u ‘i doga.

Salamo 68:8

Bare‘u ‘i dedera, Garewaiao wate si mwa‘uta Eaubada matanaia: Sinai gote ‘i dedera tuga Eaubada matanaia, Iseraela ‘ina Eaubada.

Salamo 79:10

To‘ase manuna to apwesa si da gwae, ‘Idi Eaubada mane? ‘Imu toguinuao raradi ni‘atu si siwena ‘ana e‘isa To apwesa si da mwaratoni matamaia.

Si Apwesa 19:11

Ta asiata ‘etonina manuna si da mia ‘ai‘aila: asiata ‘etonina ta ‘enega Ieoba ‘i da mwa‘utama tomota iauiaudi matadia ‘oea Sinai ‘enaia.

Si Apwesa 3:8

Ta ia mwa‘utama be ia da ‘etoseedi me Aigupito nimadiega, be ia da ‘au‘ewatu‘eiedima ‘asa gote ‘enega ga ‘asa bobo‘ana ‘enaia ta ‘asa sinabwana, ‘asa ‘enaia susuta oni ‘ena si daudau; me Kanania ‘idi esena ‘ena be, me Eta be, me Amori be, me Perisi be, me Ibite be, me Iebusi be.

Isaia 41:15

U ‘ita, ia da bubuio be u ‘ebetutu mamatana auauna masarana: ‘oea ‘u da sapidi, ta ‘u da tutudi matagidarina, ta ‘oea gidaridi ‘u da bubudi sumwana ‘stua.

Isaia 63:15

Garewega ‘u da ‘ita mwa‘utama, ta ‘imu tabu ta ‘imu esaesa ‘idi ‘ebemiega ‘u da dune: mane ‘imu gewagewana ta ‘imu guinua waiwaidi? dia ‘ina waiwai ta ‘imu nua‘ole‘oleao si miaiaina manugu.

Isaia 63:19

‘Abo‘ama ni‘atu nadigega taudi nigea ‘e bweu tuta ‘u loinedi; nadigega taudi nigea si eesedi ‘amu esanega.